حفیظ تائب حمد -- کس کا نظام راہ نما ہے افق افق

الف نظامی

لائبریرین
کس کا نظام راہ نما ہے افق افق
جس کا دوام گونج رہا ہے افق افق

شانِ جلال کس کی عیاں ہے جبل جبل
رنگِ جمال کس کا جما ہے افق افق

مکتوم کس کی موجِ کرم ہے صدف صدف
مرقوم کس کا حرفِ وفا ہے افق افق

کس کی طلب میں اہل ِ محبت ہیں داغ داغ
کس کی ادا سے حشر بپا ہے افق افق

سوزاں ہے کس کی یاد میں تائب نفس نفس
فرقت میں کس کی شعلہ نوا ہے افق افق

از حضرت حفیظ تائب رحمۃ اللہ علیہ
 
Top