ایم کیو ایم۔۔۔۔کچھ نہیں بدلا

[ساجداقبال]

کہتے ہیں کہ کتے کی دم، ٹیڑھی کی ٹیڑھی ہی رہیگی۔ کچھ یہی حال ایم کیو ایم کا ہے۔ پانچ سال ”جمبہوری“ حکومت کا حصہ رہ کر ان میں کتنی برداشت آئی، اس خبر سے اندازہ لگا لیں:

کراچی میں پریس کلب کے سامنے مہاجر قومی موومنٹ کے قائد آفاق احمد اور معزول ججوں کی بحالی کے لیے جمع ہونے والی مہاجر قومی موومنٹ کی خواتین پر مردوں اور خواتین پر مشتمل ایک گروہ نے حملہ کر دیا اور مظاہرین خواتین کو پولیس کی بھاری نفری کی موجودگی میں تشدد کا نشانہ بنایا اورگھسیٹا۔

بعد میں متحدہ قومی موومنٹ اور متحدہ کے سربراہ کے حق میں نعرے لگانے والے حملہ آوروں نے واقعے کی تصاویر اور ویڈیو بنانے والے کئی فوٹوگرافروں کو بھی تشدد کا نشانہ بنایا، ان کے کیمرے توڑ ڈالے اور کیمروں سے فلمیں نکال لیں۔

مکمل خبر یہاں۔۔۔

 

[ابوشامل]

ساجد بھائی کچھ نظارے بھی کرا دیتے! یہ آج کے جنگ میں چھپنے والی اس واقعے کی تصاویر ہیں:

 

[شمشاد]

تو کیا آپ سمجھتے ہیں کہ اقتدار میں آ کر مظلوم ظالموں کو خدا واسطے معاف کر دیں گے؟

 

[عمار ابن ضیا]

چاہے جتنے ہی لبادے اوڑھ لیں، باطن کہیں نہ کہیں ظاہر ہو ہی جاتا ہے۔۔۔ مجبوری ہے جی۔۔۔ کیا کریں۔۔۔

 

[باسم]

ہم تو صرف مرد کارکنوں کو ایسا سمجھتے تھے اب پتہ چلا خواتین کارکنان بھی کچھ کم نہیں ہیں

 

[شمشاد]

ایک ہی تھیلی کے چٹے بٹے ہیں تو فرق کیسے ہو گا؟

 

[محب علوی]

ایم کیو ایم کی فطرت میں غنڈہ گردی اور بھتہ خوری ہے کیسے جا سکتی ہے۔

 

[اظہرالحق]

آج کی ایک خبر یہ بھی ہے کہ ایم کیو ایم کے مطابق کراچی کا امن تباہ کرنے کے لئے اسلحہ جمع کیا جا رہا ہے ، کون کر رہا ہے ۔ ۔۔ کیسے کر رہا ہے یہ بھی ایم کیو ایم کو پتا ہے ، یہ بیان ہی انکے مستقبل کے عزائم کا نظارہ دکھا رہا ہے ۔ ۔ ۔

 

[ظفری]

میں یہ بات کچھ عرصے قبل یہاں کہہ چکا ہوں کہ کراچی میں پھر 1992 سے 1999 تک کے حالات پیدا ہونے کا شدید خدشہ ہے ۔
اس وقت وہاں کے سیاسی افق پر جو دھواں ہے ۔ اس کی آگ 1992 سے اب تک سُلگ رہی ہے ۔ ان حالات سے بچنے کا واحد راستہ یہ ہے کہ ایم کیو ایم کو اقتدار میں حصہ دیدیا جائے ۔
مگر پیپلز پارٹی ، سندھ کے حوالے سے ، کبھی بھی ، کراچی کو ایم کیو ایم کے حوالے نہیں کرے گی ۔ جس سے وہی صورتحال پیدا ہوجائے گی جو کہ 1992 میں تھی ۔

 

[شمشاد]

آئندہ حکومت میں مرضی کے مطابق حصہ نہ ملنے پر یہی کچھ تو کرنا ہے انہوں نے۔

 

[زونی]

اور یہ کہاں کا انصاف ھے کہ غنڈہ گردی سے ڈر کے غنڈے کو خود پہ مسلط کر لیا جائے

 

[باسم]

سب سے بڑے اخبار کو دیکھیں متحدہ خبر سے گدھے کے سینگ کی طرح‌ غائب ہے
گھر کے بیلن بھی ساتھ لائی ہیں

صحافیوں کا احتجاج

 

[شمشاد]

تو اس کا مطلب ہے کہ یہ سب پہلے سے طے شدہ تھا کہ یہ کچھ کرنا ہے۔
بہت خوب۔

 

[ظفری]

بلکل آسان فہم بات ہے کہ ایم کیو ایم کا یہ ردعمل اس عمل کا نتیجہ ہے ۔ جس میں آنے والی حکومت نے مہاجر قومی موومنٹ ( آفاق احمد ) کو اشارہ دیدیا ہے کہ کراچی پر حکومت کے لیئے اب اگلی ٹرم ان کی ہے ۔ مہاجر قومی موومنٹ کا اچانک اس طرح منظرِ عام پر آجانا ، اس بات کا ثبوت ہے کہ پس منظر میں ایم کیو ایم اور آنے والی حکومت کے درمیان معرکہ آرائی کا آغاز شروع ہوچکا ہے ۔ مہاجر قومی موومنٹ کے سارے زیرِ زمین کارکن باہر آنا شروع ہوجائیں گے ۔ مورچہ بندیاں اور قتل و غارت کا پھر وہی بازار گرم ہوجائے گا جو 90 کی دہائی میں کھیلا گیا تھا ۔
آنے والی حکومت ایم کیو ایم سے اپنے پچھلے حساب برابر کرے گی ۔ اور یہی رویہ تقریباً مہاجر قومی موومنٹ کا بھی ہوگا ۔ اسٹیبلشمنٹ کراچی میں اپنے خلاف بڑی جماعتوں کو دبانے کے لیئے ایم کیو ایم کو استعمال کرتی ہے ۔ پھر دبی ہوئی سیاسی پارٹی برسرِ اقتدار آکر ایم کیو ایم کے خلاف اپنی طاقت کو استعمال کرنا شروع کردیتی ہے ۔ صوبائیت کی آگ سے بچنے لیئے عموما ایم کیو ایم کی مخالف جماعت " مہاجر قومی موومنٹ " کو ہی استعمال کیا جاتا ہے ۔ میری رائے میں ماضی اب خود کو دہرانے والا ہے ۔

 

[ساجداقبال]

ظفری آپ کے خدشات درست ثابت ہو رہے ہیں۔ اسی واقعہ والے دن مہاجر مومنٹ کے دو کارکنان کو قتل کر دیا گیا، جس کا مطلب ہے کہ گینگ وار شروع ہو چکی ہے۔

 

[ظفری]

ظفری آپ کے خدشات درست ثابت ہو رہے ہیں۔ اسی واقعہ والے دن مہاجر مومنٹ کے دو کارکنان کو قتل کر دیا گیا، جس کا مطلب ہے کہ گینگ وار شروع ہو چکی ہے۔

بجا فرمایا آپ نے ۔۔۔۔ جیسے ہی کراچی میں علاقوں کی تقسیم شروع ہوگی ۔ نو گو ایریا وجود میں آجائیں گے ۔ اور پھر یہ گینگ وار انتہائی شدت اختیار کرلے گی ۔ میں تو اس منظر کشی کا سوچ کر ہی ہراساں ہوگیا ہوں ۔ بس اللہ رحم کرے ۔

 

[الف نظامی]

 

[شعیب خالق]

کراچی کے علاقے لیاری میں ایک دن بھی ایسا نہیں ہوتا ہے جس دن فائرنگ نہ ہوا ہو۔
فائرنگ کرنے والے سب چھوٹے عمر کے لڑکے ہیں۔ ان چھوٹے لڑکوں کو کون استعمال کررہا ہے ؟ سیاسی لوگ

 

[ایچ اے خان]

حیرت ہے مجھے کہ لوگ جان بوجھ کربھولے بنتے ہیں
یہ سب کام ایجنسیوں کے ہیں۔ یاد رکھیے امریکہ متحدہ کو سپورٹ کرتا ہے۔ اور حقیقی کی ذمہ دار بھی پاکستانی ایجنسیاں‌ہیں۔
پاکستان کی ایجنسیاں‌ لڑ پڑی ہیں۔ یہ اندرونی لڑائی ہے جو سڑکوں‌پر ہے۔یہ امریکی مفادات کی اوراسکے خلاف جنگ ہے۔

 

[محب علوی]

ان تمام مسائل کا حل محکمہ انصاف کو مضبوط کرنا ہے جس کی تحریک اپنی کامیابی کے بہت نزدیک ہے ۔ ایک دفعہ عدلیہ مضبوط اور آزاد ہو گئی تو پھر ہر ظلم پر مظلوم قانونی چارہ جوئی کر سکے گا اور یہ اعتماد ظالم کو ظلم کرنے سے روکنے میں حدرجہ معاون ثابت ہوگا۔

ماضی کی طرح اب لسانی جماعتیں تشدد کی سیاست نہیں چلا سکیں‌ گی کیونکہ اب میڈیا ، عدالتوں کی آزادی کی جدوجہد کی وجہ سے لوگ اتنے انجان اور بے خبر نہیں رہے ہیں اور انٹر نیٹ کی موجودگی بھی حقائق تک پہنچنے میں‌ کلیدی کردار ادا کر رہی ہے۔ مجھے پوری امید ہے کہ اب انشاءللہ حالات بہتری کی طرف ہی جائیں گے گو کہ آزمائش کا دور چل رہا ہے جس میں شاید کچھ دیر اور بہت اندوہناک سانحات سے گزرنا پڑے مگر آزمائشوں کی بھٹی سے گزر کر ہی فرد اور قومیں تعمیر ہوتی ہیں۔