دعا

[زیرک]

تم نے مانگی ہی نہیں ساتھ دعائیں میرے
بات بگڑی ہوئی آمین سے بن سکتی تھی

 

[احمد محمد]

جان تم پر نِثار کرتا ہوں۔۔
میں نہیں جانتا، دُعا کیا ہے!

اسد اللّٰہ خاں غالب

 

[احمد محمد]

ہے دُعا یاد مگر حرفِ دُعا یاد نہیں
میرے نغمات کو انداز نَوا یاد نہیں

اختر حسین (ساغر صدیقی)

 

[زیرک]

دعائیں بیچنے والے! چل اِس نگر سے نکل
یہاں تو مُفت بھی لیتا نہیں دعا کوئی
پرویز ساحر

 

[زیرک]

مانگتا ہے مرے جینے کی دعائیں ظالم
جان کر جی سے خفا جان سے بیزار مجھے
داغ دہلوی

 

[زیرک]

انجامِ وفا یہ ہے، جس نے بھی محبت کی
مرنےکی دعا مانگی، جینے کی سزا پائی
نشور واحدی

 

[احمد محمد]

ہے دُعا یاد مگر حرفِ دُعا یاد نہیں
میرے نغمات کو انداز نَوا یاد نہیں

اختر حسین (ساغر صدیقی)

تصحیح
محمد اختر (ساغر صدیقی)

 

[زیرک]

تجھ سے مجھ کو نجات مل جائے
تُو دعا کر کہ ہو بھلا میرا
جون ایلیا کی برسی پر یہ شعر سب کے نام

 

[زیرک]

آپ تھے جس کے چارہ گر وہ جواں
سخت بیمار ہے دعا کیجے
جون ایلیا کی برسی پر یہ شعر سب کے نام

 

[زیرک]

وہ فاصلہ تھا دعا اور مستجابی میں
کہ دھوپ مانگنے جاتے تو ابر آجاتا
جون ایلیا کی برسی پر یہ شعر سب کے نام

 

[زیرک]

یہ تیری آنکھیں دعا صفت آنکھیں
ان میں کیا درد پالتی ہو تم؟
جون ایلیا کی برسی پر یہ شعر سب کے نام

 

[زیرک]

اے اہلِ شہر میں تو دعا گوئے شہر ہوں
لب پر مرے دعا ہے اثر کس کے پاس ہے
جون ایلیا کی برسی پر یہ شعر سب کے نام

 

[زیرک]

جہاں بات خلقِ خدا کی ہو، جہاں رِیت صرف دعا کی ہو
جہاں استعارے نئے بنیں، جہاں شاعری ہو، بلا کی ہو
علی زریون

 

[عبدالرحمن آزاد]

ابھی دلوں کی طنابوں میں سختیاں ہیں بہت
ابھی ہماری دعا میں اثر نہیں آیا
آفتاب حسین

 

[عبدالرحمن آزاد]

آتے ہیں برگ وبار درختوں کے جسم پر
تم بھی اٹھاو ہاتھ کہ موسم دعا کا ہے
اسد بدایونی

 

[زیرک]

مانگیں گے اب دعا کہ اسے بھول جائیں ہم
لیکن جو وہ بوقتِ دعا یاد آ گیا
خمار بارہ بنکوی

 

[زیرک]

عشق واجب وفا لازم درد واجب دوا لازم
ہجر واجب سزا لازم روگ واجب دعا لازم

 

[زیرک]

دوا سے حل نہ ہوا تو دعا پہ چھوڑ دیا
ترا معاملہ ہم نے خدا پہ چھوڑ دیا
خرم آفاق

 

[عبدالرحمن آزاد]

دیکھ کر طول شب ہجر دعا کرتا ہوں
وصل کے روز سے بھی عمر مری کم ہوجائے
مرزا رضا برق

 

[عبدالرحمن آزاد]

ہزار بار جو مانگا کرو تو کیا حاصل
دعا وہی ہے جو دل سے کبھی نکلتی ہے
داغ دہلوی