حفیظ تائب خوش خصال و خوش خیال و خوش خبر، خیرالبشرﷺ

ما شاء اللہ ،، بہت پیارا کلام ہے،، امامِ اہلسنت امام احمد رضا خان صاحب کا ایک کلام یاد آگیا، اس کلام میں امام نے یہ صنعت رکھی کہ پڑھنے میں دونوں ہونٹ نہیں ملتے

سیدِ کونین سلطانِ جہاں
ظلِ یزداں، شاہِ دیں ،عرش آستاں

دلکشا ،دلکش، دل آرا، دلستاں
کانِ جان و جانِ جان و شانِ شاں

کُل سے اعلیٰ، کُل سے اولیٰ، کُل کی جاں
کُل کے آقا ،کُل کے ہادی، کُل کی شاں

ہر حکایت، ہر کنایت، ہر ادا
ہر اشارت دلنشین و دلنشاں

تُو ثنا کو ہے ثنا تیرے لئے
ہے ثنا تیری ہی دیگر داستاں

تُو نہ تھا تو کچھ نہ تھا، گر تُو نہ ہو
کچھ نہ ہو، تُو ہی تو ہے جانِ جہاں

تُو ہو داتا اور اوروں سے رجا
تُو ہو آقا اور یادِ دیگراں (ق)

التجا، اِس شرک و شر سے دُور رکھ
ہو رضؔا تیرا ہی غیر از این و آں

جس طرح ہونٹ اِس غزل سے دُور ہیں
دل سے یونہی دُور ہو ہر ظن و ظاں
 
Top