یاس دل عجب جلوۂ اُمّید نظر آتا ہے مجھے (میرزا یاس یگانہ چنگیزی)

طارق شاہ

محفلین
غزلِ
میرزا یاس یگانہ
دل عجب جلوۂ اُمّید نظر آتا ہے مجھے
شام سے یاس سویرا نظر آتا ہے مجھے
جلوۂ دارورسن اپنے نصیبوں میں کہاں
کون دنیا کی نگاہوں پہ چڑھاتا ہے مجھے
دل کو لہراتا ہے ہنگامۂ زندانِ بَلا
شورِایذا طلبی وجْد میں لاتا ہے مجھے
پائے آزاد ہے زنداں کے چلن سے باہر
بیڑیاں کیوں کوئی دیوانہ پنھاتا ہے مجھے
ہنس کے کہتا ہے کہ گھر اپنا قفس کوسمجھو
سبق اُلٹا مِرا صیّاد پڑھاتا ہے مجھے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
پھٹ پڑیں اب بھی دروبام تو پردہ رہ جائے
فلکِ خانہ خراب آنکھ دکھاتا ہے مجھے
دیدنی ہے چمن آرائیِ چشمِ عبرت
سیرِتازہ گُلِ پژمُردہ دِکھاتا ہے مجھے
ترکِ مطلب سے ہے مطلب تو دعائیں کیسی؟
صبح تک کیوں دلِ بیمارجگاتا ہے مجھے
ننگِ محفل مِرا زندہ، مِرا مُردہ بھاری
کون اُٹھاتا ہے مجھے، کون بٹھاتا ہے مجھے
لبِ دریا کا ہُوا میں نہ تہِ دریا کا
کون سے گھاٹ یہ دھارا لیے جاتا ہے مجھے
پاؤں سوئے ہیں مگر جاگتے ہیں اپنے نصیب
کیا سمجھ کر جَرَسِ گُنگ جگاتا ہے مجھے
یاس منزل ہے مِری منزلِ عنقائے کمال
لکھنؤ میں کوئی کیوں ڈھونڈنے آتا ہے مجھے
میرزا یاس یگانہ چنگیزی
("پنھاتا" بمعنی پہناتا اب متروک ہے)
 

طارق شاہ

محفلین
واہ کیا بات ہے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
بہت خوب
سید صاحب!
اظہارِ خیال اور پذیرائیِ انتخاب کے لئے ممنون ہوں
مسرت ہوئی جو انتخاب آپ کو اچھا لگا
تشکّر
بہت شاداں رہیں
 

باباجی

محفلین
واہ بہت خوب شاہ جی

دل کو لہراتا ہے ہنگامۂ زندانِ بَلا
شورِایذا طلبی وجْد میں لاتا ہے مجھے
پائے آزاد ہے زنداں کے چلن سے باہر
بیڑیاں کیوں کوئی دیوانہ پنھاتا ہے مجھے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
ننگِ محفل مِرا زندہ، مِرا مُردہ بھاری
کون اُٹھاتا ہے مجھے، کون بٹھاتا ہے مجھے
 

طارق شاہ

محفلین
واہ بہت خوب شاہ جی

دل کو لہراتا ہے ہنگامۂ زندانِ بَلا
شورِایذا طلبی وجْد میں لاتا ہے مجھے
پائے آزاد ہے زنداں کے چلن سے باہر
بیڑیاں کیوں کوئی دیوانہ پنھاتا ہے مجھے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
ننگِ محفل مِرا زندہ، مِرا مُردہ بھاری
کون اُٹھاتا ہے مجھے، کون بٹھاتا ہے مجھے
خوشی ہوئی جو یگانہ صاحب کے کلام سے انتخاب آپ کو پسند آیا
باباجی صاحب اظہارِخیال کے لئے ممنون ہوں
تشکّر
بہت شاد رہیں
 

باباجی

محفلین
خوشی ہوئی جو یگانہ صاحب کے کلام سے انتخاب آپ کو پسند آیا
باباجی صاحب اظہارِخیال کے لئے ممنون ہوں
تشکّر
بہت شاد رہیں
شاہ جی ان کے ایک اور کلام کا ایک شعر ہے

کعبہ کی طرف دور سے سجدہ کرلوں
یا دہر کا آخری نظارہ کرلوں


یہ کلام بھی شیئر کریں
اور مجھے ٹیگ ضرور کیجیئے گا

بہت شکریہ
 

طارق شاہ

محفلین
شاہ جی ان کے ایک اور کلام کا ایک شعر ہے

کعبہ کی طرف دور سے سجدہ کرلوں
یا دہر کا آخری نظارہ کرلوں


یہ کلام بھی شیئر کریں
اور مجھے ٹیگ ضرور کیجیئے گا

بہت شکریہ

باباجی صاحب !
بالا مصرعے رباعی بعنوانِ 'کیا کروں کیا نہ کروں' کے ہیں

کیا کروں کیا نہ کروں

کعبے کی طرف دُور سے سجدہ کرلوں
یا دَیر کا آخری نظارہ کرلوں
کچھ دیر کی مہماں ہے جاتی دنیا
ایک اور گنہ کرلوں کہ توبہ کرلوں؟

یاس یگانہ
http://www.clepk.org/oud/ViewWord.aspx?RefID=16337
 

باباجی

محفلین
باباجی صاحب !
بالا مصرعے رباعی بعنوانِ 'کیا کروں کیا نہ کروں' کے ہیں

کیا کروں کیا نہ کروں

کعبے کی طرف دُور سے سجدہ کرلوں
یا دَیر کا آخری نظارہ کرلوں
کچھ دیر کی مہماں ہے جاتی دنیا
ایک اور گنہ کرلوں کہ توبہ کرلوں؟

یاس یگانہ
واہ بہت خوب شاہ جی
خوش رہیں
 

عاطف بٹ

محفلین
ہنس کے کہتا ہے کہ گھر اپنا قفس کوسمجھو
سبق اُلٹا مِرا صیّاد پڑھاتا ہے مجھے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
واہ، کیا عمدہ غزل ہے۔ بہت ہی شاندار انتخاب ہے۔
 

طارق شاہ

محفلین
ہنس کے کہتا ہے کہ گھر اپنا قفس کوسمجھو
سبق اُلٹا مِرا صیّاد پڑھاتا ہے مجھے
جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے
واہ، کیا عمدہ غزل ہے۔ بہت ہی شاندار انتخاب ہے۔
بٹ صاحب!
تشکّر اس اظہار خیال اور پذیرائی انتخاب پر
دلی مسرت ہوئی جو انتخاب آپ کو پسند آیا
بہت خوش رہیں
 
Top