جاپانی شہری کو پاکستانی گائیڈ نے 45 ہزار امریکی ڈالرز، پاسپورٹ اور سائیکل سے محروم ک

[فخرنوید]

گوجرانوالہ ۔۔۔۔۔ فلاحی پراجیکٹ کیلئے سائیکل پر دنیا کا چکر لگانے والے جاپانی شہری کو گوجرانوالہ میں اسکے گائیڈ نے لوٹ لیا اور زہریلا سگریٹ پلا کر 45 ہزار امریکی ڈالرز، پاسپورٹ اور سائیکل سے محروم کر دیا۔ مسٹر نووا کی حالت مقامی ہسپتال میں خطرے سے باہر ہے۔ 30 سالہ جاپانی شہری مسٹر نووا سائیکل پر دنیا بھر کا چکر لگانے نکلا تھا۔ وہ مختلف ممالک سے ہوتا ہوا ہندوستان اور پھر وہاں سے واہگہ بارڈر کے رستے پاکستانی پنجاب کے شہر لاہور پہنچا۔ پولیس حکام کے مطابق لاہور سے گوجرانوالہ آتے ہوئے مسٹر نووا کو راستے میں ایک نو سرباز نے بطور گائیڈ اپنی خدمات پیش کیں اور وہ گوجرانوالہ میں لاری اڈے کے قریب ایک شہریار ہوٹل میں قیام پذیر ہو گئے جہاں نوسرباز گائیڈ نے مسٹر نوا کو زہریلا سگریٹ پلا کر بیہوش کر دیا اور ان کے 45 ہزار امریکی ڈالرز، پاسپورٹ اور وہ سائیکل بھی لے اڑا جس پر مسٹر نووا دنیا کا چکر لگا رہے تھے۔ اس واقعہ کے بعد انہیں قریبی سوشل سکیورٹی ہسپتال داخل کرا دیا گیا جہاں پر مسٹر نووا نے میڈیا کو بتایا کہ وہ ایک فلاحی پراجیکٹ کیلئے دنیا بھر سے سائیکل پر پیسے اکٹھے کر رہے تھے اور انہیں گوجرانوالہ کے نوسرباز کی اس حرکت پر سخت افسوس ہوا ہے۔ ماڈل ٹاؤن پولیس نے رابطہ کرنے پر بتایا کہ ملزم کے خلاف مقدمہ درج کر لیا گیا ہے۔ تاحال کوئی گرفتاری عمل میں نہیں آئی۔ مسٹر نووا کو آج شام پولیس کی نگرانی میں اسلام آباد بھجوا دیا جائیگا۔ مسٹر نووا کا علاج کرنے والے میڈیکل آفیسر ڈاکٹر شہزاد ڈار نے بتایا کہ ہوش میں آنے کے بعد مسٹر نووا نے سب سے پہلے اپنے سائیکل کے بارے میں دریافت کیا اور رقم کی بجائے وہ سائیکل چھن جانے پر سب سے زیادہ غمگین دکھائی دئیے۔

بشکریہ: وائس آف پاکستان

 

[محمدصابر]

 

[عسکری]

کیونکہ اس جرم سے ہمارے ملک کی بدنامی ہوئی اور ایک مہمان اور دوست ملک کے اچھے شہری کو شدید تکلیف ہوئی ملزم کو کم از کم 15 سال قید ہونی چاہیے

 

[stranger]

ایسے لالچی لوگ ملک اور قوم کی پروا نہیں کرتے

 

[راشد احمد]

اس شخص کو کیا کہیں پاکستان میں ہر بندہ اوپر سے نیچے تک کرپٹ ہے

 

[شمشاد]

بیوقوفی تو اس کی اپنی ہے کہ اتنے زیادہ پیسے لیکر پاکستان میں سر عام گھوم رہا ہے اور وہ بھی سائیکل پر۔

 

[مغزل]

ایک شعر میرے دوست توقیر تقی کا:

زر کا بندہ ہو کہ محرومی کا مارا ہوا شخص
جس کو دیکھو وہی اوقات سے نکلا ہوا ہے

 

[انیس فاروقی]

ایک غیر ملکی لٹا ہے، اسکے سینکڑوں جاننے والے اب اس پاکستان آنے سے کترائیں گے۔ دھیرے دھیرے، سیاحت ختم ہو جائے گی۔ چینیوں کو اغوا کیا جاتا ہے، امریکی برطانیوں کی جان کو خطرہ ہے ، ہم احتجاج کرتے ہیں تو اپنی ہی بسوں اور سگنل کو آگ لگاتے ہیں، اسکول، کالج، بینک، دوکانیں جلاتے ہیں، ذرا ریسرچ کرکے دیکھئے کتنے ایسے ممالک ہیں دنیا میں جہاں ایسے رویے پائے جاتے ہیں۔

 

[دوست]

لعنت ہو ایسے لالچی لوگوں پر۔

 

[ایم اے راجا]

بہت افسوس ہے، اس سے زیادہ کیا کہا جاسکتا ہے اس شرمندہ کر دینے والے واقع پر، مگر حیرت ہیکہ کیا اسکے ساتھ سیکیورٹی نہیں تھی اگر نہیں تو کیوں؟ اور اگر تھی تو کہاں تھی یہ تحقیق ضرور ہونی چاہئیے۔

 

[گرائیں]

ہا ہا ہا ۔۔ فلاحی پراجیکٹ۔۔۔

انگریزی میں کہتے ہیں مائی فٹ۔

زہریلا سگریٹ؟ اس کو شوق چڑھا ہوگا چرس پینے کا۔۔ پاکستانی گائیڈ سے کہا ہوگا اور اس نے سر جھکا کر حکم کی تعمیل کی ہوگی۔ نشہ آور چیزوں کو ایک افسانوی رنگ سے دیکھنے پر یہی ہوتا ہے۔۔

ایسے لوگوں کے ساتھ ایسا ہی ہونا چاہئے۔۔ رہ گیا وہ نوسرباز تو میرا اپنا خیال ہے کہ اس پر قانون کے مطابق مقدمہ چلا کر مناسب سزا دے دینی چاہئے۔ اگر کبھی پکڑا گیا تو۔۔

 

[ایم اے راجا]

بہت افسوس ہے، اس سے زیادہ کیا کہا جاسکتا ہے اس شرمندہ کر دینے والے واقع پر، مگر حیرت ہیکہ کیا اسکے ساتھ سیکیورٹی نہیں تھی اگر نہیں تو کیوں؟ اور اگر تھی تو کہاں تھی یہ تحقیق ضرور ہونی چاہئیے۔

 

[راشد احمد]

بہت افسوس ہے، اس سے زیادہ کیا کہا جاسکتا ہے اس شرمندہ کر دینے والے واقع پر، مگر حیرت ہیکہ کیا اسکے ساتھ سیکیورٹی نہیں تھی اگر نہیں تو کیوں؟ اور اگر تھی تو کہاں تھی یہ تحقیق ضرور ہونی چاہئیے۔

زیادہ سے زیادہ کیا کریں گے
ایک عدد کمیٹی بنادیں گے جو تحقیقات کرے گی اور وہ اپنی تنخواہ لے کر ایک طرف ہوجائیں گے۔ نتیجہ کچھ نہیں‌نکلتا

 

[arifkarim]

بہت افسوس ہے، اس سے زیادہ کیا کہا جاسکتا ہے اس شرمندہ کر دینے والے واقع پر، مگر حیرت ہیکہ کیا اسکے ساتھ سیکیورٹی نہیں تھی اگر نہیں تو کیوں؟ اور اگر تھی تو کہاں تھی یہ تحقیق ضرور ہونی چاہئیے۔

وہ سائکل سوار سیاح تھا۔ کوئی امریکی مشیر نہیں جو گارڈز کی ضرورت پڑے۔ اگر اسکو پاکستانیوں کے کرتوتوں کی خبر ہوتی تو پاکستان سے کراسنگ کی بجائے بھارت کے بعد بذریعہ جہاز ایران تک چلا جاتا اور یوں اپنا سفر جاری رکھتا۔ بیچارا معصومیت میں مارا گیا۔

 

[شمشاد]

ارے نہیں بھائی، پاکستان سے بھی سائیکل پر گزر سکتا تھا، اگر پیسے پہلے ہی بنک کے ذریعے بھجوا چکا ہوتا۔

 

[ظفری]

45 ہزار ڈالرز اچھی خاصی رقم ہوتی ہے ۔ میں نہیں‌ سمجھتا کہ وہ اتنی بڑی رقم لیکر جیب میں گھوم رہا ہوگا ۔ پانچ ہزار مان لیتا ہوں ۔ مگر اس طرح کسی غیر ملکی کیساتھ حرکت کرنا بھی بہت شرمناک ہے ۔ ویسے مجھے کسی اور جگہ یہ خبر پڑھنے کو نہیں‌ ملی ۔