فرقان احمد
محفلین
شوبز کی چمچماتی اور رنگین دنیا میں عام طور پر وہی افراد توجہ کا مرکز ٹھہرتے ہیں جو تواتر کے ساتھ نگاہوں کے سامنے رہتے ہیں اور جو اک ذرا پردہء سکرین سے سرک جائیں تو گویا ذہن و دل سے بھی محو ہو جاتے ہیں۔ اس لڑی میں ایسے بھولے بسرے چہروں کو یاد کیا جائے گا جو کسی خاص وقت میں منظرنامے پر چھائے ہوئے تھے تاہم وقت کے ساتھ ساتھ بوجوہ پردہء سکرین سے غائب ہو گئے۔ رفتہ رفتہ ان کے عکس بھی دھندلاتے چلے گئے یہاں تک کہ وہ وقت کی گرد میں کہیں گم ہو گئے۔ اس فہرست میں مرحومین کو بھی شامل کیا جا سکتا ہے تاہم یاد رہے کہ اس لڑی میں ایسی شخصیات کو زیربحث نہ لایا جائے تو مناسب رہے گا جو اس نوعیت کی شہرت حاصل کر چکے ہیں کہ انہیں بھولے بسرے چہروں میں شمار نہیں کیا جا سکتا۔