گو کہ اس بات کا علم تو تھا کہ اردو محفل اپنا وقت پورا کرچکی ہے ۔ مگر آج نبیل بھا ئی کے پیغام نے اس کی حتمی تاریخ کا بھی اعلان کردیا ۔
دو دہائیوں کا سفر یقیناً ایک طویل سفر ہوتا ہے۔ اس دوران بہت سی چیزوں کے سیکھنے اور سمجھنے کا موقع ملا ،خواہ اس کا تعلق زندگی کے کسی بھی شعبے سے ہو ، اردو محفل ایک شفیق استاد کی طرح ثابت ہوا۔ جس نے نہ صرف نظریات و مذہب ، سائنس و ہنر ، فلسفہ بلکہ فنونِ لطیفہ حتی کہ باہمی تعلقات میں بھی شعور کی پختگی کی آبیار ی کی ۔ جس سے ایک ایسا اندازِ فکر پیدا ہوا کہ نہ صرف زندگی کے معاملات کو سمجھنے میں مدد ملی ۔ بلکہ اپنے لیئے کچھ ایسے اہداف متعین کرنے کا ادراک بھی ہو ا ، جس نے زندگی کو صحیح نہج پر گامزن کردیا ۔ اردو محفل پر جہاں رفاقتیں اور اچھے تعلقات پروان چڑھے ۔ وہیں ایسی علمی بصیرت اور مثبت سوچ بھی پیدا ہوئی کہ ایک مختلف فکر رکھنے کے باوجود ایک دوسرے سے کسی طرح باہمی تعلقات کو قائم رکھا جاسکتا ہے ۔
اردو محفل نے تقریبا ً زندگی کے ہر شعبے میں رہنمائی کی۔ اور ایسے ایسے احباب اور استاتذہ سے متعارف کیا۔ جنہوں نے ہر قدم پر علمی دنیا کو ایک نئے زاویئے سے سمجھنے کی استطاعت عطا فرمائی ۔ یہ علمی دنیا مذہب و نظریات پر مبنی ہو یا جدیدسائنسی علوم پر ، فنونِ لطیفہ ہو یا آپس کے باہمی تعلقات، انفارمیشن ٹیکنالوجی کے آئن لائن کورسز ہوں یا اردو کی ترویج و اشاعت کے اسباق ،ادب کے مینارے ہوں یا روزمرہ کے معاملات غرض یہ کہ زندگی کے تقریباً تمام معاملات میں اردو محفل کا ساتھ ایک رفیق اور استاد کی مانند رہا۔ جس نے قدم قدم پر رہنمائی مہیا کی۔
جہاں عملی بصیرت اور انداز فکر ِ پروان چڑھی۔ وہیں اس اردو محفل نے ایسے دوستوں سے بھی متعارف کیا ۔ جن کی صحبت میں روح کو قرار سا میسر آیا ۔ خطو ط و کتابت سے لیکر بالمشافہ ملاقاتوں تک ایک ایسا تاثر رہا کہ یہ تعلق برسوں پرانا ہے۔ اور پھر اس احساس کی بدولت ایک دوسرے سے اپنے دلوں کی باتیں بھی کیں ۔ کچھ سنا اور کچھ سنایا بھی۔ اردو محفل کے اس سفر میں کچھ ایسے بھی ہمسفر بھی رہے ۔جن کی جدائی کا سوچ کر آج بھی یقین نہیں آتا کہ وہ اب اس دنیا میں موجود نہیں ہیں ۔ نظریں اب بھی ان کی پرانی تحریروں سے الجھ جاتیں ہیں ۔ ان کی شفقتیں اور محبتیں یاد آتیں ہیں ۔ مگر اب وہ سب خواب بن گئیں ہیں ۔ یہ ایک اچھا فیصلہ ہے کہ اس سائیٹ کو آرکائیو کر لیا جائے۔تاکہ جہاں کوئی پرانی پوسٹ کسی علمی نقطہ نظر سے تلاش کی جائے وہیں کچھ دوستوں کی پرانی تحریریں بھی پڑھ لیں جائیں۔ تاکہ روحانی تعلق کا خلاء باقی نہ رہے ۔باقی زندگی تو زندگی ہے ۔ اسے تو چلتے چلے جانا ہے ۔
آخر میں اردو ویب کے تمام تخلیق کاروں کا بھی شکریہ ادا کرنا چاہوں گا ۔ جنہوں نے اس طویل عرصہ اس محفل کی ایک پودے سے لیکر ایک درخت بننے تک آبیاری کی ۔ اس سلسلے میں نبیل ، ابن سعید ، زیک
کا خصوصی شکر یہ ادا کروں گا ۔ جنہوں نے اپنے تمام تر مصروفیات کے باوجود اس محفل کی نگہداشت کی ۔ اللہ آپ سب اور دیگر کو بھی جزائے خیر دے ۔
ابھی کچھ عرصہ ہے کہ محفل پر وہ سہولت موجود نہ ہو جو آج ہے ۔ میری گذارش ہے کہ آپ سب اپنا زیادہ سے زیادہ حصہ ڈالیں خصوصاً اردو محفل کی آخری سالگرہ پر ، اور ہم اردو محفل کو اہتمام او ر گرم جوشی سے رخصت کریں ۔
مجھے اس بات پر فخر ہے کہ میرا ساتھ اردو محفل سے شروع سے آخرتک رہا ۔
شکریہ۔
دو دہائیوں کا سفر یقیناً ایک طویل سفر ہوتا ہے۔ اس دوران بہت سی چیزوں کے سیکھنے اور سمجھنے کا موقع ملا ،خواہ اس کا تعلق زندگی کے کسی بھی شعبے سے ہو ، اردو محفل ایک شفیق استاد کی طرح ثابت ہوا۔ جس نے نہ صرف نظریات و مذہب ، سائنس و ہنر ، فلسفہ بلکہ فنونِ لطیفہ حتی کہ باہمی تعلقات میں بھی شعور کی پختگی کی آبیار ی کی ۔ جس سے ایک ایسا اندازِ فکر پیدا ہوا کہ نہ صرف زندگی کے معاملات کو سمجھنے میں مدد ملی ۔ بلکہ اپنے لیئے کچھ ایسے اہداف متعین کرنے کا ادراک بھی ہو ا ، جس نے زندگی کو صحیح نہج پر گامزن کردیا ۔ اردو محفل پر جہاں رفاقتیں اور اچھے تعلقات پروان چڑھے ۔ وہیں ایسی علمی بصیرت اور مثبت سوچ بھی پیدا ہوئی کہ ایک مختلف فکر رکھنے کے باوجود ایک دوسرے سے کسی طرح باہمی تعلقات کو قائم رکھا جاسکتا ہے ۔
اردو محفل نے تقریبا ً زندگی کے ہر شعبے میں رہنمائی کی۔ اور ایسے ایسے احباب اور استاتذہ سے متعارف کیا۔ جنہوں نے ہر قدم پر علمی دنیا کو ایک نئے زاویئے سے سمجھنے کی استطاعت عطا فرمائی ۔ یہ علمی دنیا مذہب و نظریات پر مبنی ہو یا جدیدسائنسی علوم پر ، فنونِ لطیفہ ہو یا آپس کے باہمی تعلقات، انفارمیشن ٹیکنالوجی کے آئن لائن کورسز ہوں یا اردو کی ترویج و اشاعت کے اسباق ،ادب کے مینارے ہوں یا روزمرہ کے معاملات غرض یہ کہ زندگی کے تقریباً تمام معاملات میں اردو محفل کا ساتھ ایک رفیق اور استاد کی مانند رہا۔ جس نے قدم قدم پر رہنمائی مہیا کی۔
جہاں عملی بصیرت اور انداز فکر ِ پروان چڑھی۔ وہیں اس اردو محفل نے ایسے دوستوں سے بھی متعارف کیا ۔ جن کی صحبت میں روح کو قرار سا میسر آیا ۔ خطو ط و کتابت سے لیکر بالمشافہ ملاقاتوں تک ایک ایسا تاثر رہا کہ یہ تعلق برسوں پرانا ہے۔ اور پھر اس احساس کی بدولت ایک دوسرے سے اپنے دلوں کی باتیں بھی کیں ۔ کچھ سنا اور کچھ سنایا بھی۔ اردو محفل کے اس سفر میں کچھ ایسے بھی ہمسفر بھی رہے ۔جن کی جدائی کا سوچ کر آج بھی یقین نہیں آتا کہ وہ اب اس دنیا میں موجود نہیں ہیں ۔ نظریں اب بھی ان کی پرانی تحریروں سے الجھ جاتیں ہیں ۔ ان کی شفقتیں اور محبتیں یاد آتیں ہیں ۔ مگر اب وہ سب خواب بن گئیں ہیں ۔ یہ ایک اچھا فیصلہ ہے کہ اس سائیٹ کو آرکائیو کر لیا جائے۔تاکہ جہاں کوئی پرانی پوسٹ کسی علمی نقطہ نظر سے تلاش کی جائے وہیں کچھ دوستوں کی پرانی تحریریں بھی پڑھ لیں جائیں۔ تاکہ روحانی تعلق کا خلاء باقی نہ رہے ۔باقی زندگی تو زندگی ہے ۔ اسے تو چلتے چلے جانا ہے ۔
آخر میں اردو ویب کے تمام تخلیق کاروں کا بھی شکریہ ادا کرنا چاہوں گا ۔ جنہوں نے اس طویل عرصہ اس محفل کی ایک پودے سے لیکر ایک درخت بننے تک آبیاری کی ۔ اس سلسلے میں نبیل ، ابن سعید ، زیک
کا خصوصی شکر یہ ادا کروں گا ۔ جنہوں نے اپنے تمام تر مصروفیات کے باوجود اس محفل کی نگہداشت کی ۔ اللہ آپ سب اور دیگر کو بھی جزائے خیر دے ۔
ابھی کچھ عرصہ ہے کہ محفل پر وہ سہولت موجود نہ ہو جو آج ہے ۔ میری گذارش ہے کہ آپ سب اپنا زیادہ سے زیادہ حصہ ڈالیں خصوصاً اردو محفل کی آخری سالگرہ پر ، اور ہم اردو محفل کو اہتمام او ر گرم جوشی سے رخصت کریں ۔
مجھے اس بات پر فخر ہے کہ میرا ساتھ اردو محفل سے شروع سے آخرتک رہا ۔
شکریہ۔
آخری تدوین:
