باقیاتِ راز از سرور عالم راز سرور
- صاحب لڑی الف عین
- تاریخ ابتداء
الف عین
لائبریرین
بظاہر بادۂ الفت سے میں بیہوش رہتا ہوں
مگر باطن کو دیکھو تو سراپا جوش رہتا ہوں
زباں کھولوں تو ہو برہم نظامِ عالمِ امکاں
قرینِ مصلحت ہے یہ کہ میں خاموش رہتا ہوں
سُنوں تو کیا سُنوں، کس کی سُنوں اور کیوں سُنوں آخر
کہ دل سے گفتگو کرتا ہوں اور خاموش رہتا ہوں
کوئی جانے تو کیا جانے مجھے اے راز دنیا میں
زمانہ سازیاں آتی نہیں، روپوش رہتا ہوں
مگر باطن کو دیکھو تو سراپا جوش رہتا ہوں
زباں کھولوں تو ہو برہم نظامِ عالمِ امکاں
قرینِ مصلحت ہے یہ کہ میں خاموش رہتا ہوں
سُنوں تو کیا سُنوں، کس کی سُنوں اور کیوں سُنوں آخر
کہ دل سے گفتگو کرتا ہوں اور خاموش رہتا ہوں
کوئی جانے تو کیا جانے مجھے اے راز دنیا میں
زمانہ سازیاں آتی نہیں، روپوش رہتا ہوں
الف عین
لائبریرین
O
ہے اگر ذوقِ تپش کامل تو یوں بسمل بنو
دل سراپا درد ہو اور تم سراپا دل بنو
جادۂ الفت میں مٹ جاؤ جو مٹنا ہو تمہیں
خاک ہونا ہے تو تم خاکِ سرِ منزل بنو
انگلیاں اٹھنے لگیں، پڑنے لگی تم پر نگاہ
اور آ کر بزم میں شمعِ سرِ محفل بنو
راز منزل پر پہنچ جاؤ گے یوں ہی ایک دن
ٹھوکریں کھا کھا کے راہِ عشق میں کامل بنو
ہے اگر ذوقِ تپش کامل تو یوں بسمل بنو
دل سراپا درد ہو اور تم سراپا دل بنو
جادۂ الفت میں مٹ جاؤ جو مٹنا ہو تمہیں
خاک ہونا ہے تو تم خاکِ سرِ منزل بنو
انگلیاں اٹھنے لگیں، پڑنے لگی تم پر نگاہ
اور آ کر بزم میں شمعِ سرِ محفل بنو
راز منزل پر پہنچ جاؤ گے یوں ہی ایک دن
ٹھوکریں کھا کھا کے راہِ عشق میں کامل بنو
الف عین
لائبریرین
O
اب ہوش میں آ تو بھی، اے جلوۂ جانانہ
دیوانہ تھا جو تیرا، ہے ہوش سے بیگانہ
دنیا کے بکھیڑوں میں پڑ کر یہ ہوا ثابت
دیوانہ ہے فرزانہ، فرزانہ ہے دیوانہ
مٹنا ہے مجھے لازم، مٹ جاؤں گا میں اک دن
رہ جائے گا دنیا میں لیکن مرا افسانہ
تو چشمِ حقیقت سے اے راز اگر دیکھے
دنیا کی یہ آبادی، وحشت کا ہے ویرانہ
اب ہوش میں آ تو بھی، اے جلوۂ جانانہ
دیوانہ تھا جو تیرا، ہے ہوش سے بیگانہ
دنیا کے بکھیڑوں میں پڑ کر یہ ہوا ثابت
دیوانہ ہے فرزانہ، فرزانہ ہے دیوانہ
مٹنا ہے مجھے لازم، مٹ جاؤں گا میں اک دن
رہ جائے گا دنیا میں لیکن مرا افسانہ
تو چشمِ حقیقت سے اے راز اگر دیکھے
دنیا کی یہ آبادی، وحشت کا ہے ویرانہ
الف عین
لائبریرین
O
تقدیر ہوئی یاور، تدبیر کی بَن آئی
وہ آئے ہیں خود کرنے اب عذرِ مسیحائی
تو اپنے ہی جلووں کا ہے آپ ہی شیدائی
اچّھا رے تماشائی، یہ شانِ خودآرائی
وہ چاہتے ہیں سُننا، رودادِ دلِ مضطر
اے کاش پلٹ آئے پھر طاقتِ گویائی
وہ جوش نہیں دل میں، وہ کیف نہیں سر میں
اب یادِ خدا آئی، اے راز تو کیا آئی
تقدیر ہوئی یاور، تدبیر کی بَن آئی
وہ آئے ہیں خود کرنے اب عذرِ مسیحائی
تو اپنے ہی جلووں کا ہے آپ ہی شیدائی
اچّھا رے تماشائی، یہ شانِ خودآرائی
وہ چاہتے ہیں سُننا، رودادِ دلِ مضطر
اے کاش پلٹ آئے پھر طاقتِ گویائی
وہ جوش نہیں دل میں، وہ کیف نہیں سر میں
اب یادِ خدا آئی، اے راز تو کیا آئی