بیت بازی سے لطف اٹھائیں (5)

[مومن فرحین]

یوں تو اپنوں سا کچھ نہیں اس میں
پھر بھی غیروں سے وہ الگ سا ہے

 

[شمشاد]

یہ بھی نیا ستم ہے حنا تو لگائیں غیر
اور اس کی داد چاہیں وہ مجھ کو دکھا کے ہاتھ
نظام رامپوری

 

[مومن فرحین]

ہونٹ ہو سکتے ہیں لہجہ تو نہیں ہو سکتا
کوئی بالکل تیرے جیسا تو نہیں ہو سکتا

 

[شمشاد]

آپ کا لہجہ شہد جیسا ترنم خیز ہے
خامشی اب توڑیئے اور بولئے میرے لیے
(اندرا ورما)

 

[امامہ ارشاد]

یہ کہتا ہے بدلے ہوئے موسم کا اشارہ
یہ زندگی ہو جائے گی اپنی بھی سبوتاژ

 

[شمشاد]

امامہ آپ نے تو حرف ژ پر شعر ختم کیا ہے اور آجتک کسی شاعر نے حرف ژ سے شعر نہیں کہا۔

 

[شمشاد]

حرف "ژ" سے تو شعر ملنے سے رہا، لہٰذا حرف "ر" سے دے رہا ہوں۔

راستے اور تواضع میں ہے ربط قلبی
جس طرح لام الف میں ہے الف لام میں ہے
امیر مینائی

 

[ظفری]

 

[شمشاد]

اُڑتے اُڑتے آس کا پنچھی دور اُفق میں ڈوب گیا
روتے روتے بیٹھ گئی آواز کس سودائی کی
(قتیل شفائی)

-----------------------------------------
پسِ تحریر - لگتا ہے اختتام ہفتہ کا بھرپور فائدہ اٹھایا جا رہا ہے۔

 

[مومن فرحین]

یہ کہانی کسی اک موڑ پہ رک جاتی تھی
تو ہوا شامل قصہ تو مکمل ہوئے ہم

 

[شمشاد]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
(مرزا غالب)

 

[عطاء اللہ جیلانی]

یوں تو دِن دھاڑے بھی ، لوگ لُوٹ لیتے ھیں
لیکن اُن نگاھوں کی ، اور ھی سیاست تھی

”امجد اسلام امجد“

 

[شمشاد]

یہ بھی سچ ہے کہ ہر زخم ملا ہے ان سے
اور وہی چپکے سے مرہم بھی لگانے آئے
(آشا پربھات)

 

[عطاء اللہ جیلانی]

یہ جو غربت میں اداسی کا سبب ہے, مت پوچھ
مجھ سے چهوٹا بھی ،مجھے چار سنا لیتا ہے

منیر انجم منیر

 

[مومن فرحین]

یہ جو رنگین تبسم کی ادا ہے مجھ میں
مجھ کو لگتا ہے کوئی میرے سوا ہے مجھ میں

 

[عطاء اللہ جیلانی]

نہ آئے تجھ کو نظر تو مگر اداس نہ ہو
تلاش کر وہ یہیں تیرے آس پاس نہ ہو

نصیر کھیل نہیں ہے شعورِ ذات و صفات
خدا شناس کہاں وہ, جو خود شناس نہ ہو

نصیر الدین

 

[مومن فرحین]

وہ دل نواز ہے لیکن نظر شناس نہیں
مرا علاج میرے چارہ گر کر پاس نہیں

ناصر کاظمی

 

[عطاء اللہ جیلانی]

نہ مزاج فیض پوچھو، کچھ عجیب کیفیت ہے
ابھی ہنس رہا تھا پاگل، ابھی رو دیا بیچارہ

فیض احمد فیض

 

[مومن فرحین]

آج تو بے سبب اداس ہے جی
عشق ہوتا تو کوئی بات بھی تھی

ناصر کاظمی

 

[شمشاد]

تمہیں تو حرف ہ سے شعر دینا تھا۔