شاید سبھی لوگوں کی بنیاد ایک جیسی نہ بھی ہو کہ وہ مذہب و عقائد پر ہی پیر جمائے رکھیں لیکن وہ کسی نہ کسی شے پر تو پیر جماتے ہیں نا۔ تو کیا یہ پیر جمانے کی متنوع وجہ انسانوں کے ذاتی رجحانات ہوتے ہیں یا کائنات کا ایلگورتھم ایسا ہے کہ جس سے جو کام لینا ہو اسے ویسے امتحان دیے جاتے، مواد دکھایا جاتا اور ذہن بنایا جاتا ہے؟
پیر جمانے یا اعتماد کرنا :
ہر انسان کو کسی نہ کسی فرد پر اعتماد کرنا ہوتا ہے اور ایک مسلمان کو اس حوالے سے نبی پاک صلی اللہ علیہ و آلہ وسلم پر کلی اعتماد کرنا ہے جس کی
جسٹی فیکیشن یہ ہے۔
کائنات کا الگورتھم یا اللہ تعالی کی منشا:
اللہ تعالی کی منشا ہم نہیں جان سکتے البتہ جتنا قرآن اور صاحب قرآن نے ہمیں بتایا ہو۔
انسان کا امتحان کن چیزوں سے ہوتا ہے:
وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ
اور ہم ضرور بالضرور تمہیں آزمائیں گے کچھ خوف اور بھوک سے اور کچھ مالوں اور جانوں اور پھلوں کے نقصان سے، اور (اے حبیب!) آپ (ان) صبر کرنے والوں کو خوشخبری سنا دیں،
یہ بات تو طے ہے کہ ہر شخص کی کہانی مختلف ہوتی ہے اور ہر شخص کا امتحان بھی مختلف ہوتا ہے۔ کسی کو خوف سے آزمایا جاتا ہے کسی کو بھوک سے ، کسی کو مال ، جان ، پھلوں کے نقصان سے۔
ان حالات میں ہر انسان مختلف رویہ اپناتا ہے جس سے اس کا مقام متعین ہوتا ہے۔ کوئی شکوہ شکایت ، جزع فزع کرتا ہے اور کوئی صبر و تسلیم و رضا سے کام لیتا ہے۔
امتحان کیوں لیا جاتا ہے؟
الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ 67:2
جس نے موت اور زندگی کو (اِس لئے) پیدا فرمایا کہ وہ تمہیں آزمائے کہ تم میں سے کون عمل کے لحاظ سے بہتر ہے، اور وہ غالب ہے بڑا بخشنے والا ہے
متعلقہ:
۱- قلیل عرصے میں مصائب کی کثرت و شدت اور امام عالی مقام کا مقام:
ہماری زندگی کی تمام پریشانیاں ، امامِ حسین پر ٹوٹنے والے مصائب کے پہاڑ کے مقابلے میں انتہائی قلیل ہوں گی اس کے باوجود اگر ہماری زندگی کی تمام پریشانیاں یکجا ہو کر نہایت ہی مختصر عرصہ میں ہم پر وارد ہوں تو عقل کا سلامت رہنا بہت مشکل ہے
اس کے برعکس امامِ حسین پر ایامِ محرم میں مصائب کے پہاڑ توڑے گئے لیکن پھر بھی قلیل عرصے میں مصائب کی کثرت و شدت آپ کے پایہ استقامت میں بال برابر بھی لرزش نہ لا سکی۔
اس لئے مورخ امامِ عالی مقام کے حیرت انگیز صبر و استقامت کو دیکھ کر حیران ہو جاتا ہے۔
شیخ پڑے محراب حرم میں پہروں دوگانہ پڑھتے رہیں
سجدہ ایک اس تیغ تلے کا ان سے ہو تو سلام کریں.
---
۲- جب تک کسی کے صبر و ضبط کی آزمائش نہ ہو اس کی شخصیت خود اس سے محجوب رہتی ہے۔ خدا اس لئے نہیں آزماتا کہ وہ کسی کی شخصیت کی وسعت سے لاعلم ہے بلکہ خدا اس لئے آزماتا ہے کہ سائل خود اپنی حقیقت اور وسعت جان لے تا کہ تقاضا کرنے میں حیا داری کو اپنائے۔
"ہر نفس اپنی وسعت پر مکلف ہے"
بحوالہ: سکینۃ العارفین ، چودھری شہید الدین خان ندیم بھٹی قادری المعروف کندن لاہوری ، صفحہ 27، عباسی پبلیکیشنز گوجرانوالا۔
۳-
