جاسمن
لائبریرین
متفق ہوں۔ واقعی بہت ہی عمدہ خیالات اور عمدہ اظہار ہے۔ مجھے بھی تعریف کے لیے الفاظ کی کمی کا سامنا ہے۔
صابرہ الفاظ کے ذاتی بینک بھرے ہوتے تو خود ہی شاعری نہ کر لیتے۔
حرفِ گم
- صاحب لڑی ظہیراحمدظہیر
- تاریخ ابتداء
صابرہ الفاظ کے ذاتی بینک بھرے ہوتے تو خود ہی شاعری نہ کر لیتے۔
الف عین
لائبریرین
ما شاء اللہ بہت اچھی نظم ہے۔اعتراضات تو غالب اور میر پر بھی ہوتے رہتے ہیں اور ہو سکتے ہیں۔ارشد میاں کے اعتراضات کو میں اس لحاظ سے پسند کرتا ہوں کہ مبتدیوں کے لئے ان میں کافی معلومات ہوتی ہے۔ اور پھر ظہیر میاں کے بھی جوابات، جن سے متفق ہوئے بغیر نہیں رہا جا سکتا! لیکن ارشد میاں سے یہی کہوں گا کہ تلخی پیدا نہ ہو تو بہتر ہے۔ ظہیر جس طرح نیم مزاحیہ لہجے میں جواب دیتے ہیں، ویسا ہی لہجہ رشید میاں بھی روا رکھیں تو نہ تلخی پیدا ہو گی بلکہ مبتدیوں کی عید ہو جائے گی!
ارشد رشید
محفلین
سر میری ہر گز کوشش نہیں ہوتی تلخی پیدا کرنے کی - مگر میرا انداز کچھ ایسا ہی براہِ راست قسم کا ہوتا ہے - یہی میرا عام زندگی میں بھی حال ہے اور بقول اقبال
اپنے بھی خفا مجھ سے ہیں بے گانے بھی ناخوش -
بہر حال میں کوشش کرتا رہتا ہوں کہ جتنا نرم کر کے لکھ سکوں - لکھوں
اب آپ کی نصیحت اور بھی پلے سے باندھنے کی کوشش کروں گا-
بہت نوازش -
ظہیراحمدظہیر
لائبریرین
ارشد رشید صاحب ، ویسے تو میں نے سوچا تھا کہ اب آپ کی بے سروپا باتوں کا جواب دینے میں وقت نہیں ضائع کرنا چاہیےاور"سلاما" کہہ کر آپ کو آپ کے حال پر چھوڑدینا چاہیے لیکن آپ کی اور اصلاحِ سخن میں آنے والے نو آموزوں کی خیر خواہی کا جذبہ غالب آگیا ۔چنانچہ بہتر سمجھتا ہوں کہ ایک دفعہ آپ سے صاف بات کرلی جائے ۔ پہلی بات تو یہ کہ آپ ہر جگہ ہر شخص سے بلاوجہ بحث کرتے پھرتے ہیں، اکثر آپ کے اعتراضات کم علمی پر مبنی بلکہ بے سروپا ہوتے ہیں ۔ جب آپ کے سوال اور اعتراض کا جواب دیا جاتا ہے تو پھر آپ پینترا بدل کر کچھ اور بات کہہ دیتے ہیں اور یہ بھول جاتے ہیں کہ پہلے کیا کہا تھا آپ نے۔ جب آپ بالکل ہی لاجواب ہوجاتے ہیں تو پھر تسلیم کیے بغیر یہ کہہ کر الگ ہوجاتے ہیں کہ ہم دونوں متفق نہیں ہیں اور اب مجھے مزید بات نہیں کرنی ۔
میں نے پہلے بھی آپ سے عرض کیا تھا کہ علمی اور ادبی بحث کے کچھ آداب ہوتے ہیں ۔ ان مباحث میں کسی کی ذاتی رائے کوئی حیثیت نہیں رکھتی ۔ حیثیت اور وقعت صرف اور صرف دلائل و براہین کی ہوتی ہے۔ اب تک اوپر کے مراسلوں میں جو باتیں میں نے لکھیں اس میں کہیں بھی میری کوئی ذاتی رائے نہیں ہے بلکہ تمام کی تمام باتیں گرامر کےاصول اور قواعد پر مبنی ہیں ۔میں نے حوالوں اور مثالوں کے ساتھ ہر چیز صاف صاف کھول کر بیان کی ہے۔ اب آپ اردو قواعد کے مسلمہ اور مستند اصولوں کو بھی نہیں مانتے اور آگے سے آئیں بائیں شائیں کیے جاتے ہیں ۔ اور آخر میں کہتے ہیں کہ "بس میرا نکتہ نظر آپ تک پہنچا - آپ کا مجھ تک - اور ہم دونوں آپس میں متفق نہیں ہیں " ۔
بھائی آپ کا نقظۂ نظر تھا ہی کیا ۔ آپ کو نہ واحد جمع سمجھ میں آتے ہیں ، نہ صلہ اور موصول کی خبر ہے ، نہ جملے اور فقرے کا فرق معلوم ہے ، نحو کے بنیادی اصولوں کا کچھ علم نہیں ، ایک سادہ سے اردو جملے کی بنیادی ساخت آپ کی سمجھ میں نہیں آتی ۔ان سب کے باوجود جب آپ کودلیل اور مثال دے کر بات سمجھائی جائے تو ردِ عمل آپ کا ایسا ہوتا ہے جیسےآپ کی شانِ عالیشان میں کوئی گستاخی ہوگئی ہے ۔ چونکہ آپ اصلاحِ سخن میں اصلاح فرماتے ہیں اس لیے میرا مخلصانہ مشورہ آپ کو یہ ہے کہ کم از کم اردو کی مبادیات سےتو واقفیت حاصل کرلیجیے تاکہ آپ کا بھی بھلا ہوجائے اور نو آموزوں کا بھی ۔اس دھاگے میں آپ نے جو اعتراضات کیے ہیں ان سے صاف ظاہر ہوتا ہے کہ یا تو آپ اردو قواعد کی بنیادی باتوں ہی سے واقف نہیں ہیں یا پھر کسی وجہ سے بیکار بحث برائے بحث کرتے ہیں ۔اب اس مراسلے کے بعد میں کچھ اور نہیں کہوں گا ۔
حاصل وصول نہیں ہوتا ۔ صلہ اور موصول ہوتے ہیں ۔ ان کی تعریف میں نے اوپر مثال دے کر بیان کی ہے وہ پھر سے دیکھ اور سمجھ لیجیے۔
شعر نظر نہیں کیا جاتا ۔ نذر کیا جاتا ہے۔نظر کے معنی نگاہ کے ہوتے ہیں ۔
سلاما!
سیما علی
لائبریرین
آمین الہی آمین
ظہیراحمدظہیر
لائبریرین
آداب ، نوازش، بہت شکریہ! پذیرائی اور قدر افزائی کے لیے بہت ممنون ہوں ۔ اور فیڈ بیک کے لیے آپ کا بہت شکرگزار ہوں ۔ اللہ کریم آپ کو خوش رکھے!
بعض واقعات اور سانحات دل پر گہرا اثر چھوڑتے ہیں اور بہت کچھ سوچنے پر مجبور کردیتے ہیں اور قلم کو تحریک دیتے ہیں ۔ پیغام قاری تک پہنچ جائے تو سمجھیے کہ محنت وصول ہوئی ۔
ظہیراحمدظہیر
لائبریرین
بہت شکریہ ، بہت نوازش، سیما آپا!
اللہ کریم آپ کو سلامت رکھے ۔ توجہ کے لیے بہت ممنون ہوں ۔
ارشد رشید
محفلین
جناب الف عین صاحب اب آپ بتایئے میں اتنی تلخ باتوں کا جواب کیسے شیرینی سے دوں؟
ظہیر صاحب لکھ تو میں بھی آپ کو بہت کچھ سکتا ہوں مگر ہمیشہ ہی اس محفل میں آپ کے مقام کا خیال کر کے خاموش ہوجاتا ہوں -
آپ اپنے تئیں خود کو بہت بڑا استاد سمجھتے ہیں اور سب سے استہزا اور تمسخر سے بات کرتے ہیں - یہ آپ کے شایانِ شان نہیں -
اور آج میں آپ کو یہ بھی بتادوں کہ یہ جو آپ ہر وقت گرامر اور قواعد کی مثالیں دے کے سامنے والے کو خاموش کرانے کی کوشش کرتے ہیں یہ میرا مسئلہ ہی نہیں ہوتا -
میرا اصل اشارہ شعر کی جمالیات اور زبان کی خوبیوں پہ ہوتا ہے جو ان قواعد و انشا سے بہت آگے کی چیز ہوتی ہیں - جس تک شائد ابھی آپ نہیں پہنچے ہیں -
جب کوئ میرے ایک دو بار سمجھانے پر بھی نہ سمجھے تو ایک شریف آدمی کا اور کیا وتیرہ ہو نا چاہیئے - سوائے اس کے جو میں کرتا ہوں - کہ بات کو ختم کر کے چپ ہوجاتا ہوں-
ویسے آپ کا پورا حق ہے کہ آپ جس طرح کی چاہیں شاعری کریں یہاں آپ کی واہ واہ کرنے والے بہت ہیں - آپ کے اکثر اشعار شعر کی باریکیوں سے مبرا ہوتے ہیں مگر میں خاموش ہی رہتا ہوں - آپ کو یہ بھی بتا دوں کہ ایک دفعہ میں نے ایطا کے مسئلے پہ اپنی رائے سے رجوع کر لیا تھا آپ کے کہنے پہ وہ بھی صرف آپ کی مروت میں کیا تھا ورنہ اس حد تک تو آپ صحیح تھے کہ اس شعر میں ایطا نہیں ہے مگر وجہ وہ نہیں تھی جو آپ کی استادی کہہ رہی تھی -
بہر حال مجھے معاف کردیں - آئندہ آپ سے کوئ سوال کرنے کی جسارت میں نہیں کروں گا -
ظہیراحمدظہیر
لائبریرین
صابرہ الفاظ کے ذاتی بینک بھرے ہوتے تو خود ہی شاعری نہ کر لیتے۔
ایسی بھی کیا بات ہے ۔ اسے بھی اپنی ہی شاعری سمجھیے اور جہاں چاہے دھڑلے سے سنا دیجیے ۔ اجازت ہے ۔
سیما علی
لائبریرین
ایسے عمدہ خیالات کی آمد ظہیر بھائی کی شخصیت کا خاصۂ ہے ۔۔ماشاء اللہ
خورشیداحمدخورشید
محفلین
ایسےاعلٰی معیار کی نظم کی تعریف کرتے ہوئے مجھے ایسا لگ رہا ہے گویامیں اپنی ہی تعریف کررہاہوں کہ میں نے بھی ایسے بہترین الفاظ اور عمدہ خیالات کی حامل نظم کی تعریف کی تھی-
محمداحمد
لائبریرین
سبحان اللہ !
بہت خوبصورت نظم ہے اور پیغام بھی بڑا واضح ہے۔
اچھے شاعر کی یہی پہچان ہوتی ہے کہ اُس کا ہاتھ معاشرے کی نبض پر ہوتا ہے اور وہ معاملات کو بخوبی سمجھتا ہے اور اپنے انداز میں اچھے افکار کے ابلاغ کی کوشش کرتا ہے۔
بہت سی داد قبول کیجے ظہیر بھائی!
جاسمن
لائبریرین
اجازتاں، اجازتاں۔۔۔
ایسی بھی کیا بات ہے ۔ اسے بھی اپنی ہی شاعری سمجھیے اور جہاں چاہے دھڑلے سے سنا دیجیے ۔ اجازت ہے ۔
لیکن ایسا کر نہیں سکتے/ایسا کرنا نہیں چاہتے۔
ظہیر بھیا! ماشاءاللہ۔ آپ کی شاعری بہت بہت پیاری ہے۔ اور یہ آپ کی رہے، آپ کے نام سے چھپے تو یہ میرے لیے زیادہ خوشی کی بات ہے۔
آپ کے خلوص کی معترف ہوں۔
اللہ آپ کو شاد و آباد رکھے۔ بہت نوازے۔ آمین!
ثم آمین!
عرفان علوی
محفلین
ظہیر بھائی ، آپ کی اعلیٰ شاعری پڑھ کر تسلیم کرنا پڑتا ہے کہ احساس اور اظہار کا جو معیار آپ كے یہاں ہے ، وہ خدا داد ہوتا ہے ، اسے مشق اور مطالعہ سے پیدا نہیں کیا جا سکتا ( ورنہ میں بھی کر لیتا ! )
ماشاء اللہ ، بہت عمدہ نظم ہے . داد قبول فرمائیے .
سید عاطف علی
لائبریرین
دل سے نکلے ان لفظوں کا حق صرف آنسو ہی ادا کر سکتے ہیں ۔ یہ پڑھ کر جی جتنا خوش ہوا اتنا ہی غمگین بھی۔کاش ہم سوچیں سمجھیں۔
ار شد رشید صاحب کی جو تنقیدی بحث ہوئی اس میں اس بات کی کمی محسوس ہوئی کہ موضوعاتی نظم کو پرکھنے کا انداز بھی اس کے ماحول اور پس منظر اور معنوی احساس کے مطابق ہوتا چاہیئے ۔ یوں لگ رہا ہے کہ وہ غزل یا قطعات کی پیمانے پر پرکھ رہے ہیں اور جمالیاتی عناصر کو شعر یا مصرع کے پیکر میں قید دیکھنا چاہتے ہیں، جب کہ ان جمالیاتی عناصر کا اصل حسن ان کی موضوع کی ہم آہنگی میں ہے جو دراصل نظم کا خاصہ ہے ۔شاید اسی لیے ان کے تنقیدی فریم میں یہ صحیح طریقے سے بیٹھ نہیں رہا اور بحث کو اور ہی سمت دے رہا ہے ۔
زبان و بیان کے اعتبار سے کوئی چیز نظر نہیں آئی مجھے سب خوب ہے ۔
البتہ تلاشنا (اور قبولنا) اور اس طرح کے الفاظ کا برتاؤ مجھے بہت کھردرا سا لگتا ہے۔ یہ میرا ذاتی احساس ہو گا لیکن ہے بہت کھردرا جیسے کوئی دیوار پر ڈرل مشین چلا رہا ہو ۔ آپ کے اس استعمال پر حیرت سی ہوئی ۔
ار شد رشید صاحب کی جو تنقیدی بحث ہوئی اس میں اس بات کی کمی محسوس ہوئی کہ موضوعاتی نظم کو پرکھنے کا انداز بھی اس کے ماحول اور پس منظر اور معنوی احساس کے مطابق ہوتا چاہیئے ۔ یوں لگ رہا ہے کہ وہ غزل یا قطعات کی پیمانے پر پرکھ رہے ہیں اور جمالیاتی عناصر کو شعر یا مصرع کے پیکر میں قید دیکھنا چاہتے ہیں، جب کہ ان جمالیاتی عناصر کا اصل حسن ان کی موضوع کی ہم آہنگی میں ہے جو دراصل نظم کا خاصہ ہے ۔شاید اسی لیے ان کے تنقیدی فریم میں یہ صحیح طریقے سے بیٹھ نہیں رہا اور بحث کو اور ہی سمت دے رہا ہے ۔
زبان و بیان کے اعتبار سے کوئی چیز نظر نہیں آئی مجھے سب خوب ہے ۔
البتہ تلاشنا (اور قبولنا) اور اس طرح کے الفاظ کا برتاؤ مجھے بہت کھردرا سا لگتا ہے۔ یہ میرا ذاتی احساس ہو گا لیکن ہے بہت کھردرا جیسے کوئی دیوار پر ڈرل مشین چلا رہا ہو
۔ آپ کے اس استعمال پر حیرت سی ہوئی ۔
ظہیراحمدظہیر
لائبریرین
بہت بہت شکریہ ، سیما آپا ۔ آپ کی ذرہ نوازی ہے ۔ اللہ کریم آپ کو سلامت رکھے ، شاد و آباد رکھے! آمین
ظہیراحمدظہیر
لائبریرین
بہت شکریہ ، نوازش ، آداب! بہت ممنون ہو ں ، خورشید! عزت افزائی کے لیے بہت شکریہ۔ اللہ کریم آپ کو خوش رکھے۔ایسےاعلٰی معیار کی نظم کی تعریف کرتے ہوئے مجھے ایسا لگ رہا ہے گویامیں اپنی ہی تعریف کررہاہوں کہ میں نے بھی ایسے بہترین الفاظ اور عمدہ خیالات کی حامل نظم کی تعریف کی تھی-
ظہیراحمدظہیر
لائبریرین
آداب ، نوازش ، بہت شکریہ ، احمد بھائی ! سخنوروں کی طرف سے تحسین بہت معنی رکھتی ہے۔ اچھا شاعر ہونے کا تو مجھے دعویٰ نہیں لیکن کوشش ضرور ہوتی ہے کہ کوئی کام کی بات قلم سے صادر ہو جائے ۔ آپ احباب کی حوصلہ افزائی مہمیز کا کام کرتی ہے ۔ اللہ کریم آپ کو جزائے خیر عطا فرمائے۔ آمین
ظہیراحمدظہیر
لائبریرین
اجازتاں، اجازتاں۔۔۔
لیکن ایسا کر نہیں سکتے/ایسا کرنا نہیں چاہتے۔
ظہیر بھیا! ماشاءاللہ۔ آپ کی شاعری بہت بہت پیاری ہے۔ اور یہ آپ کی رہے، آپ کے نام سے چھپے تو یہ میرے لیے زیادہ خوشی کی بات ہے۔
آپ کے خلوص کی معترف ہوں۔
اللہ آپ کو شاد و آباد رکھے۔ بہت نوازے۔ آمین!
ثم آمین!
بہت بہت شکریہ خواہرم! دعاؤں کے لیے خصوصی شکریہ ۔ اللہ کریم یہ دعائیں آپ کے حق میں بھی قبول فرمائے۔ شاد و آباد رہیں ، پھلیں پھولیں اور تادیر سلامت رہیں ۔ آمین
ظہیراحمدظہیر
لائبریرین
بہت بہت شکریہ ، بہت نوازش، عرفان بھائی!ظہیر بھائی ، آپ کی اعلیٰ شاعری پڑھ کر تسلیم کرنا پڑتا ہے کہ احساس اور اظہار کا جو معیار آپ كے یہاں ہے ، وہ خدا داد ہوتا ہے ، اسے مشق اور مطالعہ سے پیدا نہیں کیا جا سکتا ( ورنہ میں بھی کر لیتا ! )
اس عزت افزائی اور ذرہ نوازی کے لیے بہت ممنو ن ہوں ۔ سخنوروں کا حرفِ تحسین قیمتی ہوتا ہے ، اس کے لیے مقروض ہوں ۔ اللہ آپ کو سلامت رکھے۔ آمین