بات

[شمشاد]

ٹوٹتے جاتے ہیں سب آئینہ خانے میرے
وقت کی زد میں ہیں یادوں کے خزانے میرے
(احمد ندیم قاسمی)

 

[شمشاد]

یہ اور بات کہ وہ لَب تھے پھول سے نازک
کوئی نہ سہہ سکے، لہجہ کرخت ایسا تھا
(شکیب جلالی)

 

[راجہ صاحب]

یہی تو بات ہے اُس میں کہ رنجش میں بھی
سکھوں کا سکھ تو دکھوں کا ملال رکھتا ہے

 

[شمشاد]

پوچھ لے اور کوئی بات کہ پھر
جانے کب یاروں کا پھیرا ہو گا
(رام ریاض)

 

[راجہ صاحب]

دل کس قدر شکستہ ہوا تھا کہ رات میرؔ
آئی جو بات لب پہ سو فریاد ہو گئی

 

[شمشاد]

اس کے لہجے کا اثر تو ہے بڑی بات قتیل
وہ تو آنکھوں سی بھی کرتا ہوا جادو آئے
(قتیل شفائی)

 

[راجہ صاحب]

یہ اور بات کہ پوچھا نہ اہلِ دنیا نے
بقدرِ تشنہ لبی پرسشِ وفا نہ ہوئ



ناصر کاظمی

 

[شمشاد]

اب کوچۂ دلبر کا رہرو، رہزن بھی بنے تو بات بنے
پہرے سے عدو ٹلتے ہی نہیں اور رات برابر جاتی ہے
(فیض)

 

[راجہ صاحب]

یہ بات ہی نہ تھی میرے وہم و گمان میں
پتھّر ملیں گے شیشہ گروں کی دکان میں

 

[شمشاد]

ہر اک بات پے کہتے ہو کہ تُو کیا ہے
تمہی کہو یہ اندازِ گفتگو کیا ہے
(چچا)

 

[راجہ صاحب]

آشفتگی سے اُس کی اُس کو برا نہ جان
عادت کی بات اور ہے دل کا برا نہیں

 

[زونی]

بات جیسی بے معنی بات اور کیا ہو گی
بات سے مکرنے میں دیر کتنی لگتی ھے

 

[شمشاد]

ترے حاسدوں کو ملال ہے، یہ نصیر فن کا کمال ہے
ترا قول تھا جو سند رہا، تری بات تھی جو کھری رہی
(سید نصیر الدین نصیر)

 

[راجہ صاحب]

ہمیں یاد آئیں اکثر تری دلبری کی باتیں!
تری دوستی کی باتیں، تری دشمنی کی باتیں
(سرور)

 

[عمر سیف]

اک ذرا سی بات پر نرسوں کے یارانے گئے
لیکن اتنا تو ہوا کچھ لوگ پہچانے گئے

 

[راجہ صاحب]

رحم اے غمِ جاناں بات آ گئی یہاں تک
دشتِ گردشِ دوراں اور میرے گریباں تک
(شمیم جے پوری)

 

[شمشاد]

کہا میں نے بات وہ کوٹھے کی، مرے دل سےصاف اترگئ
تو کہا کہ جانےمری بلا، تمہیں یاد ہو کہ نہ یاد ہو
(مومن خان مومن)

 

[راجہ صاحب]

میر کیا بات اس کے ہونٹوں کی
جینا دوبھر ہوا مسیحا پر


میر

 

[فرخ منظور]

بات کرنی مجھے مشکل کبھی ایسی تو نہ تھی
جیسے اب ہے تری محفل کبھی ایسی تو نہ تھی
(ظفر)

 

[راجہ صاحب]

ذرا سی بات پہ دامن چھڑا لیا ہم نے
تمام عمر کی وابستگی کو بھول گئے