بیت بازی سے لطف اٹھائیں

[شعیب خالق]

یہ سخن جو ہم نے رقم کئے، یہ ہیں سب ورق تری یاد کے
کوئی لمحہ صبح ِوصال کا کئی شام ِ ہجر کی مدتیں
فیض احمد فیض

 

[شمشاد]

نہیں کسی کو نہیں اپنے حال سے نسبت
نہیں شریک کوئی بھی صعوبتوں میں رہا
(نزہت عباسی)

 

[شعیب خالق]

اور کیا دیکھنے کو باقی ہے
آپ سے دل لگا کے دیکھ لیا
فیض احمد فیض

 

[شمشاد]

آمدِ شب کا یہ مطلب ہو گا
رام کچھ چہرے اجاگر ہو جائیں
(رام ریاض)

 

[شمشاد]

نہیں جب اذنِ سجدہ ہی تو یہ تسلیم کیونکر ہو
مرا سر تیرے سنگ ِدر کے قابل ہو نہیں سکتا
(سیّد نصیر الدین نصیر)

 

[فرخ منظور]

آج دیکھا ہے تجھ کو دیر کے بعد
آج کا دن گزر نہ جائے کہیں
(ناصر کاظمی)

 

[الف عین]

نیند اس سوچ سے ٹوٹی اکثر
کس طرح کٹتی ہیں راتیں اُس کی

پروین شاکر

 

[شمشاد]

یہ دستِ دعا اتنا بھی حیران نہیں تھا
شاید کہ اثر کا کوئی امکان نہیں تھا
(نزہت عباسی)

 

[فرخ منظور]

اثر اس پر ذرا نہیں ہوتا
رنج راحت فزا نہیں ہوتا
(مومن)

 

[شمشاد]

اپنے ہاتھوں سے دیں گے خود ہی کفن
خود ہی دل کو شہید کرنا ہے

 

[فرخ منظور]

یہ نہ تھی ہماری قسمت، کہ وصالِ یار ہوتا
اگر اور جیتے رہتے، یہی انتظار ہوتا

 

[سارہ خان]

اے تیز ہوا میرا دھواں دیکھ کے جانا
بجھ کر بھی نشانِ رہِ منزل تو رہوں گا

 

[شمشاد]

اسی سبب سے فلک کا گلہ نہیں کرتے
ترے فراق میں ہم دل بُرا نہیں کرتے
(فیض)

 

[سارہ خان]

یاد کر کے اور بھی تکلیف ہوتی تھی عدم
بھول جانے کے سِوا کوئی بھی تو چارہ نہ تھا

 

[الف عین]

اب یہ سوچا ہے کہ پتھر کے صنم پوجوں گا
تاکہ گھبراؤں تو ٹکرا بھی سکوں مر بھی سکوں

ساحر

 

[شمشاد]

نمازِ عشق بھلا وہ ادا بھی کرتے کیا
تمام عمر ہی گزری جنہیں وضو کرتے

 

[یونس رضا]

کھینچا ہے جب بھی طول وراثت کی جنگ نے
وارث بھی تخت پر نہ رہا، تخت بھی نہیں

 

[الف عین]

یونس رضا کی ی سے دینا تھا یونس۔۔ یہ کاف کہاں سے آ گیا؟؟

 

[یونس رضا]

یونس رضا کی ی سے دینا تھا یونس۔۔ یہ کاف کہاں سے آ گیا؟؟

اوہو معذرت دوست ۔۔۔۔

یہ پیاس سماعت کی
جاں لے کے ٹلے شاید

 

[شمشاد]

یونس بھائی آپ کو جرمانہ ادا کرنا ہو گا اور وہ یہ کہ ایک تو حرف ی سے شعر دیں اور بیت بازی کے اصولوں کے مطابق اس سے اگلا شعر بھی آپ ہی دیں۔