ترکمانی شاعری مع اردو ترجمہ

رحمت الله ترکمن نے 'ادبیات و لسانیات' کی ذیل میں اس موضوع کا آغاز کیا، ‏جون 27, 2018

  1. رحمت الله ترکمن

    رحمت الله ترکمن محفلین

    مراسلے:
    17
    جھنڈا:
    Afghanistan
    موڈ:
    Cheerful
    بیوک ترکمن شاعر مخدومقلی فراغی نینگ شعری اردو ترجمہ بیلن.
    عظیم ترکمن فلسفی صوفی شاعر مخدوم قلی فراغی کے بعض اشعار اردو ترجمہ کے ساتھ

    بير الله‌غا آيداي‌ حمد و ثنالار
    بير قيسيم‌ توپراقدان‌ انسان‌ ياراتدي‌
    تن‌ فانوسين‌ قيلماق‌ اوچين‌ منور
    جان‌ نوروندان‌ شمع‌ ايمان‌ ياراتدي‌

    (ترجمہ: ایک اللہ کی کروں حمد و ثنا میں
    جس نے مٹی سے ہمیں انسان بنایا
    پھر اس مٹی کو کیا ایسے منور
    دل کے چراغ میں شمع ایمان جلایا)

    گورماگه‌ گوز بردي‌، ديل‌گه‌ مقالت‌
    جاني‌ قويدي‌ تن‌ده‌ باش‌ گون‌ امانت‌
    ازلده‌ هر كيمه‌ قيلسا عنايت‌
    كوكره‌گينده‌ نور ايمان‌ ياراتدي‌

    (ترجمہ: دید کو آنکھیں, زبان کو دی فصاحت
    جان سونپی جسم میں چند روز امانت
    جس پر ہوئی رب کی خاص عنایت
    سینے میں اسکے نور ایمان بھر آیا)

    اولا ياراتدي‌ آدم‌ آتاني‌
    آنگا جفت‌ ايله‌دي‌ انه‌ حواني‌
    فردوس‌ اعلاده‌ اردي‌ مكاني‌
    آنگا دوشمان‌ ملعون‌ شيط‌ان‌ ياراتدي‌

    (ترجمہ: پہلے خلق کیا آدم انساں کو
    پھر ساتھ جوڑا حوا اماں کو
    فردوس میں بنایا ان کے مکاں کو
    ان کا دشمن ملعون شیطان بنایا)

    حقدان‌ نزول‌ اولدي‌ موسي‌غا تورات‌
    انجيل‌ وصفين‌ عيسي‌ ايله‌دي‌ اثبات‌
    داود زبور اوقيپ‌، قيلدي‌ مناجات‌
    محمد شانيندا فرقان‌ ياراتدي

    (‌ترجمہ: حق نے نازل کی موسی کو تورات
    انجیل پڑھ کر عیسی نے کی وہ بات
    زبور پڑھ کر داود نے کی مناجات
    محمد کی شان میں آخر فرقان بنایا)

    بيرين‌ پست‌ ايله‌دي‌، بيري‌سين‌ بلند
    بيرين‌ فقير ايلاپ‌، بيرين‌ دولتمند
    بيرين‌ خوار ايله‌دي‌، بيرين‌ ارجمند
    بيرين‌ گدا، بيرين‌ سلط‌ان‌ ياراتدي‌

    (ترجمہ: یہاں کوئی پست ہوا کوئی بلند
    کوئی فقیر ہوا ہوا کوئی دولت مند
    کوئی خوار ہوا یہاں کوئی ارجمند
    کسی کو گدا , کسی کو سلطان بنایا)

    آوازه‌سي‌ دوشوپ‌ روم‌ و يمن‌گه‌
    مصر، شام‌ و هندوستان‌ و دكن‌گه‌
    چاوي‌ دوشوپ‌ ختاي‌ بيله‌ ختن‌گه‌
    بير اميري‌ صاحبقران‌ ياراتدي‌

    (ترجمہ: آواز پہنچی جس کی روم و یمن تک
    مصر سے شام , ہندوستان میں دکن تک
    اس کے قدم پہنچے ختائی سے ختن تک
    ایک امیر کو "صاحب قران" بنایا)

    قارا يردن‌ ياشيل‌ سبزه‌ گوگرديپ‌
    هر آغاچدان‌ دورلي‌ ميوه‌ چيقارديپ‌
    گون‌-گوندن‌ باغلارينگ‌ ميوه‌سي‌ آرتيپ‌
    گل‌ آچيليپ‌، باغ‌ و بستان‌ ياراتدي‌

    (ترجمہ: سوکھی زمین زندہ کی, سبزہ نکال کر
    لکڑی کے درخت سے میٹھا میوہ نکال کر
    ہر موسم میں قدرت کے جلوے دکھا کر
    پھول اگا کر صحرا کو بوستان بنایا)

    مختومقلي‌ آيدار، حقه‌ ستايش
    هر مشكل‌ ايشيمه‌ سن‌سينگ‌ گشايش‌
    گيجه‌-گونديزلرگه‌ بريپ‌ نمايش‌
    خورشيد ايله‌ ماه‌ تابان‌ یاراتدی

    (ترجمہ: "مخدومقلی" کرو حق کی ستائش
    رحمتوں کی دے گا تجھ پر گسائش
    رات دن دکھا کر آنکھوں کو نمائش
    خورشید کے ساتھ ماہ تابان بنایا)

    تحقیق و ترجمہ: رحمت اللہ ترکمن
     
    • پسندیدہ پسندیدہ × 5
  2. حسان خان

    حسان خان لائبریرین

    مراسلے:
    15,530
    جھنڈا:
    Pakistan
    موڈ:
    Bookworm
    'صاحب قِران' امیر تیمور کا لقب تھا، اور اِن بندوں میں شاید اُسی کی جانب اشارہ ہے۔
     
    آخری تدوین: ‏جون 27, 2018
    • پسندیدہ پسندیدہ × 1
  3. حسان خان

    حسان خان لائبریرین

    مراسلے:
    15,530
    جھنڈا:
    Pakistan
    موڈ:
    Bookworm
    اوغوز تُرکی لہجے کی مُعاصر شاخیں ہونے کے باعث آذربائجانی/اناطولیائی تُرکی اور تُرکمنی بِسیار قرابت رکھتی ہیں۔ آپ نے جو حضرتِ مخدوم‌قُلی فراغی کی مندرجۂ بالا نظم شریک کی ہے، اُس کو آذربائجان کا کوئی بھی شخص بغیر کسی مشکل کے سمجھ جائے گا۔ صرف چند ایک کلمات ایسے ہیں جو آذربائجانی/استانبولی تُرکی سے مختلف ہیں۔
    مُعاصر آذربائجانی/اناطولیائی تُرکی میں 'کہنے/بولنے' کے لیے اب 'آیتماق/آیېتماق' مصدر استعمال نہیں ہوتا، لیکن قدیم آذربائجانی/اناطولیائی تُرکی میں اور چغتائی تُرکی میں استعمال ہوتا رہا ہے۔ 'میں کہوں/کہتا ہوں' کے لیے 'آیدای' بھی مشرقی چغتائی محاورہ ہے۔
    یہ لفظ میں اوّل بار دیکھ رہا ہوں۔ اِس کا معنی بتا دیجیے۔ کیا آپ تُرکمنی لہجے میں قدم کے لیے 'آدېم' استعمال نہیں کرتے؟
     
    آخری تدوین: ‏جون 28, 2018
    • پسندیدہ پسندیدہ × 1
  4. رحمت الله ترکمن

    رحمت الله ترکمن محفلین

    مراسلے:
    17
    جھنڈا:
    Afghanistan
    موڈ:
    Cheerful
    آپ درست سمجھے. اس میں تیمور کی طرف اشارہ ہے
     
    • پسندیدہ پسندیدہ × 2
  5. رحمت الله ترکمن

    رحمت الله ترکمن محفلین

    مراسلے:
    17
    جھنڈا:
    Afghanistan
    موڈ:
    Cheerful
    "چاوی" لفظ ترکمنی زبان میں "شہرت" , "سایہ" مقبولیت" کے معنوں میں استعمال ہوتا ہے
    یہ اشعار میں نے دو سال قبل ترجمہ کیے تھے, اس وقت میں اس لفظ کے معانی سے آگاہ نہ تھا, اسلیے قدم کے الفاظ استعمال ہوئے.
    قدم کے لیے ہمارے یہاں عام طور پر "غدم" کے الفاظ استعمال ہوتے ہیں," آدیم" کا لفظ ترکی استنبولی لہجے میں تاحال مستعمل ہے..
     
    • پسندیدہ پسندیدہ × 2
  6. اریب آغا

    اریب آغا محفلین

    مراسلے:
    771
    جھنڈا:
    Pakistan
    موڈ:
    Bookworm
    حروفِ تہجی کے لحاظ سے استانبولی/آذربائیجانی ترکی اور اور ترکمانی ترکی میں کیا فرق ہے؟ کون سے ایسے حروف یا آوازیں ہیں جو ایک میں ہے اور دوسرے میں نہیں؟
     
  7. رحمت الله ترکمن

    رحمت الله ترکمن محفلین

    مراسلے:
    17
    جھنڈا:
    Afghanistan
    موڈ:
    Cheerful
    ترکی استانبولی اور ترکمانی میں اکثر الفاظ مشترک ہیں. چونکہ دونوں اوغوز ترک زبانیں ہیں. بعض الفاظ میں تلفظ کا فرق ہے , استانبولی ترکی جغرافیائی دوری ہونے کی وجہ سے لہجے میں ذرا مختلف ہے.
    یہی بات آزری ترکی میں بھی ہے. آزری زبان ترکمانی کے مشابہہ ہے .. تینوں زبانوں کے بولنے والے ایک دوسرے سے آسانی سے گفتگو کر سکتے ہیں اور ایک دوسرے کو سمجھنے میں دقت پیش نہیں آتی.. الفاظ مشترک ہیں, بولنے کے انداز میں فرق ہے.
     
    • پسندیدہ پسندیدہ × 2
  8. حسان خان

    حسان خان لائبریرین

    مراسلے:
    15,530
    جھنڈا:
    Pakistan
    موڈ:
    Bookworm
    جغرافیائی نزدیکی کے باعث تُرکمَنی پر چغتائی تُرکی کا بھی بِسیار اثر رہا ہے۔
     
    • پسندیدہ پسندیدہ × 1
  9. اریب آغا

    اریب آغا محفلین

    مراسلے:
    771
    جھنڈا:
    Pakistan
    موڈ:
    Bookworm
    کیا ترکمنی میں حرف "ف" موجود ہے؟
     
  10. رحمت الله ترکمن

    رحمت الله ترکمن محفلین

    مراسلے:
    17
    جھنڈا:
    Afghanistan
    موڈ:
    Cheerful
    ترکمنی میں "ف" حرف نہیں ہے.. اس کی جگہ "پ" مستعمل ہے
     
    • پسندیدہ پسندیدہ × 1
  11. حسان خان

    حسان خان لائبریرین

    مراسلے:
    15,530
    جھنڈا:
    Pakistan
    موڈ:
    Bookworm
    شُہرت کے مفہوم میں 'چاو' اناطولیائی/عُثمانی تُرکی میں بھی استعمال ہوا ہے:
    "اېراق یئرلره وارا آدې چاوې
    پلنگ و شیر و قاپلان اۏلا آوې"

    [خدا کرے کہ] اُس کا نام و شُہرت دُور جگہوں تک پہنچے!۔۔۔ [اور] تیندوا و شیر و چِیتا اُس کے ہاتھوں شِکار ہوں!

    Irak yerlere vara adı çavı
    Peleng ü şîr ü kaplan ola avı
     
    • پسندیدہ پسندیدہ × 1

اس صفحے کی تشہیر