بیت بازی سے لطف اٹھائیں

[فرخ منظور]

لے تو لوں سوتے میں اس کے پاؤں کا بوسہ مگر
ایسی باتوں سے وہ کافر بدگماں ہو جائے گا
(غالب)

 

[ماہم]

اب کے بار کٹ کر جو گرا زمين پر
چڑيوں کو بڑا پيار تھا اس بوڑھے شجر سے

 

[شمشاد]

یوں دیکھتے اُسے رہنا اچھا نہیں محسن
وہ کانچ کا پیکر ہے تو پتھر میری آنکھیں
(محسن نقوی)

 

[سارہ خان]

نجانے کتنے کنول کھل اٹھے خیالوں میں
میرے قریب سے ھو کر گذر گیا کوئی

 

[شمشاد]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں

 

[سارہ خان]

نہیں ملتے وہ اب تو کیا بات ہے
یہاں خود سے بھی کب ملاقات ہے

 

[زونی]

یارب زمانہ مجھ کو مٹاتا ھے کس لیے
لوحِ جہاں پہ حرفِ مکرر نہیں ہوں میں

 

[سارہ خان]

نگاہِ برق علاوہ مِرے نشیمن کے
چمن کی کسی اور شاخ پر نہیں ہوتی
استاد قمر جلالوی

 

[شمشاد]

یہ ایک پیڑ ہے، آ اس سے مل کر رو لیں ہم
یہاں سے تیرے میرے راستے بدلتے ہیں
(بشیر بدر)

 

[شعیب خالق]

نہ سر جھکائیں گے، تجھ کو بتائے دیتے ہیں
ھم اپنی کشتیاں ساری جلائے دیتے ہیں
شاعر نامعلوم

 

[شمشاد]

نہیں شکایتِ ہجراں کہ اس وسیلے سے
ہم اُن سے رشتۂ دل استوار کرتے رہے
(فیض)

 

[شعیب خالق]

یہی روایتِ ماضی ، یہی صلاح بھی ہے
قدم قدم پہ ہم آپس میں اتحاد کریں
جمیل عظیم آبادی

 

[شمشاد]

نہ آگے تمہیں پھر پکارے گا کوئی
صدا پہ ابھی اس کی رکنا پڑے گا

 

[شعیب خالق]

اثر مجھ کو یہ کس غم نے بنا رکھا ہے دیوانہ
پریشانی سے بچتا ھوں، پریشانی نہیں جاتی
عبدالجبار اثر

 

[شمشاد]

یاد اچھا ہوا کہ بھول گئی
جیتے جی جان کا وبال ہی تھی

 

[سارہ خان]

یقیں رکھتا نہیں ہوں میں کسی کچے تعلق پر
جو دھاگہ ٹوٹنے والا ہو اس کو توڑ دیتا ہوں

 

[شمشاد]

نہ پوچھ عالمِ برگشتہ طالعی آتش
برستی آگ، جو باراں کی آرزو کرتے
(خواجہ حیدر علی آتش)

 

[ماہم]

یہ اپنی ہی خوش گمانی تھی مگر
اُس سے رشتہ ہی نہیں تھا ٹوٹتا کیا

 

[شمشاد]

ماہم آپ اپنا تعارف تو کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج کچھ زخم نیا لہجہ بدل کر آئے
آج کچھ لوگ نئے مل گئے احباب کے ساتھ

 

[الف عین]

ہم کہاں کے دانا تھےکس ہنر میں یکتا تھے
بے سبب ہوا غالب دشمن آسماں اپنا