بیت بازی

[شمشاد]

یہ اشکوں کی فراوانی سے دھندلائی ہوئی آنکھیں
تری رعنائیوں کی تمکنت کو بھول جائیں گی
(فیض احمد فیض)

 

[عمر سیف]

یہ رُوداد ہے اپنے سفر کی، اس آباد خرابے میں
دیکھو ہم نے کیسے بسر کی، اس آباد خرابے میں

 

[شمشاد]

نہ فکرِ سفر تھی، نہ پروائے منزل
گیا جو زمانہ گزر، یاد آیا!

سرور عالم راز سرور

 

[عمر سیف]

اتر گیا تن نازک سے پتیوں کا لباس
کسی کے ہاتھ نہ آئی مگر گلاب کی باس

 

[شمشاد]

سرور ہم ان کی فکر بھی کر لیں گے ایک دن
اپنی تلاش سے ہمیں فرصت اگر ملے

سرور عالم راز سرور

 

[عمر سیف]

یہ جو اِک مور سا میرے آنگن میں ہے
جب نہیں بولتا میں نہیں بولتی
میرے پاؤں سے دھرتی کھسکنے لگی
جب بھی ماں نے کہا میں نہیں بولتی

 

[شمشاد]

”یہ بزمِ دہر اور یہ ابنائے روزگار!“
ہوتا ہے کیا زمانے میں ایسا سبھی کے ساتھ؟

پہلا مصرعہ راز چاند پوری کا ہے جو سرور نے اپنے شعر میں استعمال کیا۔

 

[عمر سیف]

ہم اہلِ دل ہیں محبت کی نسبتوں کے امیں
ہمارے پاس زمینوں کا گوشوارہ نہیں

 

[شمشاد]

نظر نواز نظارے تمام وہم و خیال
نظر نواز نظاروں کی بات کون کرے؟

سرور

 

[فرحت کیانی]

یہ پھر سے کون انہی راستوں میں چھوڑ گیا
ابھی ابھی تو عذابِ سفر سے نکلے تھے!!!

 

[شمشاد]

یہ نہیں دیکھا کسی نے رنج و غم ہے کس لیے!
اہلِ دنیا صرف اندازِ فغاں دیکھا کیے!

سرور

 

[عمر سیف]

یوں پیار نہیں چھپتا، پلکوں کے جھکانے سے
آنکھوں کے لفافوں میں تحریر چمکتی ہے

 

[شمشاد]

یہ کوچے یہ نیلام گھر دلکشی کے
یہ لٹتے ہوئے کارواں زندگی کے
کہاں ہیں کہاں ہیں محافظ خودی کے
ثنا خوانِ تقدیسِ مشرق کہاں ہیں؟

ساحر لدھیانوی

 

[فرحت کیانی]

نہ گنواؤ ناوکِ نیم کش، دلِ ریزہ ریزہ گنوا دیا!!!!
جو بچے ہیں سنگ سمیٹ لو، تنِ داغ داغ لٹا دیا

فیض

 

[شمشاد]

ابھی نہ چھیڑ محبت کے گیت اے مطرب
ابھی حیات کا ماحول خوشگوار نہیں

ساحر لدھیانوی

 

[عمر سیف]

نہ جانے کس کی آمد ہے کہ تارے
دو رویہ مشعلیں لے کر کھڑے ہیں

 

[الف عین]

نہ جانے کب مری آنکھوں سے اشک چھن جائیں
بھروسہ اب نہیں کرتا ہے بھائ بھائ پر
مابدولت

 

[عمر سیف]

روشنی کے لیے دل جلانا پڑا
ایسی ظلمت بڑھی تیری جانے کے بعد

 

[سارہ خان]

دل اور وہ بھی ٹوٹا ہوا دل
اب زندگی ہے جینے کے قابل
(تسکین قریشی)

 

[الف عین]

لہو سے یوں کہو گے شعر کب تک
اٹھو دفتر کے دفتر ہو گئے ہیں
مابدولت