بحر بتائیے

[جیلانی]

لاکھوں درود اور لاکھوں سلام
اس کی بحر کیا ہوگی؟

 

[الف عین]

دوسرا مصرع بتاؤ تو کچھ بحر بنائی جا سکتی ہے، فی الحال تو کچھ نہیں کہا جا سکتا۔

 

[جیلانی]

خیر البشر پر لاکھوں سلام
لاکھوں درود اور لاکھوں سلام
سب کو میسر ہو یہ مقام
پہنچیں مدینے بن کر غلام

اس کی بحر کیا ہوگی؟​

 

[الف عین]

فعل فعولنفعل فعو2ل

 

[جیلانی]

دیکھتے ہیں اہلِ ایماں تیری راہ،الوداع اے ماہِ رمضاں الوداع
تجھ پہ قرباں مال و دولت عزّوجاہ،الوداع اے ماہِ رمضاں الوداع
مٹ گئے تیری بدولت سب گناہ،الوداع اے ماہ رمضاں الوداع
جارہا ہے چھوڑ کرتوہم کو آہ،الوداع اے ماہِ رمضاں الوداع
بحر کیا ہے؟

 

[الف عین]

فاعلاتن فاعلاتن فاعلن
آخر میں فاعلان بھی جائز ہے۔

 

[جیلانی]

عشق ہی کارِ مسلسل ہو گیا ہے
زندگی کا مسئلہ حل ہو گیا ہے
بحر کونسی ہے؟

 

[محمد اظہر نذیر]

عشق ہی کارِ مسلسل ہو گیا ہے
زندگی کا مسئلہ حل ہو گیا ہے
بحر کونسی ہے؟

بحر - بحر رمل مسدس محذوف
افاعیل - فاعِلاتُن فاعِلاتُن فاعِلُن
(آخری رکن میں فاعلن کی جگہ فاعلان بھی آ سکتا ہے)
اشاری نظام - 2212 2212 212
(آخری رکن میں 212 کی جگہ 1212 بھی آ سکتا ہے)

 

[جیلانی]

آئینے سے رہا کرئے کوئی
مجھ کو مجھ سے جدا کرئے کوئی
بحر کیا ہے ؟

 

[محمد اظہر نذیر]

آئینے سے رہا کرئے کوئی
مجھ کو مجھ سے جدا کرئے کوئی
بحر کیا ہے ؟

بحر - بحر خفیف مسدس مخبون محذوف مقطوع

افاعیل - فاعِلاتُن مُفاعِلُن فَعلُن

 

[جیلانی]

نظر اٹھے بھی تو خود ہی کو دیکھتا ہوں میں
نجانے کون سے جنگل میں آبسا ہوں میں
یہ شعر کس بحر میں ہے؟

 

[محمد اظہر نذیر]

نظر اٹھے بھی تو خود ہی کو دیکھتا ہوں میں
نجانے کون سے جنگل میں آبسا ہوں میں
یہ شعر کس بحر میں ہے؟

بحر - بحرِ مجتث مثمن مخبون محذوف مقطوع
افاعیل: مَفاعِلُن فَعِلاتُن مَفاعِلُن فَعلُن
(آخری رکن فعلن کی جگہ فعلان، فَعِلُن اور فعِلان بھی آ سکتے ہیں)
اشاری نظام - 2121 2211 2121 22

 

[محمد اظہر نذیر]

 

[جیلانی]

ننگے سچ کے لفظ زباں پر کیا کیا تھے
اور بچوں کے ہاتھ میں پتھر کیا کیا تھے
یہ شعر کس بحر میں ہے؟

 

[جیلانی]

ننگے سچ کے لفظ زباں پر کیا کیا تھے
اور بچوں کے ہاتھ میں پتھر کیا کیا تھے
یہ شعر کس بحر میں ہے؟

 

[محمد اظہر نذیر]

ننگے سچ کے لفظ زباں پر کیا کیا تھے
اور بچوں کے ہاتھ میں پتھر کیا کیا تھے
یہ شعر کس بحر میں ہے؟

جناب جیلانی صاحب،
اساتذہ ہی بتا سکیں گے میں اس بحر کو نہیں پہچان پا رہا۔
خاکسار
اظہر

 

[الف عین]

بحر متقرب ساڑھے سات رکنی۔ افاعیل۔۔
فعلن سات بار، آخر میں فع،فاع یا فعل

 

[متلاشی]

دنیا کے منصفوں سے مجھ کو گلہ نہیں ہے
کافی ہے منصفی کو رب علیم میرا
اس کی بحر بتائیں؟

 

[متلاشی]

ٹوٹی ہے کوئی شاخِ تمنا شاید
یہ کونسی بحر ہے؟

 

[متلاشی]

کہاں یہ وجودِ خاکی ، کہاں مالکِ زمانہ
یہ کونسی بحر ہے؟