بیت بازی سے لطف اٹھائیں (3)

[شمشاد]

وہ جو بیچتے تھے دوائے دل
وہ دکان اپنی بڑھا گئے

 

[مہ جبین]

یہاں کسی کو کوئی حسب آرزو نہ ملا
کسی کو ہم نہ ملے اور ہم کو تو نہ ملا

 

[شمشاد]

ایک دنیا منتظر تھی انقلابِ دہر کی
ایک ہم ہی تھے، تری انگڑائیاں دیکھا کیے!
(سرور عالم راز)

 

[مہ جبین]

یہ کیا کم ہے شب گلستاں میں کٹی
بلا سے جو کانٹوں پہ سونا پڑا
حزیں صدیقی

 

[شمشاد]

اُدھر تھی لرزشِ صہبا، اِدھر خرامِ نگار
نرالی بحث چھڑی تھی، نیا مقابلہ تھا
(جوش ملیح آبادی)

 

[امین عاصم]

اگر سمیٹ نہ لوں ان کو میں اپنے دامن میں
کہاں کہاں نہ تری آنکھ کے شرر جائیں
(امین عاصم )

 

[شمشاد]

نگاہِ شرمگیں ہے اور تو ہے
بیانِ آرزو ہے اور میں ہوں
(سرور عالم راز)

 

[نسرین فاطمہ]

جب تک بکے نہ تھے کوئی پوچھتا نہ تھا
تو نے خرید کر مجھے انمول کردیا

 

[محمد بلال اعظم]

عادت ہی بنا لی تم نے تو منیر اپنی
جس شہر میں بھی رہنا اکتائے ہوئے رہنا

 

[میاں چاند]

کمال کا شخص تھا جس نے زندگی تباہ کر دی
راز کی بات ہے دل اس سے خفا اب بھی نہیں

 

[شمشاد]

خواتین و حضرات یہ شعر و شاعری کا نہیں بیت بازی کا دھاگہ ہے لہذا بیت بازی کے اصولوں کو مد نظر رکھیں۔

 

[مہ جبین]

نگار خانہء ہستی کا ہائے وہ منظر۔۔۔۔۔۔۔!
جب آئنوں میں کوئی عکس جلوہ گر نہ رہے

 

[محمد بلال اعظم]

یہ محبت بھی ہے کیا روگ فراز
جس کو بھولے وہ سدا یاد آیا

 

[مہ جبین]

اک شئے ہے نظر والوں توفیق نظارہ بھی !!!
تم ڈھونڈنے والوں میں، ہم دیکھنے والوں میں

 

[شمشاد]

نگاہ، یار کی یوں اُٹھ رہی تھی جُھک جُھک کر
زمین رقص میں تھی، آسماں پہ زلزلہ تھا
(جوش)

 

[مہ جبین]

اپنے گھر سے چل پڑنا محفلوں کی حسرت میں
راستوں میں رہ جانا منزلوں کی حسرت میں
منیر نیازی

 

[شمشاد]

جوش کی اسی غزل کا ایک اور شعر ہے :

نجانے رات کو کیا میکدے میں مشغلہ تھا
کہ ہر نفس میں قیامت کا جوش و ولولہ تھا

 

[مہ جبین]

اسکی بے وفائی بھی مستقل نہیں ہوتی۔۔۔۔!
دل سدا وہ رکھتا ہےدو، رخوں کی حسرت میں
منیر نیازی

 

[محمد بلال اعظم]

نا مرادی کا یہ عالم ہے کہ اب یاد نہیں
تُو بھی شامل تھا کبھی میری تمناؤں میں
(احمد فراز)

 

[شمشاد]

نا مرادی کا یہ عالم ہے کہ اب یاد نہیں
تُو بھی شامل تھا کبھی میری تمناؤں میں
(احمد فراز)

ناقابلِ بیاں ہوئے کیوں اس کے خد و خال
یہ مسئلہ ہے دیدہ وروں پر بنا ہوا
(منصور آفاق)