بیت بازی سے لطف اٹھائیں

[شمشاد]

نہیں امید کہ ہم آج کی سحر دیکھیں
یہ رات ہم پہ کڑی ہے ذرا ٹھہر جاؤ
(سیف الدین سیف)

 

[محمد وارث]

واں گیا بھی میں تو ان کی گالیوں کا کیا جواب
یاد تھیں جتنی دعائیں صرفِ درباں ہو گئیں


(غالب)

 

[شمشاد]

نکلے پاؤں تیرے حصار سے کیسے
دور رہ کر بھی جیسے تو بہت پاس ہے
(یاسمین منیر)

 

[عمر سیف]

یوں اجالوں سے واسطہ رکھنا
شمع کے پاس ہی ہوا رکھنا

 

[امیداورمحبت]

اسباب غم عشق بہم کرتے رہیں گے
ویرانی دوراں پہ کرم کرتے رہیں گے


(فیض)​

 

[سارہ خان]

یہی نہیں کہ زمانے میں آشنا نہ ملا
ستم تو یہ ہے کہ وفاؤں کا بھی صلہ نہ ملا

 

[امیداورمحبت]

اس شخص سے مل کر مجھے احساس ہوا ہے
جو پیڑ بڑے ہوتے ہیں سایہ نہیں کرتے
ارشد ملک ​

 

[عمر سیف]

یہ سانحہ میرے وہم و گمان میں بھی نہ تھا
چراغ تو سامنے والے مکان میں بھی نہ تھا

 

[امیداورمحبت]

اتنی شدت سے مجھے اس شخص نے مانگا ندیم
دشنی کے باوجود انکار کی صورت نہ تھی
(احمد ندیم قاسمی)​

 

[عمر سیف]

اُمید اجمد ہیں احمد۔ درست کر لیں۔

 

[عمر سیف]

یہی وفا کا صلہ ہے تو کوئی بات نہیں
یہ درد تم نے دیا ہے تو کوئی بات نہیں

 

[امیداورمحبت]

نہ جانے کون سا آسیب دل میں رہتا ہے
کہ جو بھی ٹھہرا آخر مکان چھوڑ گیا
پروین شاکر

 

[شمشاد]

اب اتنے دنوں بعد جو نکلا ہے تو سورج
لائے مری گم گشتہ بصارت بھی کہیں سے
(سید مبارک شاہ)

 

[محمد وارث]

یہ عناصر کا پرانا کھیل، یہ دنیائے دوں
ساکنانِ عرشِ اعظم کی تمنّاؤں کا خوں

اس کی بربادی پہ آج آمادہ ہے وہ کارساز
جس نے اس کا نام رکھا تھا جہانِ کاف و نوں

(اقبال)

 

[شمشاد]

نہ ٹھہری ٹک اک جان برلب رمیدہ
ہمیں مدعا گفتگو تھی کسو کی
(میر)

 

[عمر سیف]

یہ جو تم سے میں انجان بنا پھرتا ہوں
ساری بات اسی انجانے پن میں ہے

 

[شمشاد]

یہ پاؤں جانتے ہیں وقتِ ہجر کیسا ہے
قدم قدم کسی پتھر میں ڈھل گئی ہوں میں
(شبانہ یوسف)

 

[عمر سیف]

نہ تو خدا ہے نہ میرا عشق فرشتوں جیسا
دونوں انسان ہے تو کیوں اتنے حجابوں میں ملیں

 

[شمشاد]

ضبط پہلا مصرعہ یوں ہے :

تُو خدا ہے نہ میرا عشق فرشتوں جیسا

یہ احمد فراز کی غزل ہے۔

 

[شمشاد]

نہ آنکھ میں کوئی منظر نہ لب پہ کوئی صدا
اتار دل پہ کوئی اسم در نہیں کھلتے