بیت بازی

[عمر سیف]

یہ اور بات منزلِ جاناں نہ مِل سکی
لیکن ہمارے ذوقِ طلب میں کمی نہ تھی

 

[عمر سیف]

شکریہ اصلاح کا۔ لکھے میں آگے پیچھے ہوجاتا ہے۔ درگزر کر دیا کریں۔

بھائی میں کون ہوتا ہوں اصلاح کرنے یا درگزر کرنے والا،

بات یہ ہے کہ شعر غلط لکھا ہو تو شعر پڑھنے کا سارا لطف غارت ہو جاتا ہے۔

بجا فرمایا۔ کوشش کروں گا کہ کم سے کم غلطی ہو۔

 

[شمشاد]

یہ موجِ نفس کیا ہے؟ تلوار ہے
خودی کیا ہے؟ تلوار کی دھار ہے

 

[توقیر]

یہ مانا ان کی تسکیں سے ٹھہرتا جارہا ہے دِل
مگر احساس کی لذّت بہت کم ہوتی جاتی ہے

 

[الف عین]

یاں سرِ پرشور بے خوابی سے تھا دیوار جو
واں وہ فرقِ ناز محوِ بالشِ کمخواب تھا

 

[عمر سیف]

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے تو بوجھ اتارا کرتے ہیں

 

[حجاب]

نہ میں پاس اُس کو بلا سکا
نہ میں دل کی بات سنا سکا
وہ ہنسی ہنسی میں ہی چل دیا
کہ میں ہاتھ تک نہ ہلا سکا۔

 

[شمشاد]

ناپید ترے بحرِ تخیل کے کنارے
پہنچیں گے فلک تک تری آہوں کے شرارے

 

[عمر سیف]

یہاں رہوں گا تو پھر تیرے تذکرے ہوں گے
اگر کہو تو تِرا شہر چھوڑ جاؤں ‌میں

 

[شمشاد]

وہی ہوا، میرے شعر دینے سے پہلے آپ کا شیر (شعر) آ گیا۔ اب میں “ الف “ سے لکھ دیتا ہوں۔

اے لااِلہ کے وارث باقی نہیں ہے تجھ میں
گفتارِ دلبرانہ، کردارِ قاہرانہ

 

[سیدہ شگفتہ]

ہوس و حرص کے پھیلے ہوئے پت جھڑ میں کہیں
آرزوؤں کے گُلستاں کو سُکڑ جانا ہے


شاعر : سید یٰسین قدرت

​

 

[شمشاد]

کیا رفتار ہے اس دھاگے کی۔ مجھے اس پر ایک لطیفہ یاد آ گیا۔

ایک بچہ کہنے لگا میرے والد اتنا تیز دوڑتے ہیں کہ بندوق سے گولی چلاتے ہیں اور اس کے نشانے پر پہنچنے سے پہلے خود پہنچ جاتے ہیں اور گولی کو پکڑ لیتے ہیں۔

دوسرا کہنے لگا یہ کیا رفتار ہوئی۔ میرے والد اتنا تیز دوڑتے ہیں کہ ان کو دفتر سے چار بجے چھٹی ہوتی ہے اور وہ ساڑھے تین بچے گھر ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب “ ن “ سے

نہ ہے ستارے کی گردش، نہ بازی افلاک
خودی کی موت ہے تیرا زوالِ نعمت و جاہ

 

[شمشاد]

یہ لیں آگے نہ پیچھے، اس دفعہ شگفتہ صاحبہ نے ڈنڈی مار دی۔

یہ دیرِ کہن کیا ہے؟ انبارِ خس و خاشاک
مشکل ہے گزر اس میں بے نالہ آتشناک

 

[عمر سیف]

۔
سب آگے پیچھے ہو رہا ہے۔ دو بار میں بھی پوسٹ کرتے کرتے رُک گیا ہوں۔

 

[عمر سیف]

کچا ہے گھروندا میرا، بادل بھی بضد ہے
لگتا ہے کوئی کام دیکھا کر ہی رہے گا۔

 

[شمشاد]

اک اضطراب مسلسل غیاب ہو، کہ حضور
میں خود کہوں تو مری داستاں دراز نہیں

 

[عمر سیف]

نظر جس طرف کر کے تم نگاہیں پھیر لیتے ہو
قیامت تک پھر اُس دل سے پریشانی نہیں جاتی

 

[شمشاد]

یہ مشتِ خاک، یہ صر صر، یہ وسعتِ افلاک
کرم ہے یا کہ ستم، تیری لذتِ ایجاد

 

[حجاب]

دل گرفتہ ہی سہی بزم سجا لی جائے
یادِ جاناں سے کوئی شام نہ خالی جائے
وہ مروت سے ملا ہے تو جھکا دوں گردن
میرے دشمن کا کوئی وار نہ خالی جائے

 

[شمشاد]

یہ علم، یہ حکمت، یہ تدبر، یہ حکومت
پیتے ہیں لہو، دیتے ہیں تعلیمِ مساوات