فلیش ایکشن اسکرپٹ کیا ہے؟

ایکشن اسکرپٹ کیا ہے؟
What is ActionScript


flash.gif


ایکشن اسکرپٹ میکرومیڈیا (جو اب ایڈوبی میں ضم ہوچکی ہے) کی تخلیق ہے۔ اسے 1999 ء میں میکرومیڈیا نے فلیش 4 کے لئے تخلیق کیا تھا۔ ایکشن اسکرپٹ کا اوّلین ورژن1999 ء سے 2004 ء تک جاری رہا۔ آخرکار فلیش 8 منظر عام پر آیا۔ فلیش کے ورژن 8 کے ساتھ ہی ایکشن اسکرپٹ 2 کو متعارف کرایا گیا۔اس وقت یہی ورژن سب سے زیادہ استعمال کیا جارہا ہے۔ 2007 ء میں ایڈوبی نے میکرومیڈیا کو خرید لیا۔ حال ہی میں ایڈوبی نے فلیش CS3 (ورژن 9 ) کو متعارف کرایا ہے۔ فلیش CS3 کے ساتھ ہی ایکشن اسکرپٹ 3 کو بھی متعارف کرایا گیا ہے۔یہ ایکشن اسکرپٹ کی اب تک کی سب سے پیچیدہ مگر انتہائی طاقتور پروگرامنگ لینگویج ہے۔
ایکشن اسکرپٹ کا تعارف
ایکشن اسکرپٹ کا نحو (Syntax):
ایکشن اسکرپٹ کا نحو بڑا نرالا ہے۔ نحو کی تین اہم علامات یہ ہیں:

{ } یہ کوڈ کے اختتام کو ظاہر کرتے ہیں۔ یہ فلیش کو بتاتے ہیں کہ آگے کچھ نہیں اس لئے رُک جاؤ!
; یہ کسی بیان (statement) کے اختتام کو ظاہر کرتا ہے۔مثال کے طور پر آپ یوں سمجھیں کہ اردو زبان میں کسی جملے کے اختتام پر (۔) ظاہر کرتا ہے کہ جملہ ختم ہوچکا ہے۔ بالکل یہی صورتحال ایکشن اسکرپٹ کی اس علامت کی ہے!

( ) یہ کسی خاص چیز کو ظاہر کرتے ہیں۔ مثلاً کسی خاص عمل یا عدد کو۔ ۔ ۔ مثال کے طور پرذیل میں ایک مکمل ایکشن اسکرپٹ کوڈ کو ظاہر کیا گیا ہے!


کوڈ:
[LEFT]on (press) {
     gotoAndPlay(2);
 }
[/LEFT]

ٓآئیے اس کوڈ کی تشریح کرتے ہیں:
اس کوڈ میں پہلی سطر سے مراد یہ ہے کہ جب آپ بٹن پر کلک کریں تو فلیش کوئی ’’کام‘‘ کرے (کام اگلی سطر کی تشریح میں آئے گا)۔ ۔ ۔ نوٹ کیجئے کہ لفظ ’’Press‘‘ بریکٹس کے اندر ہے ۔ اس لئے یہ ایک ایکشن یا عمل ہے۔ نوٹ کریں کہ اس کے فوراً بعد دائیں رُخ پر خمدار بریکٹ موجود ہے۔ یہ فلیش کو مطلع کررہا ہے کہ اگلی سطر میں موجود ’’کام‘‘ کے لئے تیار رہو!۔ ۔ ۔ فالحال کام کو نظرانداز کرتے ہوئے ہم آگے بڑھتے ہیں۔دوسری سطر میں موجود عدد کو ظاہر کرنے کے لئے بریکٹس کو استعمال کیا گیا ۔ ۔ ۔ اور سیمی کالن کو جملے کے اختتامیہ کے طور پر استعمال کیا گی ہےا۔ ۔ ۔ اسی طرح بائیں رُخ پر خمدار بریکٹ ظاہر کر رہا ہے کہ کوڈاختتام پزیر ہو گیا ہے۔

ڈاٹ سنٹیکس (Dot Syntax):ایکشن اسکرپٹ میں ہم نقطے یا dot کو کسی چیز کی خصوصیات (Properties) سے علیحدہ کرنے کے لئے استعمال کرتے ہیں۔ مثال کے طور پرذیل کی مثال دیکھئے:

کوڈ:
_root.car
_root سے مراد فلیش کا Main Timeline ہے۔ ۔ ۔ اور car سے مراد مین ٹائم لائن میں موجود مووی کلپ ہے جس کا نام (Instance Name)’’car‘‘ ہے(قوسین کے بغیر!)۔ ۔ ۔ آسان لفظوں میں یوں سمجھئے کہ فلیش کو حکم دیا جا رہا ہے کہ مین ٹائم لائن میں موجود مووی کلپ جس کا نام ’’car‘‘ ہے، سے رابطہ کرو!

بیانات (Statements):
یہاں بیانات سے مراد سیاسی بیانات نہیں ہیں جو عوام کی آنکھوں میں دھول جھونکنے کے لئے سیاستدان دیا کرتے ہیں!۔ ۔ ۔ بلکہ یہاں بیان سے مراد وہ ہدایت ہے جس پر عمل کرنے کو کہا جارہا ہے۔ ایکشن اسکرپٹ میں ایک بیان سے لے کر کئی بیانات ہوسکتے ہیں۔ ۔ ۔ فلیش پلیئر بیانات کو اوپر سے نیچے کی طرف پڑھتا ہے ۔ ۔ ۔ مگر آپ’’اگر بیانات‘‘ ( if statement) اور ’’چکر‘‘ (loop) کی مدد سے اس ترتیب کو اُلٹ بھی سکتے ہیں!

دلائل (Arguments):
دلیل سے مراد ویلیو ہے جو کسی عمل یا فعل سے متعلق ہو۔ ۔ ۔ مثال کے طور پراس کوڈ کو یاد کیجئے جس کا ذکر اوپر گزرا ہے۔

کوڈ:
[LEFT]on (press) {
     gotoAndPlay(2);
 }
[/LEFT]


کوڈ کی تشریح کرتے ہوئے ہم نے دوسری سطر میں موجود gotoAndPlay کو نظر انداز کردیا تھا۔ اب ہم انکشاف کرتے ہیں کہ یہ ایکشن اسکرپٹ میں ’’دلیل‘‘ کہلاتا ہے ۔ دلیل کی ویلیو بصورت حروف بھی ہوسکتی ہے اور بصورت ا عداد (expressions) بھی۔ ۔ ۔ حرفی ویلیوکوInverted Commas(" ") کے اندر رکھا جائیگا اور عددی ویلیو کو ان کے بغیر!۔ ۔ ۔ مثال ملاحظہ کریں:

کوڈ:
[LEFT]on (press) {
     gotoAndStop("Scene 2", 1);
 }
[/LEFT]

اس مثال میں Scene 2" " ایک حرفی ویلیو ہے اور ۔" " کے اندر رکھی گئی ہے۔ ۔ ۔ 1 ایک عددی ویلیو ہے اس لئے ان کے بغیر ہے۔ ۔ ۔ !

آراء (Comments):
اگر آپ اپنے کوڈ کی تشریح کرنا چاہتے ہیں تاکہ مستقبل میں اس کوڈ کا مصرف یاد رکھ سکیں تو اپنے کوڈ میں آراء کا استعمال ضرور کیجئے!۔ ۔ ۔ فلیش پلیئر فلیش مووی کو چلاتے وقت آراء کو نظر انداز کر دیتا ہے چنانچہ آراء کا کوڈ پر کوئی برا اثر نہیں پڑتا!۔ ۔ ۔ ایک اسکرپٹ میں آراء کو اس طرح لکھا جاتا ہے:

//
کوڈ:
This is a single line comment.
 /* This is a multi line comment */


چنانچہ اگر آپ ایک سطر پر مشتمل رائے لکھنا چاہتے ہیں تو اوپر والی مثال کے مطابق رائے لکھیں اور اگر آپ ایک سے زائد سطور پر مشتمل رائے لکھنا چاہتے ہیں تو نیچے والی مثال کے مطابق رائے لکھیں۔


اختتام:
اس طرح ایکشن اسکرپٹ پر یہ مختصر سا مضمون اپنے اختتام کو پہنچا۔ اُمید ہے اس چھوٹے سے ایکشن اسکرپٹ کے تعارف سے کم از کم آپ یہ ضرور جان گئے ہوں گے کہ فلیش میں ایکشن اسکرپٹ کا کردار کیا ہے؟۔ ۔ ۔ اور ایکشن اسکرپٹ آخر کیا بلا ہے؟ ۔ ۔ ۔ انشاء اللہ کسی روز فلیش کے مزیدکسی نئے مضمون کے ساتھ حاضر ہونگا۔ ۔ ۔ فی امان اللہ!
*******************
 

نبیل

تکنیکی معاون
زبردست شوبی اور بہت شکریہ۔ جیسا کہ قیصرانی کہہ رہے ہیں، ایکش سکرپٹ کے کوڈ پر code ٹیگ لگا دو تاکہ یہ صحیح طور پر فارمیٹ اور الائن ہو جائے۔ میں کوشش کروں گا کہ بہتر syntax highlighter فراہم کر سکوں۔
 
شکریا نبیل اور قیصرانی بھائی۔۔۔۔۔میں نے بڑی کوشش کی مگرمجھ سے ایکشن اسکرپٹ درست الائن نہیں ہوسکی۔ اس سے تو بہتر تھا کہ میں پہلے کی طرح ایکشن اسکرپٹ کے اسکرین شاٹس شامل کردیتا۔ آپ دونوں ہی ذرا کوڈ کو درست الائن کر دیں۔ مجھ سے نہیں ہورہا۔۔۔۔۔۔شکریا!!!
 
کوڈ کا ٹیگ لگانے کے بعد ایکشن اسکرپٹ درست الائن تو ہوگئی مگر اس کی وہ فارمیٹنگ ختم ہو گئی ہے جو میں چاہتا تھا۔ خیر اب پہلے سے پھر بھی بہتر ہے!
 

الف عین

لائبریرین
خوش آمدید مغل کاکا۔۔۔ یہاں ہی پہلے آپ کا سواگت کر لیا جائے۔ تعارف کی فورم میں اپنا تعارف کرائیں۔۔ مغلوں کی تعداد میں اضافہ ہو رہا ہے محفل میں!!
 

kutkutariyaan

محفلین
ما شا اللہ بہت ہی اچھی اور کامیاب شیئرنگ کی آپ نے۔۔۔۔

میری جانب سے ’’ شکریہ‘‘ کا نظرانہ قبول کریں۔۔۔

اّمید کرتے ہیں کہ آپ اِس سلسلے کو جاری و ساری رکھیں گے۔۔۔۔
 

مغزل

محفلین
بہت خوب شعیب بھائی ۔ بہت معلوماتی سلسلہ ہے جاری رکھیں۔
مجھے آج کل یوں بھی فلیش کا ہوکا پڑا ہے۔۔ بہت کچھ واضح ہوگیا مجھ پر۔
اگلی قسط کا انتظار ہے۔
 
کوڈ:
onClipEvent (load) {
    url=_root.url15;
}
اس کو میں کیسے پوپ اپ ونڈوز میں کھول سکتا ہوں۔
میں سمجھا نہیں فخر اس سوال کو۔ پوپ اپ ونڈو سے آپ کی کیا مراد ہے؟ پوپ اپ ونڈو جو براؤزر میں کھلتی ہے ، اس میں تو جاوا اسکرپٹ استعمال ہوتی ہے، ایکشن اسکرپٹ نہیں!:rolleyes:
 

فخرنوید

محفلین
جیسے اس میں لکھا ہے نا کہ یو آرایل کسی دوسری فائل میں لکھا ہے۔ میں چاہتا ہوں۔ کہ وہاں جو یو آر ایل لکھا ہے۔ وہ اسے نئی ونڈو میں کھلے یعنی اس یو آر ایل کو۔
 

مغزل

محفلین
میرے خیال میں فلیش میں ایسا کرنا آسا ن ہے ،

window10.gif


اگر آپ پوپ اپ کی ذیل میں نیا دریچہ کھولنا چاہتے ہیں تو وہ بھی ممکن ہے ۔
اور ہاں آپ دریچہ کا ایک خاص سائز، بغیر بٹن کے ، اور بغیر اسکرول بار کے بھی ، پوپ اپ کے طور پر کھلنا ممکن ہے
اس کیلئے آپ کو ڈریم ویور استعمال کرنے پڑے گا۔
والسلام
 
بہت شکریہ مغل صاحب۔ بالکل یہی طریقہ ہے فلیش میں نیا پوپ اپ ونڈوکھولنے کا۔ میں نے ونڈوز ایک مسئلے کی وجہ سے دوبارہ انسٹال کی ہے۔ اس وجہ سے تمام سافٹ ویئرز دوبارہ انسٹال کرنے پڑیں گے۔ اسی وجہ سے جواب میں تاخیر ہورہی تھی۔ اللہ آپ کا بھلا کر ے ، آپ نے میرا کام آسان کر دیا۔ بس ایک اضافہ اور کر لیں کہ ضروری نہیں ہے کہ اس ایکشن کو کسی بٹن سمبل ہی میں رکھا جائے۔ کسی فریم پر رائٹ کلک کریں اور ایکشن پینل میں صرف مندرجہ ذیل کوڈ اینٹر کر دیں۔ فلیش مووی جیسے ہی مطلوبہ فریم میں پہنچے گی، ایک نئی پوپ اپ ونڈو اوپن ہو جائے گی۔
geturl ("http://www.yahoo.com", "_blank");
 

مغزل

محفلین
شکریہ شعیب بھیا ۔ میں یہاں اسکرین شوٹ لگارہا ہوں امید ہے فخر صاحب کا مسئلہ حل ہوجائے گا۔

flash10.jpg
 

مغزل

محفلین
جبکہ جاوا اسکرپٹ یہ ہوگا: جو ہیڈ میں شامل ہوگا۔
<script Language="javascript" Type="text/javascript">
<!--
Function Mm_openbrwindow(theurl,winname,features) { //v2.0
Window.open(theurl,winname,features);
}
//-->
</script>
اور باڈی آن لوڈ کا اسکرپٹ یہ ہوگا:

ہیڈ کے بعد پیسٹ کردیں:
<body Onload="mm_openbrwindow('فائل کا نام مع نوعیت','پوپ اپ ونڈو کا نام','width=558,height=572')">
</body>
 
کیا بات ہے مغل بھائی آپ کی!!۔۔۔۔۔۔۔بہت بہت زبردست !!!۔۔۔۔۔۔آپ نے تو ایک طرح سے ایک مکمل فلیش ٹیوٹوریل ہی پوسٹ کر دیا ہے۔ جزاک اللہ خیر!!!

اگر آپ فلیش کے اس قسم کے آسان فہم ٹیوٹوریل تیار کر سکیں تو یہ بہت اچھا رہے گا۔ انھیں فلیش ٹیوٹوریل کے زمرے میں شامل کرنے سے مجھ سمیت بہتوں کا بھلا ہو گا۔ میرا اندازہ ہے کہ ماشااللہ فلیش پر آپ کو بھی کافی دسترس حاصل ہے۔ کیا آپ فلیش کا بنیادی ٹیوٹوریل تیار کر سکتے ہیں؟ مثلاََ اس میں فلیش انٹرفیس کا تعارف، ٹائم لائن کا تعارف، کی فریم اور فریم وغیرہ کا تعارف مختصراََ موجود ہو۔ اگر ضرورت محسوس ہوگی تو میں بھی اس میں اضافہ کر دوں گا۔ اس طرح فلیش کے نو آموز جو فلیش پہلی بار استعمال کر رہے ہونگے، ان کو فلیش کی بنیادی باتوں کا بخوبی علم ہو جائے گا۔ بعد ازاں Motion Tween اور Shape Tween پر بھی ٹیوٹوریل لکھا جا سکتا ہے۔ اس دوران میں فلیش ایکشن اسکرپٹ کی دوسری قسط لکھنے کی کوشش کرتا ہوں۔ کیا خیال ہے آپ کا؟
 

مغزل

محفلین
شعیب بھیا مجھے ایک لوگو کو 3d کی بنیاد پر متحر ک کرنا ہے ۔ اس کا ایکشن اسکرپٹ کیا ہوگا ۔ کوئی ٹیوٹرل ہے تو ربط دیجیے ۔
 
Top