محمد خرم یاسین
محفلین
معذرت تدوین کی آپشن ختم ہوئی ورنہ سوال الٹا دیا جاتا
حسن محمود جماعتی بھائی کا انٹرویو
- صاحب لڑی مریم افتخار
- تاریخ ابتداء
فلک شیر
محفلین
اجی کمال کرتے ہیں قبلہ ... اور وہ بھی دیر تک
فلک شیر
محفلین
سبحان اللہ
میں اٹک چٹک ت ڈھول ملتان اے.....
محمد وارث
لائبریرین
پیر مہر علی شاہ صاحب علیہ الرحمہ 1937ء میں وفات پا گئے تھے، جماعتی صاحب ان کو کیسے دیکھ سکتے ہیں؟
دوسرا یہ کہ جماعتی صاحب کو جن بزرگ سےنسبت ہے ان کا نام امیر ملت پیر جماعت علی شاہ صاحب علیہ الرحمہ محدث علی پوری ہے اور وہ بھی 1951ء میں وفات پا گئے تھے!
نور وجدان
لائبریرین
آپ کی بات درست ہے ۔ میں نے خواب میں زیارت کے حوالے سے پوچھا تھا۔
اس بات کا علم تھا کہ ان کی وفات ہوچکی ہے
حسن محمود صاحب کے ذوق ، عقیدت کے تحت ایسا سوال کرنے پر مجبور ہوگئی
تصیحح کرنے کا شکریہ
حسن محمود جماعتی
محفلین
قبلہ! آپ کے سوال میں شدت پسندی نہیں تھی۔ لیکن الفاظ کا چناؤ۔۔۔۔۔ خیر چھوڑیے۔ بات یہ ہے کہ ہر بات بلکہ کوئی بھی بات دل پر لینے کی نہیں ہوتی۔ جیلی کھانا چاہتے ہیں تو بتائیں؟؟؟ آپ کو طریقہ بتاتا ہوں بنا کے کھا لیں۔۔۔۔۔
حسن محمود جماعتی
محفلین
یہ صرف فلک شیر چیمہ صاحب کا ہی خاصہ ہے۔ قبلہ جب سے یہ پڑھا ہے حظ لیے جار رہا ہوں۔۔۔۔
حسن محمود جماعتی
محفلین
سرائیکی کی مٹھاس اور پھر خواجہ غلام فرید کے کلام! اور تو اور اپنے شاکر بھی تو کمال کرتے ہیں۔۔۔۔
حسن محمود جماعتی
محفلین
حسن محمود جماعتی
محفلین
میں جذبات سے ہی بولتا ہوں۔ اپنے جذبے کو زبان دیتا ہوں۔ اگر اس سے مراد رقت اور کیفیت ہے تو۔۔۔۔۔۔ الحمد للہ اکثر۔ من جوبن پر رہتا ہے۔
حسن محمود جماعتی
محفلین
سورۃ یوسف کا اولین سبق یہی ہے۔ یعقوب علیہ السلام نے جو نصیحت بیٹے کو کی تھی۔ پھر شیخ بھی کہتے رہتے ہیں۔ "ایک بار یہ غلطی ہم کر چکے ہیں۔ کاش یوسف علیہ السلام سے سیکھ لیا ہوتا۔ "
لہذا ایسی غلطی نہ کرنا ہی بہتر ہے!!!
یہاں دیکھا جا سکتا ہے۔
حسن محمود جماعتی
محفلین
آپ کی شفقتوں پر سراپا سپاس ہوں۔
ترنم اور تغنم سے تو قرات نہیں کر سکتا۔ لیکن شدید خواہش ہے اور کوشش کرتا ہوں کہ جس قدر بہتر انداز میں تلاوت کر سکوں۔ درس میں پڑھانا ہوتا ہے۔ تو وہاں تدریسی طریقہ کار اختیار کرنا ہوتا ہے۔ ترنم سے تلاوت نہیں ہوتی دوران تدریس۔
حسن محمود جماعتی
محفلین
اولا تو سمجھ ہی نہیں تھی کہ کون سا شعبہ کیوں اختیار کرنا ہے۔ میٹرک میں سائنس پڑھی، انٹر میں انجینئرنگ کی خواہش تھی لیکن ابو کی خواہش تھی بچہ علم دین پڑھے۔ وہاں داخلہ لیا تو انٹر کرتے ہی بھاگ لیے۔ لا میں ایڈمیشن اپلائی کیا۔ نہیں ہوا۔ گھر والوں نے کہا وقت ضائع کر رہے ہو، کچھ کرو۔ مقامی یونیورسٹی کا اشتہار دیکھ بی بی اے میں داخلہ لے لیا۔ یونیورسٹی میں اللہ نے ادراک دیا میاں یہ تمہار شعبہ نہیں۔ ارجعی الی ربک راضیۃ مرضیۃ۔ سوچا ڈگری مکمل ہونے کے بعد اس ادھورے کام کو مکمل کیا جائے۔ پھر وقت نے چال بدلی، حالت بدلی۔ نوکری کرنی پڑی۔ وہ سارا دور دہریت کا تھا۔ پھر مالک نے کرم کیا تو نوکری کے دوران فیصلہ کیا کہ اب تو یہ کام کرکے ہی چھوڑنا ہے۔ والدین سے اجازت لی۔ انہیں اعتماد میں لیا اور نوکری سے استعفی دے دیا۔ اب کے بار جائے انتخاب کراچی تھا۔ ساری تیاری کر لینے کے بعد ایک بار پھر اجازت طلب کی تو امی ابو دونوں نے نا کردی (کراچی جانے سے)۔ تب سے اب تک حالات اپنے لہروں میں لیے کبھی ادھر اور ادھر پٹخ رہے ہیں اور پٹخی رہے ہیں۔ آگے جیسے اس کی مرضی۔۔۔!!!
آخری تدوین:
حسن محمود جماعتی
محفلین
دو بھائی ہیں۔ دونوں بڑے ہیں۔
حسن محمود جماعتی
محفلین
راز کی باتیں تو ساری یہاں ہی پوچھ لی گئی ہیں۔ جب یہاں کچھ نہیں چھپایا تو دوستوں سے کیا چھپانا۔ گناہوں کے علاوہ کوئی شے میری زندگی میں راز نہیں ہے۔ بس گناہ چھپا کر رکھے ہیں۔ باقی ایسی کھلی کتاب ہوں کہ جو چاہے، جہاں سے چاہے جو پنہ پڑھ لے۔
حسن محمود جماعتی
محفلین
نہیں۔ کیونکہ میں توقع ہی نہیں رکھتا۔ یونیورسٹی دور کے تقریبا آٹھ دس رجسٹر ہوں گے۔ ہر سمسٹر کے آغاز میں جب نیا رجسٹر خریدتا، اس کے بیرونی گتے پر سجا کر بڑا بڑا لکھتا
"no expectations" ۔ لہذا اس کی نوبت ہی کبھی نہیں آئی۔
حسن محمود جماعتی
محفلین
والدہ شدید کام کرنے والے خاتون ہیں۔ وہ گھڑی کی سوئی کے ساتھ چلتی رہتی ہیں۔ بیماری تک میں بھی آرام نہیں کر سکتیں۔ کوئی کام نہ ہو تو وہ کام بنا لیتی ہیں۔ لہذا وہ ویلے پن سے شدید غصہ ہوتی ہیں۔ انہیں کوئی بھی فارغ بندہ بالکل پسند نہیں۔ بس کام ہونا چاہیے۔ ناراض وہ بالکل نہیں ہوتیں۔ میں حیران ہوتا ہوں انہیں ناراض ہونا نہیں آتا۔ وہ لمحہ موجود میں غصے کا اظہار کردیتی ہیں۔ وہ کوئی کام کہیں اور وہ نہ ہوا ہو۔ تو بس پھر۔۔۔۔۔ کام میں ہی ان کی خوشی ہے۔
حسن محمود جماعتی
محفلین
ویسے تو سارے استاد ہی بہترین ملے مالک کی کرپا سے۔ میں اپنی تنہائی میں اور اکثر اپنی کلاسز میں اپنے اساتذہ کو یاد کرتا رہتا ہوں۔ تجزیہ کرتا ہوں۔ جس دور سے گزرا اس دور میں جو بھی استاد ملے وہ بہترین تھے۔
ایک نام اسی لڑی میں ذکر کرچکا ہوں۔ دوسرا نام جو شاید سر فہرست ہے "سرعبد القدوس درانی صاحب"۔ کمال کا طریقۂ تدریس۔ کمال شفقت سے پڑھاتے۔ پھر اللہ نے جو انہیں شیریں زبان اور لہجہ دیا ہے اس کا ہر کوئی گرویدہ ہے۔ پھر وہ کام کی بات کرنا پسند کرتے ہیں۔ یعنی مقصدیت۔ کچھ کرتے رہنے کی دھن اور لگن۔ ان کی ایک اور خاص بات؛ دوران تدریس جب کبھی مثال آجاتی یا دینی ہوتی تو وہ قرآن و حدیث کے حوالے سے مثال دیتے۔ دس سال پہلے ان کی کہی بات آج تک یاد ہے۔ فعل لازم کی تعریف پڑھنے لگے، تو لازم کے لفظی معانی میں انہوں نے فرمایا " جیسے یہ لفظ سورۃ فرقان کی آخری آیت کا آخری کلمہ ہے اور وہاں اس (فلاں) معنی و مفہوم کے لیے آیا ہے۔" پھر ایک عبارت میں لفظ "شم" (م پر شد کے ساتھ) آیا۔ اس پر ایک حدیث پاک سنا دی۔ وہ علم سے زیادہ حکمت، گیان بانٹتے ہیں۔ اور علم سے بڑھ کر مجھے گیان سے شغف ہے۔
حسن محمود جماعتی
محفلین
سب سے پہلے تو اس نظریے کی وضاحت چاہوں گا کس قسم کی آزادی؟
ثانیا اس پر اپنا ایک مقولہ یاد آگیا ہے۔ اپنے دور شباب میں کہا تھا کہ "i am the biggest feminist of the World and yet I am single"