باباجی
محفلین
دل کو ہے زلفِ سیہ فام کی حرص
ورنہ کس مرغ کو ہے دام کی حرص
میری آنکھوں کو مرے کانوں کو
ہےترے نامہ و پیغام کی حرص
ذوق دل مست مجھے رکھتا ہے
جم نہیں ہوں جو کروں جام کی ہوس
باغ عالم میں ہے عنقا کی طرح
بے نشانی میں مجھے نام کی حرص
ہے عجب درد محبت میں مزہ
اس مرض میں نہیں آرام کی حرص
نام محبوب رہے وردِ زباں
کام کی ہے تو یہ ہے کام کی حرص
نظر آجائے جو وہ مصحف رخ
ہندوؤں کو بھی ہو اسلام کی حرص
عاشق خانہ خرابی ہیں ہم
کس کو ہے زیب در و بام کی حرص
خط کے لایا ہے وہاں سے پُرزے
اس پہ قاصد کو ہے پیغام کی حرص
ابھی پختہ نہیں وہ سیب ذقن
کیجیئے کیا طمع خام کی حرص
لب شیریں پہ ترے خط نکلا
اب نہ بوسے کی نہ دُشنام کی حرص
عشق نے سب سے کیا بے پروا
ننگ کی ہے نہ مجھے نام کی حرص
ہجرِ جاناں میں نہانا کیسا
خاک مُردے کو ہو حمام کی حرص
خوش ہیں ہم جامہء عریانی میں
کس کو ہے جامہء احرام کی حرص
پھول دیکھے ہیں جو چوٹی میں ترے
عندلیبوں کو ہے گلدام کی حرص
ہجو میکش ہے لب واعظ پر
دل میں پوشیدہ مے و جام کی حرص
لے گئی ہند سے تا شام امیر
ہم کو اس زلفِ سیہ فام کی حرص
کلیات امیر مینائی
ورنہ کس مرغ کو ہے دام کی حرص
میری آنکھوں کو مرے کانوں کو
ہےترے نامہ و پیغام کی حرص
ذوق دل مست مجھے رکھتا ہے
جم نہیں ہوں جو کروں جام کی ہوس
باغ عالم میں ہے عنقا کی طرح
بے نشانی میں مجھے نام کی حرص
ہے عجب درد محبت میں مزہ
اس مرض میں نہیں آرام کی حرص
نام محبوب رہے وردِ زباں
کام کی ہے تو یہ ہے کام کی حرص
نظر آجائے جو وہ مصحف رخ
ہندوؤں کو بھی ہو اسلام کی حرص
عاشق خانہ خرابی ہیں ہم
کس کو ہے زیب در و بام کی حرص
خط کے لایا ہے وہاں سے پُرزے
اس پہ قاصد کو ہے پیغام کی حرص
ابھی پختہ نہیں وہ سیب ذقن
کیجیئے کیا طمع خام کی حرص
لب شیریں پہ ترے خط نکلا
اب نہ بوسے کی نہ دُشنام کی حرص
عشق نے سب سے کیا بے پروا
ننگ کی ہے نہ مجھے نام کی حرص
ہجرِ جاناں میں نہانا کیسا
خاک مُردے کو ہو حمام کی حرص
خوش ہیں ہم جامہء عریانی میں
کس کو ہے جامہء احرام کی حرص
پھول دیکھے ہیں جو چوٹی میں ترے
عندلیبوں کو ہے گلدام کی حرص
ہجو میکش ہے لب واعظ پر
دل میں پوشیدہ مے و جام کی حرص
لے گئی ہند سے تا شام امیر
ہم کو اس زلفِ سیہ فام کی حرص
کلیات امیر مینائی
