ایک نیوز پبلشنگ سسٹم کی ڈیویلپمنٹ

[نبیل]

اس پراجیکٹ سے متعلق تبصرے اور تجاویز پوسٹ کرنے کے لے اس ربط پر تشریف لائیں​

السلام علیکم،

جیسا کہ میں پہلے بھی عرض کر چکا ہوں، میں کچھ عرصے سے ورڈپریس کو ایک نیوز پبلشنگ سسٹم کے طور پر استعمال کرنے کے تجربات کر رہا ہوں اور اس سلسلے میں کچھ کسٹم ڈیویلپمنٹ بھی کی ہے۔ اس مقصد کے لیے میں نے بی بی سی اردو کے پرانے لے آؤٹ کو ماڈل کیا ہے۔ میں اس تھریڈ میں اس پراجیکٹ کے نتائج کے بارے میں معلومات پیش کروں گا۔

میں نے جب اردو نیوز سائٹس کا جائزہ لیا تو مجھے بی بی سی اردو ان میں ڈیزائن اور یوزیبیلیٹی کے اعتبار سے بہترین لگا۔ نیوز سسٹم کی ڈیویلپمنٹ کے دوران میں نے جو نتائج اخذ کیے ہیں، ان کے بارے میں مختصراً ذیل میں درج کر رہا ہوں۔

بلاگ کے مقابلے میں نیوز سائٹ بنانا کافی محنت کا کام ہے۔ نیوز سائٹ کی افادیت اسی صورت میں باقی رہ سکتی ہے اگر اسے باقاعدگی سے اپڈیٹ کیا جائے۔ دوسرے کسی نیوز یا نیوز آرٹیکل کو پبلش کرنے کے لیے کئی پیرامیٹر سیٹ کرنے کی ضرورت پیش آتی ہے اور اس کی مناسب فارمیٹنگ بھی ضروری ہوتی ہے۔ لہذا نیوز سائٹ کا آغاز اسی صورت میں کرنا چاہیے اگر اس کے لیے درکار وقت اور مہارت موجود ہو۔ اور اس کام کے لیے اگر ایک ٹیم بنا لی جائے تو بہتر ہوگا کیونکہ اکیلے آدمی کے لیے نیوز سائٹ سنبھالنا کافی مشکل ہو سکتا ہے۔

نیوز سائٹ کی تشکیل کا ایک بنیادی عنصر سٹینڈرڈ سائز کے امیجز کا استعمال ہے۔ نیوز سائٹ میں استعمال کیے جانے والے امیجز کا ایک معیار مقرر کر لیا جانا چاہیے تاکہ اس سے سائٹ کا ڈیزائن پروفیشنل نظر آئے۔ بی بی سی اردو کے پرانے لے آؤٹ میں استعمال ہونے والے امیجز کے سائز اس طرح ہیں:


203x152 : یہ صفحہ اول پر لیڈ سٹوری اور سنگل پوسٹ پیج پر پوسٹ امیج کا سائز ہے
66x49 : فیچر سٹوری امیج کا سائز
66x66 : پروموٹڈ سٹوری امیج کا سائز

اس کے علاوہ دوسرے سائز امیج بھی استعمال ہوتے ہیں لیکن ان کا استعمال کم ہوتا ہے۔
(جاری۔۔)

 

[نبیل]

السلام علیکم،
میں یہاں اس سلسلے کو کچھ آگے بڑھانا چاہ رہا ہوں تاکہ نیوز سسٹم کی ڈیویلپمنٹ پر کام جاری رہ سکے۔

نیوز سسٹم سے متعلقہ پلگ ان اور تھیم استعمال کرنے سے قبل کچھ تیاری کرنا ضروری ہے۔ جو دوست میرے ساتھ اس کام میں شریک ہونا چاہتے ہیں، ان سے گزارش ہے کہ اس مقصد کے لیے ایک فریش ورڈپریس 2.7+ انسٹالیشن سیٹ اپ کر لیں۔ ورڈپریس انسٹال کرنے کے بعد اس میں ذیل کے عنوانات سے زمرہ جات شامل کر لیں:

Pakistan
India
International
Sports
Showbiz
Science
Coumns

ان سب زمرہ جات کا slug بھی ان کے نام پر ہی رکھیں۔

زمہ جات شامل کرنے کے بعد ان زمرہ جات میں سمپل ڈیٹا شامل کرنے کا مرحلہ آتا ہے۔ نیوز سسٹم میں کوئی نیوز سٹوری پوسٹ کرنے کے لیے کافی ساری کسٹم فیلڈز کا ڈیٹا فراہم کرنے کی ضرورت پیش آتی ہے۔ اس کام کو آسان کرنے کے لیے میں نے ایک سکرپٹ تیار کی ہے جس کے ذریعے مذکورہ بالا زمرہ جات میں کچھ ڈمی پوسٹس شامل کی جاتی ہیں۔ یہ ڈیٹا بھی بی بی سی اردو سے ہی لیا گیا ہے۔ نیوز سٹوریز میں تصاویر کی ضرورت بھی پڑتی ہے۔ اٹیچ کردہ bbc.zip فائل میں سمپل نیوز ڈیٹا سے متعلقہ امیجز موجود ہیں۔ اس زپ فائل میں موجود bbc فولڈر کو اپنی ورڈپریس ڈائریکٹری میں wp-includes\images فولڈر میں کاپی کر دیں۔

نیوز امیجز کاپی کرنے کے بعد سمپل ڈیٹا والی سکرپٹ رن کرنے سے ہر کٹیگری میں ایک ہی پوسٹ 30 مرتبہ شامل کر دی جائے گی۔ یہ صرف تجربات کے مقاصد کے لیے ہے۔ اصل نیوز سائٹ پر آپ کو اصل ڈیٹا ہی استعمال کرنا ہوگا۔ اٹیچ کردہ sample.zip فائل میں سمپل ڈیٹا شامل کرنے والی سکرپٹ موجود ہے۔ اس زپ فائل میں موجود sample.php فائل کو اپنی ورڈپریس انسٹالیشن کی روٹ میں کاپی کر دیں اور اس زپ فائل میں موجود sample فولڈر کو بھی ورڈپریس کے روٹ فولڈر میں کاپی کر دیں۔ اس کے بعد اپنے براؤزر کے ذریعے ورڈپریس کے روٹ فولڈر میں موجود sample.php کو رن کریں۔ اس طرح اوپر شامل کیے گئے زمرہ جات میں سمپل نیوز ڈیٹا شامل ہو جائے گا۔

جب آپ یہ کام کر چکیں تو تبصرے والے تھریڈ پر اطلاع کر دیں تاکہ اگلے سٹیپس کے بارے میں بات کی جا سکے۔

 

[نبیل]

سمپل نیوز ڈیٹا شامل کرنے کے بعد ان میں سے کوئی بھی نیوز ورڈپریس کے ایڈمن سیکشن میں ایڈٹ کے لیے کھولیں اور اس میں شامل کسٹم فیلڈز کو چیک کریں۔ آپ کو ہر نیوز میں ذیل کی کسٹم فیلڈز نظر آنی چاہییں۔

LeadStoryImage

LeadImageCaption

StoryImage

FeatureStoryImage

PromotedStoryImage

IndexStoryImage

ByLineName

ByLineDescription

IndexHeadline2

IndexExcerpt

PuffHeadline

PuffText

RelatedStoryId

جب بھی آپ کوئی نیوز سٹوری پوسٹ کریں گے تو آپ کو یہ سب کسٹم فیلڈز فراہم کرنے کی ضرورت پڑ سکتی ہے۔ مختلف امیجز کی ضرورت اس لیے پڑتی ہے تاکہ نیوز کو بطور لیڈنیوز، فیچر نیوز، پروموٹڈ نیوز وغیرہ کے طور پر پیش کیا جا سکے۔ نیوز تھیم کے صفحہ اول یا کسی کٹیگری پیج پر مختلف پوزیشنز پر دکھائے جانے کے لیے نیوز پوسٹ کا مختلف میٹا ڈیٹا (کسٹم فیلڈز) استعمال ہوتا ہے۔

آپ فی الحال ان پوسٹ کے میٹا ڈیٹا کی جانچ پڑتال کریں۔ اس کے بعد میں انشاءاللہ نیوز منیجر پلگ ان پیش کروں گا جس کے ذریعے نیوز سسٹم کے صفحہ اول اور اس کی مختلف نیوز کٹیگریز کے صفحات کی ترتیبات کا تعین کیا جا سکے گا۔

 

[نبیل]

میں نے اوپر والی پوسٹ میں sample.zip فائل دوبارہ اپلوڈ کر دی ہے۔ پرانی سکرپٹ میں ایک چھوٹا سا بگ تھا جس کی وجہ سے کچھ نیوز پوسٹس کا میٹا ڈیٹا ٹھیک سیٹ نہیں ہو رہا تھا۔ میری گزارش ہے کہ سمپل ڈیٹا کی سکرپٹ کو دوبارہ رن کر لیں۔ لیکن اس سے پہلے ورڈپریس کی posts اور postmeta ٹیبلز کو خالی کر لیں۔ خیال کریں کہ ان ٹیبلز کو خالی کرنا ہے ڈیلیٹ نہیں۔ میں اس تکلیف کی معذرت چاہتا ہوں لیکن ایسا ہونا پروٹوٹائپنگ کا حصہ ہے۔

 

[نبیل]

نیویگیشن کے روابط

فی الوقت میں نے نیوز سائٹ کی نیویگیشن تشکیل دینے کا ایک سادہ سا مکینزم تیار کیا ہے۔ اس مقصد کے لیے ورڈپریس کا اپنا لنک کٹیگریز والا نظام استعمال کیا ہے۔ نیوز سائٹ کی نیویگیشن کے روابط شامل کرنے کے لیے ورڈپریس میں newsnav کے نام سے ایک روابط کا زمرہ شامل کریں۔ اس زمرہ میں شامل کیے گئے ہر ربط کے ساتھ ایک امیج بھی فراہم کیا جائے گا۔ یہ امیجز اس پوسٹ کے ساتھ اٹیچ کردہ زپ فائل میں موجود ہیں۔ اس زپ فائل میں موجود navigation فولڈر کو اپنی ورڈ پریس کی انسٹالیشن کی wp-includes\images\bbc ڈائریکٹری میں کاپی کر دیں۔ اس کے بعد روابط کی newsnav کٹیگری میں نیوز سائٹ کے صفحہ اول اور باقی تمام زمرہ جات کے روابط شامل کر دیں اور ہر ربط کے ساتھ اس کے متعلقہ امیج کا ربط بھی فراہم کر دیں۔ مثال کے طور پر اگر آپ کی لوکل ورڈ پریس انسٹالیشن کا ربط http://localhost/wp270 ہے تو صفحہ اول کا ربط ذیل کی صورت میں شامل کیا جائے گا:

Name: Home Page
Web Address: [url]http://localhost/wp270[/url]
Advanced->Image: [url]http://localhost/wp270/wp-content/themes/bbc/images/news_01.gif[/url]

اسی طرح کٹیگری پاکستان کا ربط ذیل کے انداز میں شامل کیا جائے گا:

Name: Pakistan
Web Address: [url]http://localhost/wp270/?cat=1[/url]
Advanced->Image: [url]http://localhost/wp270/wp-content/themes/bbc/images/pakistan_02.gif[/url]

اسی طرح باقی تمام روابط شامل کیے جانے چاہیں۔ آخر میں newsnav کٹیگری میں ذیل کے روابط شامل ہوں گے۔

Home Page
Pakistan
India
International
Sports
Science
Showbiz
Columns

نیویگیشن کے روابط شامل کرنے کا یہ طریقہ قدرے دقت طلب ہے۔ میں کوشش کروں گا کہ اسے آسان بنانے کے لیے بھی کوئی سکرپٹ لکھ دوں۔