اپنے ہر درد کا درمان بنائے رکھا

ظہیراحمدظہیر

لائبریرین
حسبِ وعدہ ایک غزل احبابِ محفل کے ذوقِ سخن کی نذر ہے ۔ شاید ایک دو اشعار آپ کو پسند آئیں ۔ گر قبول افتد زہے عز و شرف!


٭٭٭

اپنے ہر درد کا درمان بنائے رکھا
غم اک ایسا تھا کہ سینے سے لگائے رکھا

پاسِ ناموسِ مسیحا تھا مجھے درپردہ
زخمِ جاں سوز کو مرہم سے بچائے رکھا

ایک اندیشۂ ناقدریِ عالَم نے مجھے
عمر بھر چشمِ زمانہ سے چھپائے رکھا

کبھی جانے نہ دیا گھر کا اندھیرا باہر
اک دیا میں نے دریچے میں جلائے رکھا

دیکھ کر برہنہ پا راہ کے کانٹوں نے مجھے
رشکِ گلشن مرے رستے کو بنائے رکھا

اصل کردار تماشے کے وہی لوگ تو تھے
وقت نے جن کو تماشائی بنائے رکھا

دیکھ سکتا تھا بہت دور تک آگے میں ظہیرؔ
جب تک اِن شانوں پہ بچوں کو اٹھائے رکھا

٭٭٭

ظہیر ؔ احمد ۔۔۔۔ (۲۰۱۹ )

 
حسبِ وعدہ ایک غزل احبابِ محفل کے ذوقِ سخن کی نذر ہے ۔ شاید ایک دو اشعار آپ کو پسند آئیں ۔ گر قبول افتد زہے عز و شرف!


٭٭٭

اپنے ہر درد کا درمان بنائے رکھا
غم اک ایسا تھا کہ سینے سے لگائے رکھا

پاسِ ناموسِ مسیحا تھا مجھے درپردہ
زخمِ جاں سوز کو مرہم سے بچائے رکھا

ایک اندیشۂ ناقدریِ عالَم نے مجھے
عمر بھر چشمِ زمانہ سے چھپائے رکھا

کبھی جانے نہ دیا گھر کا اندھیرا باہر
اک دیا میں نے دریچے میں جلائے رکھا

دیکھ کر برہنہ پا راہ کے کانٹوں نے مجھے
رشکِ گلشن مرے رستے کو بنائے رکھا

اصل کردار تماشے کے وہی لوگ تو تھے
وقت نے جن کو تماشائی بنائے رکھا

دیکھ سکتا تھا بہت دور تک آگے میں ظہیرؔ
جب تک اِن شانوں پہ بچوں کو اٹھائے رکھا

٭٭٭

ظہیر ؔ احمد ۔۔۔۔ (۲۰۱۹ )

لاجواب غزل۔
ایک ایک شعر گویا موتی پرو دیے ہوں۔
کیا کہنے ظہیر بھائی۔
 

احمد محمد

محفلین
ماشاءاللہ۔۔ واہ۔۔۔۔ بہت عمدہ اور شاندار کلام فرمایا آپ نے۔ شاد و آباد رہیں۔

اور ایفائے عہد پر ہم آپ کے تہہ دل سے شکر گزار ہیں۔ صبح سے میں کچھ کام کے سلسلہ میں نکلا ہوا تھا اور میں نے سوچا ہوا تھا کہ گھر جا کر آپ کو یاد کرواؤں گا کہ دوسرا ویک اینڈ آگیا ہے تو کدھر ہے غزل مگر آپ نے پہلے ہی پوسٹ فرما دی۔۔ :applause:
 

جاسمن

لائبریرین
واہ واہ! کیا خوب کلام ہے! کیا چنے ہوئے اشعار ہیں ماشاءاللہ!
بہت خوب! ایک سے بڑھ کے ایک شعر۔
خوبصووووووووورت غزل۔:)
 

ظہیراحمدظہیر

لائبریرین
ماشاءاللہ۔۔ واہ۔۔۔۔ بہت عمدہ اور شاندار کلام فرمایا آپ نے۔ شاد و آباد رہیں۔

اور ایفائے عہد پر ہم آپ کے تہہ دل سے شکر گزار ہیں۔ صبح سے میں کچھ کام کے سلسلہ میں نکلا ہوا تھا اور میں نے سوچا ہوا تھا کہ گھر جا کر آپ کو یاد کرواؤں گا کہ دوسرا ویک اینڈ آگیا ہے تو کدھر ہے غزل مگر آپ نے پہلے ہی پوسٹ فرما دی۔۔ :applause:
بہت شکریہ ! بڑی نوازش ، احمد محمد بھائی ! اللہ آپ کو خوش رکھے ۔ پذیرائی کے لئے ممنون ہوں ۔
مجھے وعدہ یاد ہے ۔ ان شاءاللہ ایک تازہ بتازہ غزل اگلے ہفتے احبابِ محفل کی خدمت میں اور پیش کروں گا ۔ ایک دس بارہ سال پرانی نظم بھی نکل آئی ہے وہ بھی لگانے کا ارادہ ہے ۔ :)
یہ آپکی عاجزی ہے وگرنہ مطلع تا مقطع کیا کمال فرمایا آپ نے۔
آپ احباب کی محبت اور قدر افزائی ہے ورنہ من آنم کہ من دانم ۔ آپ احباب کی پذیرائی پر دل سے ممنون ہوں ۔
 

ظہیراحمدظہیر

لائبریرین
واہ واہ! کیا خوب کلام ہے! کیا چنے ہوئے اشعار ہیں ماشاءاللہ!
بہت خوب! ایک سے بڑھ کے ایک شعر۔
خوبصووووووووورت غزل۔:)
بہت شکریہ ،خواہرم جاسمن ! بڑی نوازش ہے ۔ آپ جیسے اہلِ ذوق کی طرف سے داد و تحسین اور پذیرائی ہی قلم کو تحریک دیتی ہے ورنہ طبیعت تو اب بجھتی ہی جارہی ہے ۔ اللہ آپ کو خوش رکھے ، ذوق سلامت رکھے ۔ آمین ۔
 
Top