نوید صادق
محفلین
غزل
اپنے دامن میں سمیٹے جوشِ گریہ لے گیا
وہ سمندر تھا جو میرے دل کا دریا لے گیا
گال اس کے اس طرح چمکے کہ شمعیں گل ہوئیں
میری آنکھیں تیز لشکاروں کا میلہ لے گیا
میرے زخموں کے سویرے زرد پھولوں کو ملے
اور شامیں گھر کے ویرانے کا سبزہ لے گیا
رہنماؤں کا اٹھائے کون احسانِ سفر
چل پڑ ے اس سمت ہم جس سمت رستہ لے گیا
سر کا سایہ لے گئی تھی بے لباسی پیڑ کی
اور قسمت کی لکیریں خشک پتا لے گیا
میرا دل رکھنے کو ثاقب مشکلوں میں ہنس پڑ ے
صبر کے میداں میں بازی میرا بچہ لے گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آصف ثاقب
۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ ماہنامہ ’’بیاض‘‘ مئی 2009ء
اپنے دامن میں سمیٹے جوشِ گریہ لے گیا
وہ سمندر تھا جو میرے دل کا دریا لے گیا
گال اس کے اس طرح چمکے کہ شمعیں گل ہوئیں
میری آنکھیں تیز لشکاروں کا میلہ لے گیا
میرے زخموں کے سویرے زرد پھولوں کو ملے
اور شامیں گھر کے ویرانے کا سبزہ لے گیا
رہنماؤں کا اٹھائے کون احسانِ سفر
چل پڑ ے اس سمت ہم جس سمت رستہ لے گیا
سر کا سایہ لے گئی تھی بے لباسی پیڑ کی
اور قسمت کی لکیریں خشک پتا لے گیا
میرا دل رکھنے کو ثاقب مشکلوں میں ہنس پڑ ے
صبر کے میداں میں بازی میرا بچہ لے گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آصف ثاقب
۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ ماہنامہ ’’بیاض‘‘ مئی 2009ء
