بیت بازی

[الف عین]

یاد ہیں مرحلے محبّت کے
ہائے اس بے کلی میں کیا کچھ تھا
ناصر کاظمی

 

[توقیر]

اب توان کی یاد سے بھی دل سکُوں پاتا نہیں
یہ تجھے کیا اے مری عُمرگریزاں ہوگیا

 

[عمر سیف]

اکثر ایسا ہو جاتا ہے
دھوپ کو سایہ ڈھو جاتا ہے
دھرتی روند کہ چلنے والا
ماٹی اندر سو جاتا ہے

 

[عبدالجبار]

یہی کافی ہے آپس کے بھرم نہ ٹوٹنے پائیں
کبھی بھی دوستوں‌کو آزما کر کچھ نہیں مِلتا​

 

[عمر سیف]

آپ کو دیکھ کر دیکھتا رہ گیا
کیا کہوں اور کہنے کو کیا رہ گیا

 

[الف عین]

آئے ہیں میر منھ کو بنائے خفا سے آج
شاید بگڑ گئی ہے کچھ اُس بے وفا سے آج

 

[عمر سیف]

جب بھی گھر کی چھت پر جائیں ناز دکھانے آجاتے ہیں
کیسے کیسے لوگ ہمارے جی کو جلانے آجاتے ہیں

 

[عبدالجبار]

جب بھی جھونکا کوئی خوشبو کا ادھر سے گزرا
یاد کیا کیا تِری قربت کے زمانے آئے​

 

[عمر سیف]

یہ ہیں خاموش اگر، اس کو غنیمت جانو
یونہی جذبات میں ہلچل نہیں ‌ڈھونڈا کرتے

فاخرہ بتول

 

[عبدالجبار]

یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے​

 

[عمر سیف]

یہ آسماں‌غلام ہے کس مہ جمال کا
پہنے پھرے ہے کان میں بالا ہلال کا

 

[عبدالجبار]

ابھی تو پاؤں کے نیچے زمیں معلوم ہوتی ہے
جہاں یہ ختم ہووے گی وہیں ہم گھر بنائیں گے​

 

[عمر سیف]

کل دیکھا ایک آدمی اٹا سفر کی دھول میں
گم تھا اپنے آپ میں، کہ جیسے خوشبو پھول میں۔

 

[عبدالجبار]

ناراض ہیں جو وہ تو منا لیں گے اُن کو ہم
بس ایک بار آنکھ ملانے کی بات ہے​

 

[توقیر]

یہ بھی سمجھ رہا ہوں کہ ہر جلوہ ہے فریب
لیکن بہ اعتبارِ نظر دیکھتا ہوں میں

 

[شمشاد]

یا حیرت فارابی، یا تاب و تبِ رومی
یا فکرِ حکیمانہ، یا جذبِ کلیمانہ

 

[الف عین]

ہوگا ستم و جور سے تیرے ہی کنایہ
وہ شخص جہاں شکوۂ ایام کریں گے
میر

 

[توقیر]

يہ عالم شوق کا ديکھا نہ جائے
وہ بت ہے يا خدا، ديکھا نہ جائے
يہ کن نظروں سے تو نے آج ديکھا
کہ تيرا ديکھنا، ديکھا نہ جائے

 

[حجاب]

یہ غم جو اس رات نے دیا ہے
وہ غم سحر کا یقیں بنا ہے
یقین جو غم سے کریم تر ہے
سحر جو شب سے عظیم تر ہے۔

 

[شمشاد]

یا عقل کی روباہی، یا عشقِ یدا للہی
یا حیلہء افرنگی، یا حملہ ترکانہ