فلک شیر
محفلین
اِس نگری تِرا جی نہیں لگدا
اِک چڑھدی اِک لہندی اے
تینوں روز اُڈیک خطاں دی
سِکھر دُوپہرے رہندی اے
اِک خط آوے دُھپ دا لکھیا
مہندی رنگے پنے تے
تیرے ویڑھے بُوٹا بن کے
اُگ آواں جے منھے تے
اَک خط آوے ماں جائی دا
بانجھ دیوگن رُتے وی
ویراپت شرینہہ دے بجھ گئے
میرے بُوہے اُتے وی
اَک خط آوے جس وچ ہووے
تیرے ناں اتہاس دا بول
تیری رچنا دی وڈیائی
تیرے مہاں وِکاس دا بول
ایہہ خط آون گے تاں آخر
لِکھ لِکھ لوکیں پاون گے
تیرے چارے خط نیں اے پر
ہور کسے گھر جاون گے
پر توں آس نہ چھڈیں آخر
تینوں وی خط آوے گا
تیرا لگدا کوئی تاں آخر
لِکھ لِکھ چٹھیاں پاوے گا
خط آوے گا رات براتے
خط آوے گا امی دا
پُترا ایویں نہیں بھل جائیدا
جیہڑی کُکھوں جمی دا
کھڑا کھڑوتا حال تاں پُچھ جا
بُڈھی جان نکمی دا
عُمراں وانگوں انت وی ہوندا
کسے اُداسی لمی دا
خط آوے گا بہت کویلے
دھرتیوں لمی چھاں دا خط
چُپ دے صفحیاں اُتے لکھیا
اُجڑی سُن سراں دا خط
اِک بے نقش خزاں دا لِکھیا
تیرے اصلی ناں دا خط
لوک کہن گے قبر داخط ہے
توں آکھیں گا ماں دا خط
خط کھلے گا، خط وچوں اِک
ہتھ اُٹھے گا شام جیہا
تیرے پنجر نوں پھولے گا
بے کِرکا بے راس جیہا
تیرے اندروں چیس اُٹھے گی
مچ جاؤ کہرام جیہا
تیرے اندروں پنچھی اُڈ اُڈ
بھر جاؤ اسمان جیہا
جیہڑا کدی نہیں سی اُٹھیا
اُٹھو درد بے نام جیہا
پر پھر تیری تپدی روح نوں
آ جاؤ آرام جیہا
اوس توں مگروں نہ کوئی نگری
نہ کوئی سُنج سویرا سی
نہ کوئی فیر اُڈیک خطاں دی
نہ کوئی توں نہ تیرا ہی
اِس نگری تیرا جی نہیں لگدا
اِک چڑھدی اِک لہندی اے
تینوں روز اُڈیک خطاں دی'
سِکھر دُوپہرے رہندی اے
اِک چڑھدی اِک لہندی اے
تینوں روز اُڈیک خطاں دی
سِکھر دُوپہرے رہندی اے
اِک خط آوے دُھپ دا لکھیا
مہندی رنگے پنے تے
تیرے ویڑھے بُوٹا بن کے
اُگ آواں جے منھے تے
اَک خط آوے ماں جائی دا
بانجھ دیوگن رُتے وی
ویراپت شرینہہ دے بجھ گئے
میرے بُوہے اُتے وی
اَک خط آوے جس وچ ہووے
تیرے ناں اتہاس دا بول
تیری رچنا دی وڈیائی
تیرے مہاں وِکاس دا بول
ایہہ خط آون گے تاں آخر
لِکھ لِکھ لوکیں پاون گے
تیرے چارے خط نیں اے پر
ہور کسے گھر جاون گے
پر توں آس نہ چھڈیں آخر
تینوں وی خط آوے گا
تیرا لگدا کوئی تاں آخر
لِکھ لِکھ چٹھیاں پاوے گا
خط آوے گا رات براتے
خط آوے گا امی دا
پُترا ایویں نہیں بھل جائیدا
جیہڑی کُکھوں جمی دا
کھڑا کھڑوتا حال تاں پُچھ جا
بُڈھی جان نکمی دا
عُمراں وانگوں انت وی ہوندا
کسے اُداسی لمی دا
خط آوے گا بہت کویلے
دھرتیوں لمی چھاں دا خط
چُپ دے صفحیاں اُتے لکھیا
اُجڑی سُن سراں دا خط
اِک بے نقش خزاں دا لِکھیا
تیرے اصلی ناں دا خط
لوک کہن گے قبر داخط ہے
توں آکھیں گا ماں دا خط
خط کھلے گا، خط وچوں اِک
ہتھ اُٹھے گا شام جیہا
تیرے پنجر نوں پھولے گا
بے کِرکا بے راس جیہا
تیرے اندروں چیس اُٹھے گی
مچ جاؤ کہرام جیہا
تیرے اندروں پنچھی اُڈ اُڈ
بھر جاؤ اسمان جیہا
جیہڑا کدی نہیں سی اُٹھیا
اُٹھو درد بے نام جیہا
پر پھر تیری تپدی روح نوں
آ جاؤ آرام جیہا
اوس توں مگروں نہ کوئی نگری
نہ کوئی سُنج سویرا سی
نہ کوئی فیر اُڈیک خطاں دی
نہ کوئی توں نہ تیرا ہی
اِس نگری تیرا جی نہیں لگدا
اِک چڑھدی اِک لہندی اے
تینوں روز اُڈیک خطاں دی'
سِکھر دُوپہرے رہندی اے
