حجابِ شعر۔ عبیدہ انجم

الف عین نے 'اردو شاعری' کی ذیل میں اس موضوع کا آغاز کیا، ‏جنوری 2, 2008

  1. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    مطربہ سےخطاب​


    بس بند کر اے مطربہ
    یہ تیرا سازِ دلربا
    یہ سحرزا نغمے ترے
    اور جانفزا نغمے ترے
    پر کیف ہیں اور دلنشیں
    ان کی ضرورت ہی نہیں
    دنیا ابھی خاموش ہے
    اور غم سے ہم آغوش ہے
    سینے یہاں صد چاک ہیں
    آنکھیں یہاں نم ناک ہیں
    چہرے فسردہ ہیں ابھی
    احساس مردہ ہیں ابھی
    اے مطربہ اے سحرگر
    تو پھونک سکتی ہو اگر
    دنیائے دل میں زندگی
    ہر آب و گل میں زندگی
    تو شوق سے اے نطربہ
    تو چھیڑ سازِ دلربا
    دنیا بھی ہم آواز ہے
    ہر دل رہینِ ساز ہے
    تیری ادا پر ہو نثار
    گلزارِ ہستی کی بہار
    بھر دے حیات احساس میں
    امید جامِ یاس میں
    جذبات جو دے زندگی
    ظلمت کو دے تابندگی
    لے کر اندھیروں کا دھواں
    شمعیں جلا دے ضو فشاں
    لا انقلابِ کارگر
    ہر گھر بنے جنّت کا گھر
    پھر چھیڑ کر اک مست راگ
    کر دے خنک ہر تیز آگ
    تجھ پر فدا اے مطربہ
    ہاں چھیڑ اک نغمہ نیا
    ۔۔ اپریل ۱۹۵۲ء
    ***
     
  2. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    ماں کا خط سرحد پر بیٹے کے نام


    قرۃ العین خدا تم کو سلامت رکھے
    اب کے پھر ہو گئی تاخیر تمہارے خط میں
    بار ہا تم سے کہا اب یہ تساہل چھوڑو
    تم نے جاتے ہوئے وعدہ بھی کیا تھا مجھ سے
    اپنے وعدے کا بھی کچھ پاس تمیہں ہے کہ نہیں
    میری حالت کا کچھ احساس تمیہں ہے کہ نہیں
    مادرِ گیتی کا بھی حق ہے یہ مانا میں نے
    سال ہا سال ہمالہ نے حفاظت کی ہے
    اب ہمالہ کی نگہبانی ہے لازم تم پر
    وہ ہمالہ کہ جو صدیوں سے سرافراز رہا
    اس کی عظمت رہے پائندہ تمہارے دم سے
    اس کی رفعت رہے تابندہ تمہارے دم سے
    خط نہ آنے سے پریشانی جو ہوتی ہے مجھے
    ضبطِ تحریر میں لانا اسے ناممکن ہے
    دل میں رہ رہ کے عجب وہم و خیال آتے ہیں
    میں یقیں کر کے پریشان سی ہو جاتی ہوں
    تم خیالات کا اندزہ نہیں کر سکتے
    ماں کے جذبات کا اندازہ نہیں کر سکتے
    سوچتی ہوں کہ یہ تاخیر بلا وجہ نہیں
    اور وہ وجہ کوئی حادثہ۔۔۔۔(اللہ نہ کرے)
    تم سلامت رہو دنیا میں مسرّت بکنار
    جوہ و اقبال فزوں سے بھی فزوں تر ہو جائے
    حادثے ہاں مگر اک عزمِ جواں دیتے ہیں
    فی الحقیقت نگہِ خود نگراں دیتے ہیں
    دسمبر ۱۹۶۲ء
    ***
     
  3. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    دخترانِ ہند

    ناز ہے ہمالہ کو
    دختروں پہ بھارت کی
    ہم رضیّہ سلطانہ
    ہم ہی لکشمی بائی
    یاد ہے ہمالہ کو
    داستانِ پارینہ

    سامراجی طاقت نے جب کبھی پکارا ہے
    اس کا آہنی پنجہ بڑھ کے ہم نے توڑا ہے
    اپنے ریشمی آنچل دوش پر ہواؤں کے
    پرچموں کی صورت میں اکثر ہم نے لہرائے

    اب بھی گر ضرورت ہو
    ہم ہی رزم گاہوں میں
    لکشمی رضیّہ کا
    روپ دھار سکتی ہیں
    وہ کلائیاں جن میں چوڑیاں کھنکتی ہیں
    دشمنوں کے سینوں میں
    نیزہ مار سکتی ہیں
    ناز ہے ہمالہ کو
    دختروں پہ بھارت کی
    ۔۔دسمبر ۱۹۶۲ء
    ***
     
  4. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    اردو


    تخمِ اردو ولیؔ نے بویا تھا
    اس کی نشو و نما کا جویا تھا
    جیتے جی اس کو خون سے سینچا
    دیکھتے دیکھتے پھلا پھولا
    شاخ اس کی شمال میں آئی
    جس کی خسروؔ نے آبیاری کی
    دردؔ و سوداؔ نے اس کو اپنایا
    میرؔ و مومنؔ کا تھا یہ سرمایا
    آتشؔ و سوزؔ امیرؔ مینائی
    سب ہی تھے دل سے اس کے شیدائی
    ایسا ماحول سازگار ملا
    لال قلعے میں یہ پھلا پھولا
    ذوقؔ و غالبؔ نے خوشہ چینی کی
    بادشاہوں نے سرپرستی کی
    ریختی کا خطاب اس کو ملا
    لکھنؤ میں بھی پائی اس نے جِلا
    آگرے کا نظیر ’بنجارہ‘
    اک نیا روپ جس نے اس کو دیا
    فانیؔ، اقبالؔ، داغؔ اور حالیؔ
    بعد کے دور کے تھے یہ مالی
    اس کی قطع و برید کرتے تھے
    برگ و گل اور بھی نکھرتے تھے
    ہاں، یہی وہ درخت ہے اردو
    لیکن اب تیرہ بخت ہے اردو
    آج بادِ سموم کے جھونکے
    چاہتے ہیں کہ مٹا کے چھوڑیں اسے
    لیکن اے یادگارِ میرؔ و بیاںؔ
    یعنی اردو بہارِ ہندستاں
    تیری عظمت کی کھا رہے ہیں قسم
    آنچ تجھ پر نہ آنے دیں گے ہم
     
  5. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    /////////


    قطعات


    /////
     
  6. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    ہم نے آزادی کا اک خواب سا دیکھا تھا کبھی
    وائے افسوس یہ اس خواب کی تعبیر نہیں
    اہرمن ہیں ابھی ذہنوں پہ اسی طرح محیط
    ابھی تاریکی ہی تاریکی ہے، تنویر نہیں
    ***
     
  7. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    زندگی پھول بھی ہے خار بھی ہے
    زندگی نور بھی ہے نار بھی ہے
    زندہ رہنے کا ہو شعور جسے
    زندگی اس کو سازگار بھی ہے
    ***
     
  8. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    شورشِ کائنات دیکھی ہے
    زندگی بے ثبات دیکھی ہے
    ظلمتیں نور سے ہیں وابستہ
    دن کے پردے میں رات دیکھی ہے
    ***
     
  9. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    حاصلِ سعیِ رائگاں معلوم
    ھوصلے پست ہمتیں سو جائیں
    رہِ مقسود کیوں نہ ہو مفقود
    راہبر جب کہ راہزن ہو جائیں
    ***
     
  10. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    تابکے گم کردۂ رہ، تابکے یہ لغزشیں
    کچھ نہ کچھ اس کے لئے تدبیر کرنا چاہئے
    دوسروں کو نقل کرنا عقل کا شیوہ نہیں
    اپنی منزل آپ ہی تعمیر کرنا چاہئے
    ***
     
  11. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    رباعی


    طوفاں کے تھپیروں سے نکلنا سیکھو
    ھالات کے ہر سانچے میں ڈھلنا سیکھع
    انسان ہو انسان کی عظمت جانو
    ہاں جبر و تسدد کو کچلنا سیکھو
    ****
     
  12. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    ثلاثی

    گر نہیں پاس ترے حسن کی دولت نہ سہی
    حسنِ سیرت سے لیاقت سے مزین ہے تو
    حسن کا کیا ہے بہر حال فنا ہے اس کو
    ***
     
    • پسندیدہ پسندیدہ × 1
  13. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    ختم شد
    ///////////////////////


    ٹائپنگ اور ای بک کی تشکیل: اعجاز عبید
    اردو لائبریری ڈاٹ آرگ، کتابیں ڈاٹ آئی فاسٹ نیٹ داٹ کام اور کتب ڈاٹ 250 فری ڈاٹ کام کی مشترکہ پیشکش
     
    • پسندیدہ پسندیدہ × 1

اس صفحے کی تشہیر