بیت بازی

[شمشاد]

رات کی رانی صحنِ چمن میں گیسو کھولے سوتی ہے
رات برات ادھر مت جانا اک ناگن بھی رہتی ہے
(بشیر بدر)

 

[عمر سیف]

یوں تو مرنے کے لیے زہر سبھی پیتے ہیں
زندگی تیرے لیے زہر پیا ہے میں نے

 

[شمشاد]

یوں بھی نہیں کہ میرے پاس ہے میرا وہ ہم نفس
یہ بھی غلط کہ مجھ سے جدا ہو گیا وہ شخص

 

[الف عین]

صبح ہوتی ہے شام ہوتی ہے
عمر یوں ہی تمام ہوتی ہے

 

[عمر سیف]

یونہی بےسبب نہ پھرا کرو، کوئی شام گھر میں رہا کرو
وہ غزل کی سچی کتاب ہے، اسے چپکے چپکے پڑھا کرو

 

[شمشاد]

وہ شب جس کی عادت بگاڑی تھی تم نے
وہ شب آج بستر پہ اوندھی پڑی رورہی ہے
(گلزار)

 

[عمر سیف]

یہ تیری توجہ کا اعجاز ہے کہ مجھ سے
ہر شخص تیرے شہر کا برہم ہے میری جاں

 

[شمشاد]

نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
(شکیل بدایونی)

 

[عمر سیف]

يہ آڑھي ترچھي لکيريں بنا گيا ہے کون
ميں کيا کہوں میرے دل کا ورق توسادہ تھا

 

[شمشاد]

اب عمر کی نقدی ختم ہوئی
اب ہم کو ادھار کی حاجت ہے
(ابن انشاء)

 

[امیداورمحبت]

یہی بہت ہے دل اس کو ڈھونڈ لایا ہے
کسی کے ساتھ سہی وہ نظر تو آیا ہے ۔ ۔



(امجد اسلام امجد)

 

[شمشاد]

یہ ادائے بے نیازی تجھے بے وفا مبارک
مگر ایسی بے رخی کیا کہ سلام تک نہ پہنچے
(شکیل بدایونی)

 

[امیداورمحبت]

یہ حقیقت ہے کہ احباب کو ہم
یاد ہی کب تھے ، جو اب یاد نہیں

(ناصر کاظمی)

 

[شمشاد]

نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
(شکیل بدایونی)

 

[الف عین]

یہی بہت ہے شکم پر ہے اور تن پہ لباس
ترے بغیر میں کچھ تام جھام کیا کرتا
مابدولت

 

[عمر سیف]

ابھی تو راکھ میں خاموش ہے وجود میرا
ذرا ہوا تو چلے پھر شرار دکھلاؤں

 

[qaral]

لکلنا خلد سے آدم کا سنتے آئے ہیں لیکن

بہت بے آبرو ہوکر ترے کوچے سے ہم نکلے

 

[عمر سیف]

قرال ن سے شعر لکھنا تھا۔

 

[عیشل]

نہ پوچھ عہد ِالفت کی،بس ایک خواب پریشاں تھا
نہ دل کو راہ پہ لائے،نہ دل کا مدعّا سمجھے

 

[شمشاد]

لکلنا خلد سے آدم کا سنتے آئے ہیں لیکن

بہت بے آبرو ہوکر ترے کوچے سے ہم نکلے

پہلا مصرعے ایسے ہے :

نکلنا خُلد سے آدم کا سنتے آئے تھے، لیکن