خضابیوں کے سنگ ، خضاب کے رنگ

[خورشیداحمدخورشید]

اسی سے اگلا سوال ذہن میں آیا
کیا خضاب ناپ تول کر لگایا جاتا ہے؟ اور فی سینٹی میٹر رقبہ کے حساب سے کتنا خضاب لگتا ہے۔۔ کیا یہ حساب رکھنا پڑتا ہے۔

محمد عبدالرؤوف یہ سوال آپ سے بھی ہے۔ آپ کیا کہتے ہیں اس بارے۔

پہلے محمد عبدالرؤوف بھائی جواب دیں گے۔

 

[جاسمن]

سرخ رنگ چڑھتا ہے کیا مہندی سے؟

جب آپ کے بالوں میں سیاہی زیادہ اور سفیدی کم ہو اور آپ بغیر کیمکل کی عام کھلی مہندی استعمال کریں تو یہ مہندی، رنگنے کے ساتھ ساتھ کنڈیشنر کا کام بھی کرتی ہے۔ بالوں کا رنگ شربتی سا ہو جاتا ہے، جو سفید ہیں، وہ کچھ لال سے، شربتی سے ہو جاتے ہیں اور مجموعی لحاظ سے بہتر لگتے ہیں۔ کالے بال بھی شیڈ دیتے ہیں۔
سو جب تک آپ کو مجبوری نہ ہو، یعنی زیادہ سفیدی غالب نہ آ جائے، دیسی ٹوٹکوں سے کام چلائیں۔ میں مہندی میں جو کچھ باورچی خانے/باغیچے سے ملتا ہے، شامل کر لیتی ہوں۔ ایلوویرا، انڈہ، تیل، لسی یا دہی، قہوہ، پیاز کا پانی، مولی کا پانی۔۔۔۔

 

[یاز]

ایلوویرا، انڈہ، تیل، لسی یا دہی، قہوہ، پیاز کا پانی، مولی کا پانی۔۔۔۔

بس چائے کی پتی اور چینی ہی رہ گئی ڈالنے کو

 

[جاسمن]

بس چائے کی پتی اور چینی ہی رہ گئی ڈالنے کو

چائے کا قہوہ تو ڈالا جاتا ہے۔
گڑ اور شاید کچھ مزید ملا کر عرق بنتا ہے جو ناخن یا ہاتھوں پہ لگایا جاتا ہے۔

 

[گُلِ یاسمیں]

مجھے شدید قسم کا وہم ضرور ہوا تھا ۔ جیسے کہ میں نے اوپر بتایا مجھے خضاب کا قطعاً شوق نہیں تھا لیکن حجام صاحب نے آخر میری حجامت کر ہی دی ۔ پھر اس کے بعد مجھے اپنے بال بڑی تیزی سے سفید ہوتے ہوئے محسوس ہوئے، ہو سکتا ہے کہ اس کی وجہ یہ ہو کہ مجھے نہ بال رنگنے کا شوق تھا نہ بالوں کو اس توجہ سے دیکھا کرتا تھا لیکن ہر کسی سے یہ بات سن سن کر اس واہمے کا بیج ذہن میں کب سے ڈلا ہوا تھا کہ ایسا ہوتا ہے۔ اور اس وہم نے جس نے دماغ میں جڑ پکڑ رکھی تھی وہ سر پر دکھائی دینے لگا۔

تو مذاق مذاق ہی میں وہم کا وائرس دل اور دماغ کی جڑوں میں بیٹھ گیا اور بالوں کے سفید ہونے کی رفتار بڑھا دی۔
بہت خوش مزاجی سے آپ نے حجام کے روبرو اپنی حجامت ہونے کا واقعہ سنا دیا۔ اندازہ ہو رہا ہے کہ بال سفید ہونا اتنا خطرناک نہیں جتنا ہر طرف سے آنے والے ماہرانہ تبصرے۔
اس میں مستقبل کے خضابیوں کے لئے ایک سیکھ ہے کہ جب بھی حجام کے پاس جائیں ، بس بال رنگوائیں، فری کے واہموں سے بچنے کی کوشش کریں۔

 

[گُلِ یاسمیں]

میں چاہے خضاب کیے جانے کے میرٹ پر پورا اترتا ہوں یا کبھی فارغ البال ہو گیا میں تو ایسے موضوعات سے گھبرانے والا نہیں۔۔۔ خواتین کی طرف سے آپ ہی وکیل بنیے۔

واقعی۔۔۔ کوئی تو بیچاری خواتین کے حق میں بولنے والا ہو۔

 

[گُلِ یاسمیں]

جب کلر لگا ہو، ابھی دھویا نہ ہو تو ایسا خدشہ بالکل لاحق ہوتا ہے۔ اور ان دونوں سے یعنی بارش اور پسینے سے پرہیز کرنا پڑتا ہے ورنہ منہ پر نقش و نگار بن جانے کا خدشہ ہوتا ہے۔ لیکن اچھے کلرز سکن کو دھونے سےجلدی مٹ جاتے ہیں۔

صحیح۔
کلر لگانے کے بعد دھو لیا ہو تو اس کے بعد منہ پر نقش و نگار وغیرہ کا خدشہ تو نہیں رہتا؟ کیونکہ رنگ ہمیشہ رہنے والا تو نہیں ہوتا۔

 

[خورشیداحمدخورشید]

صحیح۔
کلر لگانے کے بعد دھو لیا ہو تو اس کے بعد منہ پر نقش و نگار وغیرہ کا خدشہ تو نہیں رہتا؟ کیونکہ رنگ ہمیشہ رہنے والا تو نہیں ہوتا۔

نہیں اس کے بعد یہ خدشہ نہیں ہوتا۔ صرف یہ خدشہ ہوتا ہے کہ کلر فیڈ ہونا شروع ہوگا تو دوبارہ لگانا پڑے گا۔

 

[جاسمن]

بجا کہ اب بال تو سیہ ہیں مگر بدن میں سکت نہیں ہے
شباب لایا خضاب لیکن خضاب لایا شباب آدھا
کنور مہیندر سنگھ بیدی سحر

 

[عبدالقیوم چوہدری]

لیکن اچھے کلرز سکن

بہتر دھوکہ کھانے کے لیے تھوڑی بہت مارکیٹنگ ہو جانی چاہیے۔

 

[عبدالقیوم چوہدری]

‏ایہہ جوانی چار دیہاڑے خوشیاں نال ہَنڈائیے
گئی جوانی فیر نئیں آؤندی لَکھ خوراکاں کھائیے

80 کی دہائی کی بات ہو گی، گاؤں میں کچھ عزیزوں نے اوکھا سوکھا کر ، کچھ قرض لے، مل ملا کر ایک مشترکہ ٹریکٹر خریدا اور ٹریکٹر کے ساتھ ٹیپ تو پھر لازم ہے۔ ٹیپ پر عموماً عالم لوہار مرحوم کے ریکارڈ چلا کرتے تھے۔جگنی میں اس شعر کو سنتا رہتا تھا لیکن اس کی سمجھ بہت بہت بعد میں آئی۔
لوہار سچ آکھ گیا سی۔

 

[سید عاطف علی]

80 کی دہائی کی بات ہو گی، گاؤں میں کچھ عزیزوں نے اوکھا سوکھا کر ، کچھ قرض لے، مل ملا کر ایک مشترکہ ٹریکٹر خریدا اور ٹریکٹر کے ساتھ ٹیپ تو پھر لازم ہے۔ ٹیپ پر عموماً عالم لوہار مرحوم کے ریکارڈ چلا کرتے تھے۔جگنی میں اس شعر کو سنتا رہتا تھا لیکن اس کی سمجھ بہت بہت بعد میں آئی۔
لوہار سچ آکھ گیا سی۔

ہنڈائیے یعنی گزارئیے ؟

 

[مریم افتخار]

ہنڈائیے یعنی گزارئیے ؟

کسی چیز کو اچھی طرح استعمال کر کے ختم کرنا اس کو ہنڈانا کہتے ہیں۔ یعنی جیسے آپ نے جوتا اتنا پہنا کہ وہ گھِس گیا!

 

[عبدالقیوم چوہدری]

ہنڈائیے یعنی گزارئیے ؟

کسی چیز کو اچھی طرح استعمال کر کے ختم کرنا اس کو ہنڈانا کہتے ہیں۔ یعنی جیسے آپ نے جوتا اتنا پہنا کہ وہ گھِس گیا!

کسی بھی شے کا مطلوبہ حد یا اس سے کچھ زیادہ عمدہ اور بہترین استعمال ہوجانا ہنڈانا کہلائے گا۔

 

[خورشیداحمدخورشید]

بہتر دھوکہ کھانے کے لیے تھوڑی بہت مارکیٹنگ ہو جانی چاہیے۔

کسی کے برانڈ کی مارکیٹنگ اور وہ بھی مفت میں ۔
چوہدری صاحب ! بہتر ہے کہ آپ اپنےتجربے سے کسی برانڈ تک پہنچیں تاکہ دھوکہ کھائیں تو کسی اور کو ---الفاظ سے یاد نہ کریں۔

 

[سید عاطف علی]

کسی چیز کو اچھی طرح استعمال کر کے ختم کرنا اس کو ہنڈانا کہتے ہیں۔ یعنی جیسے آپ نے جوتا اتنا پہنا کہ وہ گھِس گیا!

کسی بھی شے کا مطلوبہ حد یا اس سے کچھ زیادہ عمدہ اور بہترین استعمال ہوجانا ہنڈانا کہلائے گا۔

ہنڈائیے سے مجھے یاد آیا ۔
احادیث میں ایک دعا مذکور ہے ۔ تُبلی ویُخلِفُ اللہُ تعالی۔ اس میں عربی لفظ تبلی کے معنی ہیں کسی چیز کو استعمال کر کے پرانا یا بوسیدہ کرنا ۔ یہ دعا کسی کو نیا لباس پہنے دیکھ کر کہی جاتی ہے ۔ اس کا ترجمہ ہے کہ تم اسے پرانا کرو اور خدا تمہیں اور دے ۔
یہ لفظ قران مجید میں بھی ہی ۔
هَلْ اَدُلُّكَ عَلٰى شَجَرَةِ الْخُلْدِ وَ مُلْكٍ لَّا یَبْلٰى۔ یعنی ایسی بادشاہت جو پرانی نہ ہو،

 

[عبدالقیوم چوہدری]

چوہدری صاحب ! بہتر ہے کہ آپ اپنےتجربے سے کسی برانڈ تک پہنچیں تاکہ دھوکہ کھائیں تو کسی اور کو ---الفاظ سے یاد نہ کریں۔

کچھ تجربات ضرور کیے ہیں لیکن مزیدار ایک ہی لگا۔
بالوں پر پہلے عام مہندی لگائی اور اس کے ایک دن بعد کلر لگایا۔ تین وقت نہانے والے موسم میں بھی بال اتنی جلدی واپس اصل حالت میں نہیں آئے۔