بحر بتائیے

[محمد اظہر نذیر]

محترم جیلانی صاحب,
میں نے بس ایسے ہی مشق کی خاطر کوشش کی ہے, اساتذہ کا انتظار کیجیے
والسلام
اظہر

 

[محمد وارث]

<!--[if gte mso <w:Woجانے والے آ، نہیں تاب ِ پشیمانی مجھے[/FONT][FONT=&quot]
چھیڑی رہتی ہے میرے گھر کی ویرانی مجھے

بحر کیا ہے؟ [/FONT]

اسکے دوسرعے مصرعے میں کچھ غلطی ہے، بحر رمل محذوف: فاعلاتن فاعلاتن فاعلاتن فاعلن

 

[ایم اے راجا]

وہ عشق جو ہم سے روٹھ گیا پھر اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا

یہ شعر کس بحر میں ہے؟

 

[جیلانی]

وہ عِشق جو ہم سے رُوٹھ گیا، اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا
یہ شعر یوں ہے

 

[ایس فصیح ربانی]

وہ عشق جو ہم سے روٹھ گیا پھر اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا

یہ شعر کس بحر میں ہے؟

اس کی بحر ہے:
متدارک مخبون یا مقطوع سولہ رکنی
اس میں فاع فعولُن نہیں بلکہ "فعِلُن" آتا ہے۔
دوسرے مصرعے میں "کوئی قہر نہیں کوئی مہر نہیں" چار فعِلُن
کے برابر ہے۔​

 

[ایم اے راجا]

وہ عِشق جو ہم سے رُوٹھ گیا، اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا
یہ شعر یوں ہے

تصیح کے لیئے شکر گذار ہوں،

 

[ایم اے راجا]

اس کی بحر ہے:
متدارک مخبون یا مقطوع سولہ رکنی
اس میں فاع فعولُن نہیں بلکہ "فعِلُن" آتا ہے۔
دوسرے مصرعے میں "کوئی قہر نہیں کوئی مہر نہیں" چار فعِلُن
کے برابر ہے۔​

شکریہ فصیح صاحب

 

[ایم اے راجا]

یہ مصرعہ کس بحر میں ہے؟

یہ تری زلفوں کی لٹ ہے یا کہ پھر کالے ہیں سانپ

 

[الف عین]

بحر کا نام تو وارث بتائیں گے۔ ارکان ہیں۔۔ فاعلاتن فاعلاتن فاعلاتن فاعلن

 

[ایم اے راجا]

شکریہ، سر مگر نپ رھ جاتی ہے کہیں اسا تو نہیں یہ،
فاعلاتن فاعلاتن فاعلاتن فاعلان| فاعلات
میرا خیال ہے بحر رمل مثمن مقصور

 

[الف عین]

فاعلن کی جگہ فاعلان کیا جا سکتا ہے، یہ جائز ہے۔ ’سانپ‘ کا غنہ تقطیع نہیں ہوتا۔ محض ’ساپ‘ تقطیع ہوتا ہے۔

 

[جیلانی]

کعبہ کا شوق ہے نہ صنم خانہ چاہیے
جانانہ چاہیے در جانانہ چاہیے
یہ شعر کس بحر میں ہے؟

 

[محمد اظہر نذیر]

بحر - بحر مضارع مثمن اخرب مکفوف محذوف

افاعیل - مَفعُولُ فاعِلاتُ مَفاعِیلُ فاعِلُن

(آخری رکن میں‌ فاعلن کی جگہ فاعلان بھی آسکتا ہے)

اشاری نظام - 122 1212 1221 212

السلام و علیکم
میرے خیال سے, باقی اساتذہ کا انتظار

 

[الف عین]

درست اظہر۔ یہ وہی بحر ہے
حیراں ہوں دل کو روؤں کہ پیٹوں جگر کو میں۔
اس کے علاوہ یہ کہ اس بحر میں کئی مبتدی بہت کنفیوز ہوتے ہیں۔ اور اس بحر میں دوسری بحر بھی ملا دیتے ہیں یعنی
فاعلاتن فعلاتن فعلاتن فعلن
(مثال: میں نے چاہا تھا کہ اندوہِ وفا سے چھوٹوں)

 

[جیلانی]

انشاء جی اٹھو اب کوچ کرو، اس شہر ميں جی کو لگانا کيا​

وحشی کو سکوں سےکيا مطلب، جوگی کا نگر ميں ٹھکانا کيا​

یہ شعر کس بحر میں ہے؟

 

[الف عین]

ساڑھے سات رکنی فعلن اس کے ارکان ہیں۔ مطلب سات بار فعلن، اور ایک بار فع یا فعل۔ فعلن فعلن کی جگہ فعل فعولن بھی جائز ہے۔

 

[جیلانی]

شاہِ بغداد پیرانِ پیر آپ ہیں، دستگیر آپ ہیں
اس نصیرِ حزیں کے نصیر آپ ہیں ، دستگیر آپ ہیں

بحر کیا ہے

 

[الف عین]

چھہ رکنی فاعلن۔ ارکان ہوں گے۔ بحر کا نام وارث بتائیں گے۔

 

[جیلانی]

رونق کل اولیا یا غوث اعظم دستگیر
پیشوائے اصفیاء یا غوث اعظم دستگیر

آپ ہیں پیروں کے پیر اور ہیں دشمن ضمیر
آپ شاہ اتقیا یا غوث اعظم دستگیر

بحر کیا ہے

 

[محمد اظہر نذیر]

بحر - بحر رمل مثمن محذوف
افاعیل - فاعِلاتُن فاعِلاتُن فاعِلاتُن فاعِلُن
(آخری رکن فاعلن میں فاعِلان بھی آ سکتا ہے)
اشاری نظام - 2212 2212 2212 212
(آخری 212 کی جگہ 1212 بھی آ سکتا ہے)

یہ میرا خیال ہے جی، باقی اساتذہ کا انتظار کرتے ہین
خاکسار
آطہر