ایک نظم 'جینے کا عزم'

Wajih Bukhari نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏جنوری 16, 2020

  1. Wajih Bukhari

    Wajih Bukhari محفلین

    مراسلے:
    118
    نرم چنگاریوں سے قربت کی
    آنچ اٹھنے لگی ہے چاہت کی
    جوش میں ہے شراب الفت کی
    یہ گھڑی ہے بڑی قیامت کی!

    قرب کی ساعتیں ہیں جادوگر
    آج بھاری ہے پَل بھی صدیوں پر!

    چاند تیری جبیں ہے اس پل میں!
    حُسن پر آفریں ہے اس پل میں!
    ایک بس تُو یہیں ہے اس پل میں
    اور کچھ بھی نہیں ہے اس پل میں!

    پر یہ ساعت تو بیت جائے گی!
    اور پھر یاد دل جلائے گی

    کاش ہر وقت ساتھ تیرا ہو!
    مجھ کو بانہوں نے تیری گھیرا ہو!
    تیری آغوش میں بسیرا ہو!
    تجھ سے ہر شب مری سویرا ہو!

    پھر یہ سوچا کہ خواب ٹوٹے گا
    ہاتھ تھاما ہوا تو چھوٹے گا!

    ایک امکاں سے کیا میں ڈر جاؤں؟
    موت سے پیشتر ہی مر جاؤں؟
    مسندِ عشق سے اتر جاؤں؟
    رنج کی دھول میں بکھر جاؤں؟

    خوف دل سے نکالنا ہو گا
    اب تجھے اور چاہنا ہو گا

    جب کہ تُو پاس ہے تو غم کیوں ہو؟
    فکرِ فردا سے آنکھ نم کیوں ہو؟
    سَر مرا بار بار خم کیوں ہو؟
    جاں پہ اتنا روا ستم کیوں ہو؟

    آج بھی کل بھی تجھ کو چاہوں گا
    آخری پل بھی تجھ کو چاہوں گا
     
    • پسندیدہ پسندیدہ × 4
  2. محمد تابش صدیقی

    محمد تابش صدیقی منتظم

    مراسلے:
    24,805
    جھنڈا:
    Pakistan
    موڈ:
    Breezy
    بہت خوب وجیہہ بھائی
     
    • دوستانہ دوستانہ × 1
  3. Wajih Bukhari

    Wajih Bukhari محفلین

    مراسلے:
    118
    ایک استاد شاعر ہیں جلیل عالی۔ انہوں نے کچھ مندرجہ ذیل تجاویز دیں جو مجھے اچھی لگیں اور میں نے قبول کر لیں۔

    نرم چنگاریوں سے قربت کی
    آنچ اٹھنے لگی ہے چاہت کی
    جوش میں ہے شراب الفت کی
    یہ گھڑی ہے بڑی قیامت کی!

    قرب کی ساعتیں ہیں جادوگر
    آج بھاری ہے پَل بھی صدیوں پر!

    چاند تیری جبیں ہے اس پل میں!
    حُسن پر آفریں ہے اس پل میں!
    ایک بس تُو یہیں ہے اس پل میں
    اور کچھ بھی نہیں ہے اس پل میں!

    پر یہ ساعت تو بیت جائے گی!
    یاد پھر اِس کی دل جلائے گی

    کاش ہر وقت ساتھ تیرا ہو!
    مجھ کو بانہوں نے تیری گھیرا ہو!
    تیری آغوش میں بسیرا ہو!
    تجھ سے ہر شب مری سویرا ہو!

    پھر یہ سوچا کہ خواب ٹوٹے گا
    اک نہ اک روز ساتھ چھوٹے گا!

    ایک امکاں سے کیا میں ڈر جاؤں؟
    موت سے پیشتر ہی مر جاؤں؟
    مسندِ عشق سے اتر جاؤں؟
    رنج کی دھول میں بکھر جاؤں؟

    خوف دل سے نکالنا ہو گا
    رنج خوشیوں میں ڈھالنا ہو گا

    جب کہ تُو پاس ہے تو غم کیوں ہو؟
    فکرِ فردا سے آنکھ نم کیوں ہو؟
    سر مرا بارِ بار خم کیوں ہو؟
    جاں پہ اتنا روا ستم کیوں ہو؟

    آج بھی کل بھی تجھ کو چاہوں گا
    آخری پل بھی تجھ کو چاہوں گا
     
    • پسندیدہ پسندیدہ × 3
  4. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    ماشاءاللہ، بہت خوب۔ اچھی نظم ہے اور آپ نے شروع سے آخر تک تسلسل کو خوب نبھایا ہے۔ اسی مضمون پر بہت سال قبل اس عاجز نے بھی ایک آزاد نظم کہی تھی، آپ نے وہ دور یاد دلا دیا :)
    اگر ناگوار نہ گزرے تو دو ایک مقامات پر جو تردد ہوا، اس کا ذکر کرنا چاہوں گا۔

    ’’شب کا سویرا ہونا‘‘ کچھ نامانوس سا لگ رہا ہے۔

    ’’بارِ بار‘‘ سمجھ نہیں آسکا۔ پہلے بار کی رے پر کسرہ کیا کتابت کی غلطی ہے؟

    دعاگو،
    راحلؔ
     
  5. Wajih Bukhari

    Wajih Bukhari محفلین

    مراسلے:
    118
    ماشا اللہ، آپ کی نگاہ بہت تیز ہے۔ یہ 'بار بار' ہے۔ 'بارِ بار' نہیں۔
    مجھے یہ بات پسند آئی کہ آپ بہت باریک بینی سے میری تحاریر ملاحظہ فرماتے ہیں۔
     
    • دوستانہ دوستانہ × 1
  6. Wajih Bukhari

    Wajih Bukhari محفلین

    مراسلے:
    118
    میرا عجزِ بیان ہو گا۔ 'شب سویرا ہونا' میری نظر میں ایک واضح اشارہ ہے۔ آپ فرمائیے کہ کیا آپ کو اس کے معانی کا ابلاغ نہیں ہو پایا؟
     
    • دوستانہ دوستانہ × 1
  7. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    ابلاغ کا تو کوئی مسئلہ جناب، معنی و مفہوم تو واضح ہے۔ میرا مطلب یہ تھا کہ عموماً کہا جاتا ہے کہ شب کا صبح ہونا وغیرہ، یعنی عام طور پر ایسی تراکیب میں ’’کا‘‘ کے ذریعے عطف کیا جاتا ہے۔ میں یہ قطعاً نہیں کہنا چاہ رہا ہے کہ ایسا لکھنا غلط ہوگا، عین ممکن ہے کہ یہ تاثر میری قلت مطالعہ کے سبب ہو۔
     
    • دوستانہ دوستانہ × 1
  8. Wajih Bukhari

    Wajih Bukhari محفلین

    مراسلے:
    118
    شاعری کے باب میں آپ کا مطالعہ میرے سے تو زیادہ ہی ہو گا۔ آپ کسرِ نفسی سے کام لے رہے ہیں۔
     
    • دوستانہ دوستانہ × 1
  9. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    جناب، جناب، جناب :) اس حسنِ ظن کے لئے میں صرف آپ کا شکریہ ہی ادا کرسکتا ہوں :)
     
    • دوستانہ دوستانہ × 1
  10. محمد شکیل خورشید

    محمد شکیل خورشید محفلین

    مراسلے:
    237
    جھنڈا:
    Pakistan
    موڈ:
    Tolerant
    باریکیاں تو اساتذہ جانچیں، مجھ نا چیز کو خیال، روانی اور تسلسل نے متاثر کیا
    کیا کہنے ماشااللہ
     
    • پسندیدہ پسندیدہ × 1
  11. Wajih Bukhari

    Wajih Bukhari محفلین

    مراسلے:
    118
    مہربانی ہے جناب کی۔ آپ کے اشعار بھی اچھے لگے۔
     
    • پسندیدہ پسندیدہ × 1
  12. محمد شکیل خورشید

    محمد شکیل خورشید محفلین

    مراسلے:
    237
    جھنڈا:
    Pakistan
    موڈ:
    Tolerant
    زہے نصیب
    کہیں من ترا حاجی بگویم تو مراملا بگو کا الزام نہ آجائے :D
     
    • پسندیدہ پسندیدہ × 1
    • پر مزاح پر مزاح × 1
  13. Wajih Bukhari

    Wajih Bukhari محفلین

    مراسلے:
    118
    :)

    میں حاجی ہوں یا نہ ہوں آپ ضرور ہیں
     
    • دوستانہ دوستانہ × 1
  14. ظہیراحمدظہیر

    ظہیراحمدظہیر محفلین

    مراسلے:
    2,703
    جھنڈا:
    Pakistan
    موڈ:
    Busy
    واہ! خوب نظم ہے!
    لیکن یہ چنگاریاں کب سے نرم اور سخت ہونے لگیں بخاری صاحب؟!:)
     
  15. محمّد احسن سمیع :راحل:

    محمّد احسن سمیع :راحل: محفلین

    مراسلے:
    482
    جھنڈا:
    Pakistan
    موڈ:
    Confused
    گلزار صاحب تو دھویں کو بھی جلا، بجھا اور برسا دیتے ہیں :)
     
  16. Wajih Bukhari

    Wajih Bukhari محفلین

    مراسلے:
    118
    :) وہ قربت ہی کیا جس کی چنگاری نرم نہ ہو!
     
    • دوستانہ دوستانہ × 1

اس صفحے کی تشہیر