بیت بازی سے لطف اٹھائیں (5)

[شمشاد]

ہممم م وہ میں نے پسندیدہ اشعار میں پوسٹ کیا ہے اپنی طرف سے ۔۔۔ ۔۔۔ ۔۔۔

چلیں کوئی بات نہیں، اب حرف ن سے شعر دے دیں۔

 

[بےمروت]

چلیں کوئی بات نہیں، اب حرف ن سے شعر دے دیں۔

نہ ہواُن پہ میرا جو بس نہیں ، کہ یہ عاشقی ہے ہوس نہیں
میں اُنہی کا تھا میں اُنہی کا ہوں، وہ میرے نہیں تو نہیں سہی

 

[شمشاد]

یہ خود سے آگ میں جلنا ہے سوچ لو پیارے
میں شاعری کے طریقے تمہیں سکھا دوں گا
(احمد فواد)

 

[بےمروت]

اِس سمت سمیٹو تو بکھرتا ہے اُدھر سے
دُکھ دیتے ہوئے یار نے دامن نہیں دیکھا

(نامعلوم)

 

[ماہی احمد]

اس کی یاد کی باد صبا میں
اور تو کیا ھوتا ھو گا

یوں ھی میرے بال ہیں بکھرے
اور بکھر جاتے ھونگے

جون ایلیاء

 

[شمشاد]

اس کی یاد کی باد صبا میں
اور تو کیا ھوتا ھو گا

یوں ھی میرے بال ہیں بکھرے
اور بکھر جاتے ھونگے

جون ایلیاء

یہ ایک شعر ہے یا دو اشعار ہیں؟ آگے الف سے شعر دینا ہے یا ے سے؟

 

[شمشاد]

اب اس کے شہر میں‌ٹھہریں کہ کوچ کر جائیں
فراز، آؤ ستارے سفر کے دیکھتے ہیں‌‌
(فراز)

 

[ماہی احمد]

یہ ایک شعر ہے یا دو اشعار ہیں؟ آگے الف سے شعر دینا ہے یا ے سے؟

ایک شعر سے مکمل معانی نہیں دے پا رہا تھا تو دونوں لکھ دیے، آپ کو " ی" سے شعر کہنا ہے

 

[سید فصیح احمد]

ایک شعر سے مکمل معانی نہیں دے پا رہا تھا تو دونوں لکھ دیے، آپ کو " ی" سے شعر کہنا ہے

یہیں کہیں تِرا دُشمن چُھپا ہے، اے بانی
کوئی بہانہ بنا، بزمِ دوستاں سے نِکل

 

[ماہی احمد]

لا پھر اک بار وہی بادہ و جام اے ساقی
ہاتھ آجائے مجھے میرا مقام اے ساقی۔

 

[سید فصیح احمد]

لا پھر اک بار وہی بادہ و جام اے ساقی
ہاتھ آجائے مجھے میرا مقام اے ساقی۔

صاحب ! برائے مہربانی " ی" سے تھوڑا پرہیز کریں کیوں کہ " ی" پر میری فہرت بہت تنگ ہو جاتی ہے


یہ آنکھیں جامِ بادہ، یہ جوانی نشۂ صہبا
خُدا رکھّے تمہیں، تم بھی تو ہو تصویرِ میخانہ

 

[ماہی احمد]

ہے کچھ تو بات مومن جو چھا گئی خموشی
کس بُت کو دے دیا دل، کیوں بُت سے بن گئے ہو؟

خوش؟؟؟

 

[شمشاد]

وہ آئیں گے شب وعدہ، یقیں نہیں اے دل
چراغ گھی کے جلاؤں ، یہ ایسی شام نہیں
(داغ دہلوی)

 

[ماہی احمد]

نہ گنواؤ ناوک نیم کش، دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لٹا دیا

 

[شمشاد]

شکر ہے اس لڑی میں آئی تو سہی۔
-------------------------------------------------

اُس نے کرنوں کے بہانے دی تمازت دھوپ کی
دے رہا ہے وہ سزا، دیکھو جزا کے نام پر
(رخسانہ نور)

 

[ماہی احمد]

بور ہو رہی تھی اس لئیے ادھر آگئی
۔۔۔۔۔۔۔۔۔۔۔۔۔۔۔۔۔۔۔۔۔۔۔
رات پھیلی ہے تیرے ، سرمئی آنچل کی طرح
چاند نکلا ہے تجھے ڈھونڈنے ، پاگل کی طرح

 

[شمشاد]

بہت اچھا کیا۔ بلکہ ادھر ہی رہا کرو۔
---------------------------------------------------------------

حال نہیں کچھ کھلتا میرا کون ہوں کیا ہوں کیسا ہوں
مست ہوں یا ہشیار میں ہوں ناداں ہوں یا دانا ہوں
(بہادر شاہ ظفر)

 

[ماہی احمد]

نظر یوں بھی کرتا ہے کوئی محبت
نہ کوئی سلیقہ __ نہ کوئی قرینہ

 

[شمشاد]

ہیں محبت کے نقیب اقبال و خوشحال و لطیف
ان کا فیضِ بیکراں تیرا بھی ہے میرا بھی ہے
(راغب مراد آبادی)

 

[ماہی احمد]

یہ کیا _ کہ ایک طور سے گزرے تمام عُمر
جی چاہتا ہے اب کوئی تیرے سوا بھی ہو