داغؔ کی روح سے معذرت: سبب کھلا یہ ہمیں ان کے منہ لگانے کا

سبب کھلا یہ ہمیں ان کے منہ لگانے کا
ہے ان کا موڈ کسی کام میں پھنسانے کا

اسے رقیب نے بھیجا ہے حل شدہ پرچہ
وہ پاس ہو گیا تو ہاتھ پھر نہ آنے کا

کیا ہے عشق تو چپ چاپ کاٹو ہجر کی رات
نہیں ہے فائدہ اب کوئی ٹرٹرانے کا

پکڑ لیا ہمیں ابا نے کش لگاتے ہوئے
"کوئی محل نہ رہا اب قسم کے کھانے کا"

کہاں چھُپی ہے؟ ذرا اپنے بھائیوں کو تو روک
یہ مار ڈالیں گے ہیرو ترے فسانے کا

وہ جو ہے جیسا بھی ہے عینؔ خوبصورت ہے
مذاق اڑاؤ نہ قدرت کے کارخانے کا

عینؔ میم
اگست ۲۰۱۹​

 

بہت شکریہ

نوازش

 

بہت پرمزاح ،
لاجواب غزل ۔

 

واو بھیا واہ
عمدہ پیروڈی۔ مزہ آ گیا۔

 

بہت شکریہ عدنان بھیا

اچھی پیروڈی کی سند مل گئی
بہت شکریہ