بیت بازی سے لطف اٹھائیں (5)

[سیما علی]

چند کلیاں نشاط کی چن کر
مدتوں محوِ یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

 

[سیما علی]

حق بات کو لیکن میں چھپا کر نہیں رکھتا
تو ہے، تجھے جو کچھ نظر آتا ہے، نہیں ہے!

 

[سیما علی]

خط میں لکھے ہوئے رنجش کے کلام آتے ہیں
کس قیامت کے یہ نامے، مرے نام آتے ہیں

 

[سیما علی]

دل ہے کہ جلتے سینے میں اک درد کا پھوڑا الہڑ سا
نہ گپت رہے نا پھوٹ بہے کوئی مرہم کوئی نشتر ہو

 

[شمشاد]

وہ موڑ جس نے ہمیں اجنبی بنا ڈالا
اس ایک موڑ پہ دل اب بھی گنگناتا ہے
سردار انجم

 

[سیما علی]

یار کو ہم نے جا بجا دیکھا
کہیں ظاہر کہیں چھپا دیکھا

 

[سیما علی]

انہیں پتھروں پہ چل کر اگر آ سکو تو آؤ
مرے گھر کے راستے میں کوئی کہکشاں نہیں ہے

 

[شمشاد]

اڑتے اڑتے آس کا پنچھی دور اُفق میں ڈوب گیا
روتے روتے بیٹھ گئی آواز کسی سودائی کی
(قتیل شفائی)

 

[سیما علی]

یہ بھی دیکھا ہے کہ جب آ جائے غیرت کا مقام
اپنی سولی اپنے کاندھے پر اٹھا لیتے ہیں لوگ
قتیل شفائی

 

[سیما علی]

گواہ چاہ رہے تھے وہ بے گُناہی کا!
زباں سے کہہ نہ سکا کچُھ ، خُدا گواہ کے بعد
کرشن بہاری نُورؔ لکھنوی

 

[سیما علی]

دیکھا کئے وہ مست نگاہوں سے بار بار
جب تک شراب آئے کئ دور ہو گئے
شاد عظیم آبادی

 

[سیما علی]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے
(شاد عظیم آبادی)

 

[سیما علی]

یہ کیا قیامت ہے باغبانوں کے جن کی خاطر بہار آئی
وہی شگوفے کھٹک رہے ہیں تمھاری آنکھوں میں خار بن کر
ساغر صدیقی

 

[گُلِ یاسمیں]

رہا گردشوں میں ہر دم میرے عشق کا ستارا
کبھی ڈگمگائی کشتی،کبھی کھو گیا کنارا

 

[گُلِ یاسمیں]

آ یہیں ، عمر پسِ عمر گزاری جائے
جان سو بار اسی خاک پہ واری جائے

 

[گُلِ یاسمیں]

یہ کہر کا ہجوم درِ دل پہ تابہ کے
بامِ یقیں سے ایک نظر اس پہ ڈالیے

 

[گُلِ یاسمیں]

یہ بھی ہے کارِ نسیمِ سحری
پتّی پتّی کو جدا کر جانا
اپنے حق میں وہی تلوار بنا
جسے اک پھول سا پیکر جانا

 

[گُلِ یاسمیں]

اے روشنی کی لہر کبھی تو پلٹ کے آ
تجھ کو بلا رہا ہے دریچہ کھلا ہوا

 

[شمشاد]

آنسو فلک کی آنکھ سے ٹپکے تمام رات
اور صبح تک زمین کا آنچل بھگو گئے
ظہیر احمد ظہیر

 

[گُلِ یاسمیں]

یادِ ماضی عذاب ہے یا رب
چھین لے مجھ سے حافظہ میرا