1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

جون ایلیا اپنے سب یار کام کر رہے ہیں

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏فروری 17, 2017

  1. فرحان محمد خان

    فرحان محمد خان محفلین

    مراسلے:
    2,095
    جھنڈا:
    Pakistan
    موڈ:
    Cheeky

    اپنے سب یار کام کر رہے ہیں
    اور ہم ہیں کہ نام کر رہے ہیں

    تیغ بازی کا شوق اپنی جگہ
    آپ تو قتلِ عام کر رہے ہیں


    داد و تحسین کا یہ شور ہے کیوں
    ہم تو خود سے کلام کر رہے ہیں

    ہم ہیں مصروفِ انتظام مگر
    جانے کیا انتظام کر رہے ہیں

    ہے وہ بے چارگی کا حال کہ ہم
    ہر کسی کو سلام کر رہے ہیں

    اِک قتالہ چاہئے ہم کو
    ہم یہ اعلانِ عام کر رہے ہیں

    کیا بھلا ساغرِ سِفال کہ ہم
    ناف پیالے کو جام کر رہے ہیں

    ہم تو آئے تھے عرضِ مطلب کو
    اور وہ اِحترام کر رہے ہیں

    نہ اُٹھے آہ کا دُھواں بھی کہ وہ
    کوئے دل میں خِرام کر رہے ہیں

    اس کے ہونٹوں پہ رکھ کے ہونٹ اپنے
    بات ہی ہم تمام کر رہے ہیں

    ہم عجب ہیں کہ اس کے کوچے میں
    بے سبب دُھوم دھام کر رہے ہیں


    جون ایلیا
     

اس صفحے کی تشہیر