تنگ آیا ہوں یا خدا توبہ ۔ نظام رامپوری

[فرخ منظور]

تنگ آیا ہوں یا خدا توبہ
دل کا کہنا کروں میں یا توبہ

دل میں خواہش ہے ظاہرا، توبہ
دل کا کہنا کروں میں یا توبہ

مجھ سے اور الفتِ بتاں چھوٹے
ایسی باتوں سے ناصحا توبہ

توبہ توبہ شراب دے ساقی
اب میں توبہ سے کرچکا توبہ

تُو وہ بُت ہے کہ دیکھتے ہی تجھے
لوگ کہتے ہیں، یا خدا توبہ

تجھ سے میں عہد توڑنے کا نہیں
توڑ ڈالوں گا ساقیا توبہ

میری گستاخیوں پہ بولے نظام
تو بھی ہے کتنا بے حیا، توبہ!

(نظام رامپوری )

 

[کاشفی]

بہت ہی عمدہ انتخاب ہمیشہ کی طرح۔۔ بہت شکریہ فرخ منظور صاحب!​