برائے اصلاح و تنقید (غزل 35)

[امان زرگر]

وہ نگاہیں بھی فسوں سے آگے
حالِ دل میرا جنوں سے آگے

نسبتِ سود و زیاں الفت میں
اب خرد لائے جنوں سے آگے

اس پہ خاموش زبانِ خلقت
رازِ ہستی فیکوں سے آگے

اک تماشا ہے پسِ لہرِ حیات
اک طلاطم ہے سکوں سے آگے
(اک طلاطم ہے پسِ لہرِ حیات
اک تماشا ہے سکوں سے آگے)

رقصِ بسمل ہی سرِ محفل اب
نغمۂِ سوزِ دروں سے آگے
یا
سوزِ الفت میں یہ رقصِ بسمل
نغمۂِ سوزِ دروں سے آگے

سر الف عین
سر محمد ریحان قریشی
​

 

[محمد ریحان قریشی]

رقصِ بسمل رہا سرِ محفل

بحر تبدیل ہوگئی ہے یہاں، اس کی تقطیع یوں ہو رہی ہے: فاعلاتن مفاعلن فعلن

 

[امان زرگر]

بحر تبدیل ہوگئی ہے یہاں، اس کی تقطیع یوں ہو رہی ہے: فاعلاتن مفاعلن فعلن

سر رے محفل(سرِمحفل) تقطیع ہو رہا ہے عروض میں۔

 

[امان زرگر]

بحر تبدیل ہوگئی ہے یہاں، اس کی تقطیع یوں ہو رہی ہے: فاعلاتن مفاعلن فعلن

معذرت۔۔۔۔
معرب سَرِ مَحْفِل
کوڈ -===
رکن مفاعیلن
آپ نے درست فرمایا۔

 

[امان زرگر]

بحر تبدیل ہوگئی ہے یہاں، اس کی تقطیع یوں ہو رہی ہے: فاعلاتن مفاعلن فعلن

رقصِ بسمل ہی سرِ محفل اب
نغمۂِ سوزِ دروں سے آگے
یا
سوزِ الفت میں یہ رقصِ بسمل
نغمۂِ سوزِ دروں سے آگے

 

[الف عین]

یہ تو میری عقل و خرد سے آگے ہے۔ اس لیے کچھ نہیں کہہ سکتا۔عروضی غلطی تو اب کوئی نہیں رہی۔

 

[طاہر راجپوت ملتان]

بہت ہی عممدہ قابل ستائش

 

[امان زرگر]

تو کیا درست تصور کر لیا جائے۔۔۔۔۔

وہ نگاہیں بھی فسوں سے آگے
حالِ دل میرا جنوں سے آگے

نسبتِ سود و زیاں الفت میں
اب خرد لائے جنوں سے آگے

اس پہ خاموش زبانِ خلقت
رازِ ہستی فیکوں سے آگے

اک طلاطم سا پسِ لہرِ حیات
اک تماشا ہے سکوں سے آگے

سوزِ الفت میں ہو رقصِ بسمل
نغمۂِ سوزِ دروں سے آگے

سر الف عین

 

[الف عین]

لہرِ حیات کی جگہ موجِ حیات تو کر ہی دو کم از کم۔

 

[امان زرگر]

جی سر الف عین
وہ نگاہیں بھی فسوں سے آگے
حالِ دل میرا جنوں سے آگے

نسبتِ سود و زیاں الفت میں
اب خرد لائے جنوں سے آگے

اس پہ خاموش زبانِ خلقت
رازِ ہستی فیکوں سے آگے

اک طلاطم سا پسِ موجِ حیات
اک تماشا ہے سکوں سے آگے

سوزِ الفت میں ہو رقصِ بسمل
نغمۂِ سوزِ دروں سے آگے

 

[الف عین]

درست