تم جب آؤ گی

[محمد بلال اعظم]

تم جب آؤ گی​

تم جب آؤ گی
مجھے ویسا ہی پاؤ گی
وہ خواب میرے
آدھے ادھورے
وہی اداسی دل کی
سانجھ سویرے
وہی چیزیں ہوں گی میری
کچھ سوکھے پھول بھی
ہوں گے کتابوں میں
کچھ کاغذ جن پہ
بے ربط تحریریں ہوں گی
جو خواب دیکھے تھے
تم نے، میں نے
ان کی بے نام سی
تعبیریں ہوں گی
اُسی انداز میں بکھری ہوں گی
کوٹ کالر ٹائی اور فائلیں
ہار جھمکے چوڑیاں پائیلیں
سب کچھ ہو گا
تم ہو گی
میری دنیا ہو گی
بس اک چیز کی کمی ہو گی
اُس وقت میں خود تھا
اب صرف میری یاد ہو گی​

( محمد بلال اعظم)​

 

[الف عین]

زبردست بلال۔ اچھی نثری نظم ہے۔ میرے خیال میں نثری نظم کے زمرے کی بھی ضرورت ہے یہاں کہ یہ نظمیں بحور سے آزاد تو ہوتی ہیں لیکن یہ دانستہ ہوتی ہیں۔ مبتدیوں کی غیر دانستہ ہوتی ہیں کہ وہ سمجھتے ہیں کہ درست ہے۔

 

[محمد بلال اعظم]

مزمل شیخ بسمل

 

[مزمل شیخ بسمل]

بہت خوب بلال۔ عمدہ نظم ہے

 

[محمد بلال اعظم]

بہت خوب بلال۔ عمدہ نظم ہے

بہت بہت شکریہ جناب

 

[محمد بلال اعظم]

zeesh بھائی
مہدی نقوی حجاز بھائی
نیلم آپی
آپ کا بھی شکریہ

 

[مقدس]

یہ تو آسان ہے مجھے بھی سمجھ آ گئی

 

[محمداحمد]

بہت خوب۔۔۔۔!

بہت اچھی نظم ہے۔

خوش رہیے۔

 

[محمد بلال اعظم]

یہ تو آسان ہے مجھے بھی سمجھ آ گئی

شکر ہے کچھ تو سمجھ آیا۔

 

[محمد بلال اعظم]

بہت خوب۔۔۔ ۔!

بہت اچھی نظم ہے۔

خوش رہیے۔

شکریہ احمد بھائی۔

 

[نیرنگ خیال]

پہلے تیری یاد رہی یہاں، پھر تیری یاد بھی گئی۔۔۔
کچھ ایسا معاملہ ہوگا منے میاں۔۔

بہت عمدہ نظم ہے۔ بہت ساری داد قبول فرمائیے

 

[مقدس]

شکر ہے کچھ تو سمجھ آیا۔

ہیں۔۔۔ کچھ کیا ساری سمجھ آ گئی ہے

 

[محمد بلال اعظم]

پہلے تیری یاد رہی یہاں، پھر تیری یاد بھی گئی۔۔۔
کچھ ایسا معاملہ ہوگا منے میاں۔۔

بہت عمدہ نظم ہے۔ بہت ساری داد قبول فرمائیے

آپ تو ہر شعر میں معاملے ہی تلاش کرتے ہیں۔

 

[محمد بلال اعظم]

ہیں۔۔۔ کچھ کیا ساری سمجھ آ گئی ہے

پھر تو اور بھی زیادہ شکر ہے

 

[مہدی نقوی حجاز]

زبردست!

 

[محمد بلال اعظم]

زبردست!

شکریہ مہدی بھائی