بھارتی لڑکی کے پیوند شدہ بازوؤں میں انوکھی تبدیلی، ڈاکٹر حیران

محمداحمد نے 'سائنس اور ٹیکنالوجی' کی ذیل میں اس موضوع کا آغاز کیا، ‏مارچ 11, 2020

  1. محمداحمد

    محمداحمد لائبریرین

    مراسلے:
    22,391
    جھنڈا:
    Pakistan
    موڈ:
    Amazed
    بھارتی لڑکی کے پیوند شدہ بازوؤں میں انوکھی تبدیلی، ڈاکٹر حیران

    پونا:
    بھارت میں اپنی نوعیت کا ایک عجیب و غریب واقعہ رونما ہوا جس میں دونوں بازوؤں کے پیوند لگائے جانے کے بعد دھیرے دھیرے ہاتھوں کا رنگ بدلنے لگا اور دونوں بازو عطیہ پانے والے لڑکی کی جلد کی رنگت اختیار کرگئے۔

    21 شریا سداناگوڈر 2016ء میں ایک بس حادثے کی شکار ہوئی تھی جس میں ان کے دونوں بازو ناکارہ ہوگئے۔ ڈاکٹروں نے ہاتھ کاٹنے کا مشورہ دیا تھا جس پر عمل کیا گیا۔ وہ بازو کے عطیے کے لیے ایک ادارے بھی گئیں جہاں خوش قسمتی سے اسی روز ایک شخص کے عطیہ کردہ بازو کا انتظام ہوگیا جبکہ 200 افراد اس کے منتظر تھے۔ اس کی وجہ یہ تھی کہ عطیہ کردہ بازو اور ہاتھ عین ان کی جسمانی ساخت کے مطابق تھے۔



    اسی دن شریا کا آپریشن کیا گیا جس میں 20 سرجن، ڈاکٹر اور ماہرین شریک ہوئے اور یہ آپریشن 13 گھنٹے تک جاری رہا۔ پہلے اس کی ہڈیاں جوڑی گئیں، پھر بڑی رگیں، پھر باریک نسیں اور آخر میں پٹھے اور گوشت کے ٹکڑے جوڑے گئے۔

    آپریشن مکمل طور پر کامیاب رہا لیکن انہیں چھ ماہ تک کوچی کے اسی ہسپتال میں رہنا پڑا جہاں انہیں دن رات فزیو تھراپی کے عمل سے گزارا گیا۔ اس دوران بعض اعصاب دوبارہ بنے اور وہ دھیرے دھیرے ہاتھ اٹھانے لگیں۔

    [​IMG]

    شروع میں انہیں بازو اٹھانے میں دقت ہوئی کیونکہ وہ انہیں بھاری لگ رہے تھے۔ ہاتھوں میں نئے اعصاب اگنے سے ان کی بے چینی اور سنسناہٹ بڑھنے لگی جسے برداشت کیا گیا لیکن ڈاکٹر یہ دیکھ کر حیران رہ گئے کہ ان کے پیوند شدہ بازوؤں کی رنگت بھی تبدیل ہونے لگی۔

    شریا کے بازو ایک 20 سالہ لڑکے سے حاصل کیے گئے جو موٹرسائیکل حادثے کے بعد دماغی طور پر مردہ ہوچکا تھا اور اس کے خاندان نے اس کے بازو اور دیگر اعضا عطیہ کردیئے تھے۔

    [​IMG]

    ڈاکٹروں نے یہ بھی نوٹ کیا کہ دبلی پتلی شریا پر مرد کے بازو لگائے گئے تھے جو نہ صرف اپنی رنگت بدلنے لگے بلکہ ان کا بھاری پن کم ہونا شروع ہوا اور ہاتھوں کی اضافی چربی گھل گھل کر ختم ہونے لگی۔

    چار ماہ بعد ہاتھوں کی انگلیاں پتلی اور مخروطی ہونے لگیں جیسا کہ خواتین میں عام ہوتی ہیں۔ شریا کی والدہ نے بتایا کہ ان کی بیٹی کے عطیہ کردہ ہاتھ کی کلائیوں میں بھی نمایاں کمی واقع ہوئی ہے۔



    واضح رہے کہ شریا کے بازو شروع میں گہری رنگت کے تھے جن کا رنگ بدلا اور وہ عین لڑکی کی جسمانی رنگت میں ڈھل گئے۔ اس عمل کو دیکھ کر خود ڈاکٹر بھی حیران ہیں۔ ممبئی میں جلد کے ماہر ڈاکٹر اودے کھوپکر کہتے ہیں کہ یہ ایک نایاب واقعہ ہے جس پر تحقیق کی ضرورت ہے۔

    بعض ماہرین نے کہا ہے کہ شاید شریا کے نسائی ہارمون کی وجہ سے مردانہ بازو کے جلد کی رنگت بدلی ہے تاہم ہاتھوں کی منتقلی کا یہ اپنی نوعیت کا پہلا واقعہ ہے جس میں مرد کے بازو کسی خاتون میں پیوند کیے گئے ہیں۔

    ایکسپریس نیوز
     
    • پسندیدہ پسندیدہ × 4
    • معلوماتی معلوماتی × 4
    • زبردست زبردست × 2
  2. میم الف

    میم الف محفلین

    مراسلے:
    296
    جھنڈا:
    Pakistan
    موڈ:
    Fine
  3. جاسمن

    جاسمن مدیر

    مراسلے:
    14,425
    جھنڈا:
    Pakistan
    موڈ:
    Fine
    زبردست!
    سبحان اللہ۔
    اور سب تعریفیں صرف اللہ کے لیے ہیں ۔
    اللہ سب معزوروں کے مسائل حل کرے۔ انھیں خوشیاں اور آسانیاں عطا فرمائے. آمین!
     
    • متفق متفق × 2
    • پسندیدہ پسندیدہ × 1
  4. ایم اے

    ایم اے معطل

    مراسلے:
    173
    یہ ایک انتہائی دلچسپ واقعہ ہے۔ اس سے میڈیکل اور بائیو کے کئی مسائل کو سمجھنے میں مدد ملے گی۔
     
    • پسندیدہ پسندیدہ × 1
  5. محمداحمد

    محمداحمد لائبریرین

    مراسلے:
    22,391
    جھنڈا:
    Pakistan
    موڈ:
    Amazed
    آمین یا رب العالمین!
     
    • متفق متفق × 1
  6. محمداحمد

    محمداحمد لائبریرین

    مراسلے:
    22,391
    جھنڈا:
    Pakistan
    موڈ:
    Amazed
    بلاشبہ!

    سائنس کی یہ ترقی قابلِ دید ہے اور لائقِ صد ستائش ہے۔
     
    • متفق متفق × 2
    • پسندیدہ پسندیدہ × 1
  7. ایس ایس ساگر

    ایس ایس ساگر لائبریرین

    مراسلے:
    294
    جھنڈا:
    Pakistan
    موڈ:
    Cheerful
    بے شک یہ خدا کی کھلی نشانیاں ہیں ان لوگوں کے لیے جو عقل رکھتے ہیں۔
     
    • پسندیدہ پسندیدہ × 1
    • متفق متفق × 1
  8. زیک

    زیک محفلین

    مراسلے:
    38,733
    جھنڈا:
    UnitedStates
    موڈ:
    Bookworm
  9. جاسم محمد

    جاسم محمد محفلین

    مراسلے:
    23,842
    کیوں کیا یہ ٹرانسپلانٹ طبی سائنس میں ممکن نہیں ہے؟
     
  10. خالد محمود چوہدری

    خالد محمود چوہدری محفلین

    مراسلے:
    12,747
    جھنڈا:
    Pakistan
    موڈ:
    Festive
    اللہ ھوالعظیم
     
    • پسندیدہ پسندیدہ × 1
  11. محمداحمد

    محمداحمد لائبریرین

    مراسلے:
    22,391
    جھنڈا:
    Pakistan
    موڈ:
    Amazed
    اگر منطقی استدلال آپ کو طمانیت بخشتا ہے اور فیشل کرانے کے تین دن بعد آپ پھر سے ویسے کے ویسے ہو جاتے ہیں تو یہ لڑی آپ کے لئے ہی ہے۔ :)
     
    • پر مزاح پر مزاح × 1

اس صفحے کی تشہیر