خواہشِ وصلِ دائمی نہ گئی

کاشف اسرار احمد نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏مارچ 17, 2020

  1. کاشف اسرار احمد

    کاشف اسرار احمد محفلین

    مراسلے:
    1,217
    جھنڈا:
    India
    موڈ:
    Breezy
    السلام علیکم
    کافی عرصے بعد محفل میں آنا ہوا ہے۔ امیدہے سب خیریت ہوگی۔
    ایک غزل پیش کر رہا ہوں۔ گر قبول افتد ۔۔۔
    ایک غزل احباب کی نذر ۔۔۔
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    ۔۔۔۔۔۔۔۔۔۔۔۔۔۔۔۔
    خواہشِ وصلِ دائمی نہ گئی
    زندگی سے یہ تِشنگی نہ گئی

    شاخِ وابستگی تو سوکھ چکی
    ہجر کے گل کی تازگی نہ گئی

    حرف گیری سے اعتبار گیا
    چشمِ حیراں تری نمی نہ گئی

    ہم تلافی کریں یا کفّارہ
    ایک الجھن ہے منطقی نہ گئی
    ق.....
    وقت کے ہم ہیں، دو کناروں پر
    کب کی گزری ہوئی گھڑی نہ گئی

    پاٹ دریا کا اب ہوا سیلاب
    دھار بر وقت پار کی نہ گئی
    --------
    نقشِ مژگاں نے تیرے دامن پر
    جو کہانی لکھی پڑھی نہ گئی

    کیوں خطاؤں پہ ہم ہوں شرمندہ
    جب سزا میں کمی بھی کی نہ گئی

    تم نے اک رائے پر نصاب لکھا
    بات ہم سے بھی اک کہی نہ گئی

    ظرف کاشف انھیں کا ہے اعلٰی
    جن کی لہجے سے عاجزی نہ گئی

    سیّد کاشف
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
     
    • پسندیدہ پسندیدہ × 4
  2. محمد خلیل الرحمٰن

    محمد خلیل الرحمٰن مدیر

    مراسلے:
    8,688
    جھنڈا:
    Pakistan
    موڈ:
    Festive
    تقریبآ سات ماہ بعد محفل میں دھماکے دار آمد پر خوش آمدید جناب۔
     
    • پسندیدہ پسندیدہ × 1
  3. کاشف اسرار احمد

    کاشف اسرار احمد محفلین

    مراسلے:
    1,217
    جھنڈا:
    India
    موڈ:
    Breezy
    بہت بہت شکریہ خلیل بھائی۔ :)
     
    آخری تدوین: ‏مارچ 17, 2020
  4. بدر القادری

    بدر القادری محفلین

    مراسلے:
    42
    جھنڈا:
    India
    موڈ:
    Bookworm
    سبحان اللہ العظیم
    ایک ایک شعر وظیفہ بنا لینے کے قابل ہے
     
    • پسندیدہ پسندیدہ × 1
    • زبردست زبردست × 1
  5. کاشف اسرار احمد

    کاشف اسرار احمد محفلین

    مراسلے:
    1,217
    جھنڈا:
    India
    موڈ:
    Breezy
    آپ کی محبتوں کا شکر گزار ہوں ۔۔۔ نوازش۔۔۔
     
  6. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    بہت خوب! ماشاءاللہ
     
    • پسندیدہ پسندیدہ × 1
  7. شکیل احمد خان23

    شکیل احمد خان23 محفلین

    مراسلے:
    144
    جھنڈا:
    Pakistan
    موڈ:
    Cheerful
    اِس سے زیادہ خوبصورت تبصرہ ہونہیں سکتا۔
     
    • پسندیدہ پسندیدہ × 1
  8. ظہیراحمدظہیر

    ظہیراحمدظہیر محفلین

    مراسلے:
    2,731
    جھنڈا:
    Pakistan
    موڈ:
    Busy
    خوب شعر ہیں کاشف بھائی ! بہت دنوں بعد آپ کی شاعری نظر سے گزری ۔
    اللہ آپ کو اور تمام مسلمانوں کو اپنے حفظ وامان میں رکھے ، ہر مصیبت اور پریشانی سے بچائے ۔ ہر طرف امن و امان نصیب فرمائے ۔ آمین
    اشعار اچھے ہیں ۔ ابلاغ کے پہلو سے قطع نظر ، کچھ اشعار لسانی اعتبار سے نظرِ ثانی چاہتے ہیں ۔ انہیں دیکھ لیجئے ۔ اشارے میں دے دیتا ہوں ۔
    - کفارہ کرنا درست نہیں ہے ۔ کفارہ دینا یا ادا کرنا درست ہے لیکن ایک ہی مصرع میں کرنا کے ساتھ تلافی اور کفارہ باندھنا بہت مشکل ہوگا ۔ پیرایہ بدلئے ۔
    - پاٹ دریا کی چورائی کو کہتے ہیں اس لئے پاٹ کا سیلاب ہونا معقول نہیں ۔ دوسری بات یہ کہ دھار اور دھارا دو الگ اور مختلف المعنی الفاظ ہیں ۔ پہلی بات تو یہ کہ دریا کی دھار نہیں ہوتی ۔ دوئم یہ کہ دھار کو پار کرنا بے معنی ہے ۔ دریا کے دھارے کو پار کرنا پھر بھی چل سکتا ہے ۔
    - نقشِ مژگاں کی ترکیب بھی لایعنی ہے ۔ لکھنے کی نسبت سے آپ نوکِ مژگاں تو نہیں کہنا چاہتے تھے؟!
     
    • پسندیدہ پسندیدہ × 1
    • زبردست زبردست × 1
  9. شکیل احمد خان23

    شکیل احمد خان23 محفلین

    مراسلے:
    144
    جھنڈا:
    Pakistan
    موڈ:
    Cheerful
    ۔۔۔۔۔۔۔اور اِن سے زیادہ معقول آراء ہونہیں سکتیں۔
     
  10. کاشف اسرار احمد

    کاشف اسرار احمد محفلین

    مراسلے:
    1,217
    جھنڈا:
    India
    موڈ:
    Breezy
    شکریہ ظہیر بھائی۔
    دھار اور دھارے سے متعلق میں تردد کا شکار تھا لیکن پھر کچھ ابلاغ کا مسئلہ آ پڑا سو اسے چھوڑ دیا تھا اور پھر بھول ہی گیا۔ عادت کے مطابق۔
    نقش مژگاں سے مراد کہانی کے لئے ہیں نوک مژگاں نہیں ہے۔ لیکن ابھی کچھ بہتر ترکیب سمجھ بھی نہیں آ رہی۔
    کفّارہ والا شعر بھی پیرایا بدلتے ہی بے معنی ہو جائے گا۔ خیر جب تک کوئی بہتر شکل نا ہو اسی سے گزارا کروں گا۔:)
    لیکن آپ کی تمام تجاویز میرے ذہن میں رہیں گی۔
    آپ کی بے پناہ توجہ اور محبتوں کے لئے آپ کا شکر گزار ہوں۔
    جزاک اللہ
     

اس صفحے کی تشہیر