بس

[بلال]

شمشاد صاحب
وہ شعر یہاں پوسٹ نہیں‌کرنا تھا کیونکہ اس میں "بس" والے شعر لکھنے تھے لیکن میں‌غلطی سے کوئی اور شعر لکھ گیا تھا اس لئے حذف کر دی

 

[شمشاد]

تو چلیں اب لکھ دیں ایسا شعر جس میں لفظ " بس " آتا ہو۔

 

[نوید صادق]

بس کہ دشوار ہے ہر کام کا آساں ہونا
آدمی کو بھی میسر نہیں انساں ہونا

 

[شمشاد]

بہت سعی کریے تو مر رہیے میر
بس اپنا تو اتنا ہی مقدور ہے

 

[نوید صادق]

راہِ طلب میں بس مرا ایک قدم غلط اٹھا
پھر تو تمام راستہ راہِ ملال ہوگیا

شاعر: منظور ہاشمی

 

[شمشاد]

مقامِ عشق کی عظمت ہے ضبطِ غم سرور
اور ایک تم ہو کہ بس شامِ غم کی باتیں ہیں

 

[زھرا علوی]

قفس بھی توڑ کے آتے تیرے اشارے پر
ہمارے بس میں نہیں تھے مگر ہمارے پر
متاع ہجر گنوا دیں مگر یہ سوچتے ہیں
پھر اس کے بعد جیئں گے تو کس سہارے پر

حسنین محسن

 

[محمداحمد]

بس یہی سوچ کہ تم سے نظر ملا لی ہے
نئے زخموں کے لئے دل میں جگہ خالی ہے

 

[راجہ صاحب]

سینہ دل حسرتوں سے چھا گیا
بس ہجوم یاس جی گھبرا گیا

 

[شمشاد]

محبت میں تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا
(سید نصیر الدین نصیر)

 

[ہما]

بس اب تو دامنِ دل چھوڑ دو بے کار اُمیدو!
بُہت دکھ سہہ لیا میں نے بُہت دن جی لیا میں نے ​

 

[راجہ صاحب]

پیار پر بس تو نہیں ہے مرا لیکن پھر بھی
تو بتا دے کہ تجھے پیار کروں یا نہ کروں
تو نے خود اپنے تبسم سے جگایا ہے جنہیں
ان تمناؤں کا اظہار کروں یا نہ کروں

 

[شمشاد]

کیا خوب! تم نے غیر کو بوسہ نہیں دیا
بس چپ رہو ہمارے بھی منہ میں زبان ہے
(چچا)

 

[راجہ صاحب]

محبت آزمانی ہو تو بس اتنا ہی کافی ہے
ذرا سا روٹھ کر دیکھو منانے کون آتا ہے

نامعلوم

 

[شمشاد]

امید کیا ہے بس اک پیش و پس ہے کچھ بھی نہیں
میری حیات کی غمگینیوں کاغم نہ کرو
(ساحر لدھیانوی)

 

[راجہ صاحب]

مرے بس میں یا تو یا رب، وہ ستم شعار ہوتا
یہ نہ تھا تو کاش دل پر مجھے اختیار ہوتا

امیر مینائی

 

[شمشاد]

ہر سوچ میں وہ میری کچھ ایسے بس گیا ہے
ہر فعل میرا اس سے موسوم ہو چکا ہے
(عتیق الرحمن صفی)

 

[راجہ صاحب]

مجھ تک پہنچا غم کا ہر دریا پلٹ گیا
شانے پہ میرے ہاتھ تمھارا تھا اور بس

شبنم رحمن

 

[شمشاد]

اس جان حیا کا بس نہیں کچھ، بے بس ہے پرائے بس میں ہے
بے درد دلوں کو کیا ہے خبر، جو پیار یہاں آپس میں ہے
(اختر شیرانی)

 

[تانیہ]

بس یہ ہوا کہ اس نے تکلف سے بات کی
اور ہم نے روتے روتے دوپٹےبھگو دیئے
(پروین شاکر)