اگر کوئی نظام بدلے بغیر واپس آیا تو اسے بھی شہید کردیں : طاہر القادری

1990 کی دہائی میں میری ان سے تھوڑی سی شناسائی رہی ہے، کہ ان کا گھر بھی واہ کینٹ میں ہے۔ ویسے جو عمر میں بڑا ہو اس کی عزت کرنا بنتا ہے، یہ تو ایک اہم عہدے پر رہے ہیں

 

ان کے اندھے عقیدت مندوں کے علاوہ قوم کی اکثریت ان کو ناپسند کرتی ہے۔ ٹینشن ںاٹ

 

جی بلکل۔ لیکن فی الحال تو دعا ہی کی جا سکتی ہے

 

یعی آپ بھی آئی ایس آئی کے آدمی نکلے

 

شجاع پاشا صاحب کے بارے میں ایک بات بتا دیتا ہوں کہ نہایت سخت گیر اور منتقم مزاج آدمی ہیں۔ 2006 میں ان کے بیٹے نے خود کشی کر لی تھی۔ باوجود میری پوری کوشش کہ مجھے وجہ نہیں معلوم ہو سکی تھی۔ لیکن علاقہ مکین یہی کہتے تھے کہ باپ کی سختی کی وجہ سے ایسا ہوا

 

میری شناسائی کے وقت یہ آئی ایس آئی میں نہیں تھے اور اگر میں بھول نہیں رہا تو شاید میجر یا لیفٹینٹ کرنل تھے

 

افسوس ناک ۔
آپ بھی ان پر تنقید سے احتیاط سے کام لیجئے گا اور میرا ایڈریس ان کو ہرگز نا دیجئے گا

 

کل کو کہیں گے ’’انقلاب‘‘ کی بات بھی مذاق میں کہی تھی

 

فکر نہ کریں ایسا کچھ نہیں ہوگا اور کوئی سنگین نتیجہ نہیں نکلے گا۔ زیادہ سے زیادہ یہی ہوگا کہ ڈاکٹر صاحب کا کوئی چاہنے والا یہ سنگین کام اسی سڑک پر جاکر کرے گا جہاں شہباز شریف نے زرداری کے گلے میں رسی ڈال کر گھسیٹنا تھا، یا پھر بھاٹی چوک میں ہوگا جہاں شریف برادران نے زرداری کو پھانسی پر لٹکانے کا عزم ظاہر کیا تھا۔۔۔۔ان دونوں جگہوں پر کنٹینر لگا کر اس خطرناک اقدام سے بچا جاسکتا ہے۔۔۔۔یہ تو تھی جگہ کی بات۔ اور جہاں تک وقت کا تعلق ہے تو جن بالترتیب جن چھ مہینوں میں، سال میں ، یا ڈیڑھ سال میں شریف برادران نے قوم نے بجلی کا بحران ہمیشہ کیلئے حل کردینا تھا، اور قوم کی واٹ۔۔۔۔میرا مطلب ہے ہزاروں میگا واٹ بجلی لگادینی تھی ،ایجنسیاں بھی اتنے عرصے تک ڈاکٹر صاحب اور انکے کارکنان پر نظر رکھتی رہیں گی۔۔۔۔اللہ خیر کرے گا۔

 

عجب مزاج کے لوگ ہیں ہم ۔۔۔۔۔۔۔
کیا غلط کہا قادری صاحب نے ۔۔۔۔۔۔۔؟
جس کے بے گناہ کارکن ریاستی جبر کا شکار ہوتے اپنی جانوں سے ہاتھ دھو چکے ہوں ۔جسے یہ علم ہو کہ ریاستی جبر اپنی انتہا سے بھی آگے نکل سکتا ہے ۔ وہ اپنے کارکنوں کے جوش کو اسی طرح بڑھاتا ہے ۔ قادری صاحب نے یوں تو نہیں کہا کہ مجھے اس صورت بخش دینا ۔ انہوں نے آج وضاحت کی کہ ان کی مراد خود سے اور عمران خان سے تھی ۔ کہ اگر مجھ سمیت کسی نے اپنے مفاد کے لیئے کسی قسم کا سمجھوتہ کیا تو اسے معاف نہیں کرنا ۔ کیونکہ وہ بے گناہ مارے جانے والوں کے خون سے غداری کرے گا ۔۔۔۔۔
اس جملے کو پکڑ نے والے ذرا کھلے دل دماغ سے یہ سوچیں کہ قادری نے اس جملے کے علاوہ بھی بہت کچھ کہا ہے ۔ مانا کہ یہ قادری صاحب کا ناقابل معافی جرم ہے کہ وہ 63 سال سے سو جوتے سو پیاز کھانے والی قوم کو جگانے کی کوشش کر رہے ہیں تاکہ " کرپٹ " رہنماؤں سے قوم کی جان چھوٹ سکے ۔۔۔۔۔
مگر ہماری معصوم عوام تو " گراں خواب چینیوں " سے زیادہ میٹھی نیند سو رہی ہے ۔ اسے جگانے کی کوشش کرنے والے کو دار پر چڑھاتے اک مثال بنا دینا ہی بہتر ۔۔۔۔۔۔۔۔۔۔۔۔۔۔۔۔۔۔

 

بالکل یہ بات اس نام نہاد انقلاب کی وجوہات میں سے ایک بڑی وجہ ہے ۔ اور ن لیگ کی یہ مجبوری ہے کہ وہ اس بات کو عوام کے سامنے لا کر فوج سے ٹکر نہیں لے سکتی ۔ گو کہ راجہ ظفرالحق اور ایک آدھ مزید ن لیگی سیاست دان نے اس کا اظہار کیا ہے لیکن بڑے نپے تلے الفاظ میں ۔

 

کہا جاتا ہے کہ انقلاب لانا مسخروں کا کام نہیں ہوتا ۔
ہاتھ کنگن کو آر سی کیا ۔۔۔۔ یہاں تو انقلابی رہنما خود تسلیم کر رہے ہیں کہ انہوں نے مسخرے پن سے کام لیا ۔
بس آ گیا انقلاب یو ٹرن لینے کا

 

کیا آپ لوگ یہ کہہ رہے ہیں کہ اس انقلاب کے پیچھے پاکستان کی سب سے بڑی سیاسی پارٹی ہے؟

 

ہاں جی تو ایک برس قبل کیا گیا تجزیہ درست ثابت ہوا یا نہیں ؟
کیسا انقلاب ؟ ڈرامہ کچھ اور ہے ​

 

نہیں۔ میں یہ تو نہیں کہہ رہی۔ میں تو ابھی تک ہوا میں تیر چلا رہی ہوں ۔
یہ ایک زاویہ نظر تھا اسی ادارے کےلوگوں کی طرف سے جس سے مشرف تعلق رکھتے تھے۔

 

میں ن لیگ کی سپورٹر نہیں اور میں بھی اسی عوام کا حصہ ہوں جو ایک عرصے سے بجلی کی کمیابی ، مہنگائی ، بنیادی سہولیات کی کمی اور دیگر مسائل کا شکار ہیں۔ لیکن میں sitting govt (جمہوری) کے حق میں ہوں۔ چاہے وہ پیپلز پارٹی تھی یا اب ن لیگ ہے ۔ پی ٹی آئی ہوتی تو میں اس کو بھی اسی طرح سپورٹ کرتی کیونکہ اگر ایک پارٹی کو اقتدار ملا ہے تو ہم اسے کچھ وقت تو دیں کہ وہ کچھ کر سکے۔ نہیں کرے گی تو اگلی دفعہ سامنے نہیں آئے گی۔ عوام بھی تو کئی انتخابات کے بعد میچور ہوں گے نا۔ یہ جو بیچ میں شور شرابا شروع ہو جاتا ہے اس سے نقصان صرف ہمارا یعنی عوام کا ہوتا ہے۔ مڈ ٹرم الیکشن ہوں تو خرچے کون پورے کرےگا؟ اور اگر نہ ہوں اور وہی پرانی کہانی دہرائی جائے جو پاکستان کے بننے سے اب تک کئی بار دہرائی گئی تو آمریت کا شکار کون ہو گا؟
جہاں تک بجلی کا تعلق ہے تو اگر میں بھول نہیں رہی تو 2006ء سے بجلی کا بحران شدت اختیار کر گیا تھا۔ میں ان دنوں یہیں پاکستان میں ہی موجود تھی۔ اب آٹھ سالوں کا بحران اگر ہم چھ ماہ یا ایک سال میں ختم ہونے کی توقع کریں تو پھر ہم خیالی دنیا میں رہ رہے ہیں۔
میں اسی لیے خان صاحب کے خیبر پختون خواہ میں ہونے والی 'ترقیوں' اور 'حالات کی بہتری' کا موازنہ نہیں کرتی کہ ایک سال میں تبدیلی آنے کی توقع خواب تو ہو سکتا ہے حقیقت نہیں۔
باقی غزنوی بھائی۔ وہ پولیس والے جن کے گزشتہ دنوں جنازے اٹھے ہیں اور جن پر چھ اچھ انچ لوہے کے کیل جڑے ڈنڈے چلائے گئے ہیں ، ان کی جانیں بھی اتنی ہی قیمتی تھیں جتنی سانحہ لاہور میں جاں بحق ہونے والوں کی تھیں۔ ان کے بھی پیارے اسی طرح رو رہے ہیں جیسے پرسوں قادری صاحب کے جلسے میں بیان کیا گیا۔ لیکن کیونکہ وہ سرکاری ملازمین ہیں۔ ان کو 'قتل' تو 'فرض' ٹھہرا ۔ اور جن کی جانیں اپنے 'قائد' کی حفاظت کرتے گئیں وہ 'شہید' ہوئے۔

 

آپ نے میرے دل کی بات کہہ دی۔
بہت خوب

 

اسے کہتے ہیں اصلی تے وڈی تبدیلی
تیار رہیں اب انقلاب بھی یو ٹرنی ہو گا
اب تک اتنے یوٹرن لے چکے ہیں کہ گھومنے کے لئے ایک دائرہ ہی بنا لیں تو آسانی رہے گی
ٹی وی سکرین پر خبر کی پٹی پر بھی ایک یو ٹرن دکھائی دے رہا ہے ​

 

مجھے تو لگتا ہے کہ ان دونوں نے انقلابی گاڑی کو بار بار یو ٹرن لگاتے ایک دن خود ہی ایک دوسرے سے ٹکرا کر "شہید" ہو جانا ہے