بغرض اصلاح : جان پدر حمدان کے نام :

[فاخر]

جان پدر بیٹے

حمدان

کے نام :
فاخرؔ
اک تازہ کنول تم ہو اک بادِ صبا تم ہو
ماں باپ کی خاطر تم آنکھوں کی جلا تم ہو

ہر آہ سحر گاہی ، مانگا تھا تمہیں رب سے
مقبول دعا تم ہو ، آہوں کا صلہ تم ہو

اک تیرے تبسم سے، ہے شاد جہاں میرا
ہر رنج کے تم شافی، ہر غم کی شفا تم ہو

روشن ہے فلک جس کی، تابانئ عارض سے
وہ نور تجلی ہو ، مرہون ضیاء تم ہو

فاخرؔ کو ملے جس سے، اعجاز سخن گوئی
بخشیدہ ربانی ، بخشش ہو عطا تم ہو

 

[محمد خلیل الرحمٰن]

ہر آہ سحر گاہی ، مانگا تھا تجھے رب سے
مقبول دعا تم ہو ، آہوں کا صلہ تم ہو

اک تیرے تبسم سے، ہے شاد جہاں میرا
ہر رنج کے تم شافی، ہر غم کی شفا تم ہو

مندرجہ بالا دونوں اشعار میں شُتر گُربہ ہے۔

 

[الف عین]

اک تازہ کنول تم ہو اک بادِ صبا تم ہو
ماں باپ کی خاطر تم آنکھوں کی جلا تم ہو
.. دوسرا مصرع بے معنی ہو گیا

ہر آہ سحر گاہی ، مانگا تھا تمہیں رب سے
مقبول دعا تم ہو ، آہوں کا صلہ تم ہو
... شتر گربہ.. کہا جا چکا ہے

اک تیرے تبسم سے، ہے شاد جہاں میرا
ہر رنج کے تم شافی، ہر غم کی شفا تم ہو[IMG]
.. ایضاً

روشن ہے فلک جس کی، تابانئ عارض سے
وہ نور تجلی ہو ، مرہون ضیاء تم ہو [IMG]
... مرہون؟ یہ تو الٹی بات ہو گئی!

فاخرؔ کو ملے جس سے، اعجاز سخن گوئی
بخشیدہ ربانی ، بخشش ہو عطا تم ہو
.. فاخر کو ملا جس سے.... شاید بہتر ہو
بخشیدہ ربانی غلط ترکیب ہے
تحفہ ہو مرے رب کا... ہوسکتا ہے