بحرِ شکست اور علامہ اقبال رحمۃ اللہ علیہ

محمد بلال اعظم نے 'بزم سخن' کی ذیل میں اس موضوع کا آغاز کیا، ‏نومبر 9, 2012

  1. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    آج ٹی وی پہ ایک پروگرام کے دوران یہ سننے کو ملا کہ
    "بحرِ شکست اردو میں صرف علامہ اقبال رحمۃ اللہ علیہ نے استعمال کی ہے، بالِ جبریل کی نظم مسجدِ قرطبہ میں۔"
    مسجد قرطبہ

    (ہسپانیہ کی سرزمین ، بالخصوص قرطبہ میں لکھی گئی)



    سلسلۂ روز و شب ، نقش گر حادثات
    سلسلۂ روز و شب ، اصل حیات و ممات
    سلسلۂ روز و شب ، تار حریر دو رنگ
    جس سے بناتی ہے ذات اپنی قبائے صفات
    سلسلۂ روز و شب ، ساز ازل کی فغاں
    جس سے دکھاتی ہے ذات زیر و بم ممکنات
    تجھ کو پرکھتا ہے یہ ، مجھ کو پرکھتا ہے یہ
    سلسلۂ روز و شب ، صیرفی کائنات
    تو ہو اگر کم عیار ، میں ہوں اگر کم عیار
    موت ہے تیری برات ، موت ہے میری برات
    تیرے شب و روز کی اور حقیقت ہے کیا
    ایک زمانے کی رو جس میں نہ دن ہے نہ رات
    آنی و فانی تمام معجزہ ہائے ہنر
    کار جہاں بے ثبات ، کار جہاں بے ثبات!
    اول و آخر فنا ، باطن و ظاہر فنا
    نقش کہن ہو کہ نو ، منزل آخر فنا
    ہے مگر اس نقش میں رنگ ثبات دوام
    جس کو کیا ہو کسی مرد خدا نے تمام
    مرد خدا کا عمل عشق سے صاحب فروغ
    عشق ہے اصل حیات ، موت ہے اس پر حرام
    تند و سبک سیر ہے گرچہ زمانے کی رو
    عشق خود اک سیل ہے ، سیل کو لیتا ہے تھام
    عشق کی تقویم میں عصر رواں کے سوا
    اور زمانے بھی ہیں جن کا نہیں کوئی نام
    عشق دم جبرئیل ، عشق دل مصطفی
    عشق خدا کا رسول ، عشق خدا کا کلام
    عشق کی مستی سے ہے پیکر گل تابناک
    عشق ہے صہبائے خام ، عشق ہے کاس الکرام
    عشق فقیہ حرم ، عشق امیر جنود
    عشق ہے ابن السبیل ، اس کے ہزاروں مقام
    عشق کے مضراب سے نغمۂ تار حیات
    عشق سے نور حیات ، عشق سے نار حیات
    اے حرم قرطبہ! عشق سے تیرا وجود
    عشق سراپا دوام ، جس میں نہیں رفت و بود
    رنگ ہو یا خشت و سنگ ، چنگ ہو یا حرف و صوت
    معجزۂ فن کی ہے خون جگر سے نمود
    قطرۂ خون جگر ، سل کو بناتا ہے دل
    خون جگر سے صدا سوز و سرور و سرود
    تیری فضا دل فروز ، میری نوا سینہ سوز
    تجھ سے دلوں کا حضور ، مجھ سے دلوں کی کشود
    عرش معلّیٰ سے کم سینۂ آدم نہیں
    گرچہ کف خاک کی حد ہے سپہر کبود
    پیکر نوری کو ہے سجدہ میسر تو کیا
    اس کو میسر نہیں سوز و گداز سجود
    کافر ہندی ہوں میں ، دیکھ مرا ذوق و شوق
    دل میں صلوۃ و درود ، لب پہ صلوۃ و درود
    شوق مری لے میں ہے ، شوق مری نے میں ہے
    نغمۂ 'اللہ ھو' میرے رگ و پے میں ہے
    تیرا جلال و جمال ، مرد خدا کی دلیل
    وہ بھی جلیل و جمیل ، تو بھی جلیل و جمیل
    تیری بنا پائدار ، تیرے ستوں بے شمار
    شام کے صحرا میں ہو جیسے ہجوم نخیل
    تیرے در و بام پر وادی ایمن کا نور
    تیرا منار بلند جلوہ گہ جبرئیل
    مٹ نہیں سکتا کبھی مرد مسلماں کہ ہے
    اس کی اذانوں سے فاش سر کلیم و خلیل
    اس کی زمیں بے حدود ، اس کا افق بے ثغور
    اس کے سمندر کی موج ، دجلہ و دنیوب و نیل
    اس کے زمانے عجیب ، اس کے فسانے غریب
    عہد کہن کو دیا اس نے پیام رحیل
    ساقئ ارباب ذوق ، فارس میدان شوق
    بادہ ہے اس کا رحیق ، تیغ ہے اس کی اصیل
    مرد سپاہی ہے وہ اس کی زرہ 'لا الہ'
    سایۂ شمشیر میں اس کا پنہ 'لا الہ'
    تجھ سے ہوا آشکار بندۂ مومن کا راز
    اس کے دنوں کی تپش ، اس کی شبوں کا گداز
    اس کا مقام بلند ، اس کا خیال عظیم
    اس کا سرور اس کا شوق ، اس کا نیاز اس کا ناز
    ہاتھ ہے اللہ کا بندۂ مومن کا ہاتھ
    غالب و کار آفریں ، کار کشا ، کارساز
    خاکی و نوری نہاد ، بندۂ مولا صفات
    ہر دو جہاں سے غنی اس کا دل بے نیاز
    اس کی امیدیں قلیل ، اس کے مقاصد جلیل
    اس کی ادا دل فریب ، اس کی نگہ دل نواز
    نرم دم گفتگو ، گرم دم جستجو
    رزم ہو یا بزم ہو ، پاک دل و پاک باز
    نقطۂ پرکار حق ، مرد خدا کا یقیں
    اور یہ عالم تمام وہم و طلسم و مجاز
    عقل کی منزل ہے وہ ، عشق کا حاصل ہے وہ
    حلقۂ آفاق میں گرمی محفل ہے وہ
    کعبۂ ارباب فن! سطوت دین مبیں
    تجھ سے حرم مرتبت اندلسیوں کی زمیں
    ہے تہ گردوں اگر حسن میں تیری نظیر
    قلب مسلماں میں ہے ، اور نہیں ہے کہیں
    آہ وہ مردان حق! وہ عربی شہسوار
    حامل ' خلق عظیم' ، صاحب صدق و یقیں
    جن کی حکومت سے ہے فاش یہ رمز غریب
    سلطنت اہل دل فقر ہے ، شاہی نہیں
    جن کی نگاہوں نے کی تربیت شرق و غرب
    ظلمت یورپ میں تھی جن کی خرد راہ بیں
    جن کے لہو کے طفیل آج بھی ہیں اندلسی
    خوش دل و گرم اختلاط ، سادہ و روشن جبیں
    آج بھی اس دیس میں عام ہے چشم غزال
    اور نگاہوں کے تیر آج بھی ہیں دل نشیں
    بوئے یمن آج بھی اس کی ہواؤں میں ہے
    رنگ حجاز آج بھی اس کی نواؤں میں ہے
    دیدۂ انجم میں ہے تیری زمیں ، آسماں
    آہ کہ صدیوں سے ہے تیری فضا بے اذاں
    کون سی وادی میں ہے ، کون سی منزل میں ہے
    عشق بلا خیز کا قافلۂ سخت جاں!
    دیکھ چکا المنی ، شورش اصلاح دیں
    جس نے نہ چھوڑے کہیں نقش کہن کے نشاں
    حرف غلط بن گئی عصمت پیر کنشت
    اور ہوئی فکر کی کشتی نازک رواں
    چشم فرانسیس بھی دیکھ چکی انقلاب
    جس سے دگرگوں ہوا مغربیوں کا جہاں
    ملت رومی نژاد کہنہ پرستی سے پیر
    لذت تجدید سے وہ بھی ہوئی پھر جواں
    روح مسلماں میں ہے آج وہی اضطراب
    راز خدائی ہے یہ ، کہہ نہیں سکتی زباں
    دیکھیے اس بحر کی تہ سے اچھلتا ہے کیا
    گنبد نیلو فری رنگ بدلتا ہے کیا!
    وادی کہسار میں غرق شفق ہے سحاب
    لعل بدخشاں کے ڈھیر چھوڑ گیا آفتاب
    سادہ و پرسوز ہے دختر دہقاں کا گیت
    کشتی دل کے لیے سیل ہے عہد شباب
    آب روان کبیر! تیرے کنارے کوئی
    دیکھ رہا ہے کسی اور زمانے کا خواب
    عالم نو ہے ابھی پردۂ تقدیر میں
    میری نگاہوں میں ہے اس کی سحر بے حجاب
    پردہ اٹھا دوں اگر چہرۂ افکار سے
    لا نہ سکے گا فرنگ میری نواؤں کی تاب
    جس میں نہ ہو انقلاب ، موت ہے وہ زندگی
    روح امم کی حیات کشمکش انقلاب
    صورت شمشیر ہے دست قضا میں وہ قوم
    کرتی ہے جو ہر زماں اپنے عمل کا حساب
    نقش ہیں سب ناتمام خون جگر کے بغیر
    نغمہ ہے سودائے خام خون جگر کے بغیر
    ۔۔۔۔

    وادا لکبیر، قرطبہ کا مشہور دریا جس کے قریب ہی مسجد قرطبہ واقع ہے -

    استادِ محترم الف عین صاحب
    محمد وارث بھائی
    فاتح بھائی
    مزمل شیخ بسمل بھائی
     
    • زبردست زبردست × 1
  2. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    کسی کو نہیں پتہ کیا؟
     
  3. افلاطون

    افلاطون محفلین

    مراسلے:
    585
    جھنڈا:
    Pakistan
    موڈ:
    Amused
    بحر شکست کیا کسی سمندر کا نام ہے؟:thinking:
     
  4. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    حق ھا
     
  5. محمد وارث

    محمد وارث لائبریرین

    مراسلے:
    26,970
    جھنڈا:
    Pakistan
    موڈ:
    Depressed
    مسجد قرطبہ نظم کی بحر کا نام بحر منسرح مثمن مطوی مکسوف ہے نہ کہ بحر شکست، اس کے افاعیل ہیں۔

    مفتعلن فاعلن مفتعلن فاعلن

    یہ بات بھی غلط ہے کہ اقبال نے اس بحر کو اردو میں پہلی بار استعمال کیا، اقبال سے پہلے شعرا اس کو استعمال کرتے رہے ہیں لیکن کم کم، میر تقی میر

    چرخ پر اپنا مدار، دیکھیے کب تک رہے
    ایسی طرح روزگار، دیکھیے کب تک رہے

    روئے سخن سب کا ہے، میری غزل کی طرف
    شعر ہے میرا شعار، دیکھیے کب تک رہے

    گیسو و رخسارِ یار، آنکھوں ہی میں پھرتے ہیں
    میر یہ لیل و نہار، دیکھیے کب تک رہے

    اسی طرح اور مثالیں بھی مل سکتی ہیں۔
     
    • پسندیدہ پسندیدہ × 3
    • زبردست زبردست × 3
    • متفق متفق × 3
    • معلوماتی معلوماتی × 1
  6. حسینی

    حسینی محفلین

    مراسلے:
    1,560
    جھنڈا:
    Pakistan
    موڈ:
    Breezy
    معلوماتى بحث ہے اس بحث كو جارى ركهىں۔ مجھے عربى علم العروض سے اک حد تک تو آگاہی ہے۔ اردو عروض کے بارے میں جاننا چاہتا ہوں۔ کوئ سائٹ یا مضمون ہو تو ُ پلیز بتا دیں۔
     
  7. مزمل شیخ بسمل

    مزمل شیخ بسمل محفلین

    مراسلے:
    3,530
    جھنڈا:
    Pakistan
    موڈ:
    Depressed
    یہ کس طرح کی ٹیگنگ ہے جسکا نوٹیفکیشن ہی نہیں ملا۔ o_O
     
  8. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic
    یہ تو مجھے بھی نہیں پتہ۔
     
  9. محمد بلال اعظم

    محمد بلال اعظم لائبریرین

    مراسلے:
    10,288
    جھنڈا:
    Pakistan
    موڈ:
    Angelic

    زبردست
    زبردست
    زبردست
    معلوماتی
    معلوماتی
    معلوماتی
     
    • پسندیدہ پسندیدہ × 1
  10. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    بحرِ شکست مجھ جیسے کسی ستم ظریف نے کہہ دیا ہو گا۔ محمد وارث صاحب تفصیلی جواب دے چکے۔
     
    • پر مزاح پر مزاح × 1

اس صفحے کی تشہیر