حفیظ ہوشیارپوری تغافل کا کروں ان سے گلہ کیا - حفیظ ہوشیار پوری

[کاشفی]

غزل​

(حفیظ ہوشیار پوری)​

تغافل کا کروں ان سے گلہ کیا​

وہ کیا جانیں جفا کیا ہے وفا کیا؟​

​

محبت میں تمیزِ دشمن و دوست!​

یہاں ناآشنا کیا، آشنا کیا​

​

زمانے بھر سے میں‌کھو گیا ہوں​

تمہیں پا کر مجھے آخر ملا کیا ​

​

پھریں مجھ سے زمانے کی نگاہیں​

پھری مجھ سے نگاہِ آشنا کیا​

​

وفا کے مدّعی! افسوس افسوس!​

تجھے بھی بھول جانا آگیا کیا​

​

نہ مانی ہے نہ مانیں گے تری بات​

حفیظ ان سے تقاضائے وفا کیا​

 

[مغزل]

واہ ، بہت خوب جناب ، خوب انتخاب ہے واہ

 

[کاشفی]

واہ ، بہت خوب جناب ، خوب انتخاب ہے واہ

غزل کی پسندیدگی کے لیئے بیحد شکریہ جناب مغزل بھائی!

 

[محمد وارث]

واہ بہت خوب۔

شکریہ کاشفی صاحب خوبصورت غزل پوسٹ کرنے کیلیے۔

 

[کاشفی]

واہ بہت خوب۔

شکریہ کاشفی صاحب خوبصورت غزل پوسٹ کرنے کیلیے۔

بہت شکریہ محمد وارث صاحب!