محمد تابش صدیقی
منتظم
جس کی اللہ کی رحمت پہ نظر ہوتی ہے
زندگی اس کی امنگوں میں بسر ہوتی ہے
نام اللہ کا لے، غم سے نہ گھبرا اے دل
ان دھندلکوں سے نمودار سحر ہوتی ہے
پہلے کرتی ہے یہ اقرارِ ”هُوَ الله احد“
پھر نسیمِ سحری گرمِ سفر ہوتی ہے
وہ دعا ہاں! وہ دعا جس میں یقیں شامل ہو
کون کہتا ہے کہ محرومِ اثر ہوتی ہے
ہر طرف اس کے ہی جلووں کی ہے رونق ماہرؔ
دل کی دھڑکن سے بھی تائیدِ نظر ہوتی ہے
٭٭٭
ماہر القادریؒ
زندگی اس کی امنگوں میں بسر ہوتی ہے
نام اللہ کا لے، غم سے نہ گھبرا اے دل
ان دھندلکوں سے نمودار سحر ہوتی ہے
پہلے کرتی ہے یہ اقرارِ ”هُوَ الله احد“
پھر نسیمِ سحری گرمِ سفر ہوتی ہے
وہ دعا ہاں! وہ دعا جس میں یقیں شامل ہو
کون کہتا ہے کہ محرومِ اثر ہوتی ہے
ہر طرف اس کے ہی جلووں کی ہے رونق ماہرؔ
دل کی دھڑکن سے بھی تائیدِ نظر ہوتی ہے
٭٭٭
ماہر القادریؒ
