اپنا یوٹیوب چینل بناکر گھر بیٹھے لاکھوں کمائیں

[گُلِ یاسمیں]

یہ خاکسار و احقر و ہیچمداں بھی آپ کے آبنائے علم و دانش و تفریح پر مہر تائید ثبت کر چکا ہے

کوئی تو ہمیں فیروز اللغات تحفتاً دے دے ۔

 

[عبدالقدیر 786]

کس چیز کے متعلق؟
ویب سائٹ فل ٹائم جاب نہیں ہے؟؟

میں آن لائن پڑھنے پڑھانے کے لئے اُستاد اور اساتذہ کی ویب سائٹ تیار کررہا ہوں
متعلق کمپیوٹر کی کوڈنگ کے اُستاد

 

[عبدالقدیر 786]

کس چیز کے متعلق؟
ویب سائٹ فل ٹائم جاب نہیں ہے؟؟

کیا یہ آئیڈیا بہتر ہوگا؟

 

[گُلِ یاسمیں]

میں آن لائن پڑھنے پڑھانے کے لئے اُستاد اور اساتذہ کی ویب سائٹ تیار کررہا ہوں
متعلق کمپیوٹر کی کوڈنگ کے اُستاد

زبردست آئیڈیا ہے۔

 

[وسیم]

یہ خاکسار و احقر و ہیچمداں بھی آپ کے آبنائے علم و دانش و تفریح پر مہر تائید ثبت کر چکا ہے

بندہ ناداں، عالمِ الفاظ و ترکیباتِ مشکلاں و مشکل پسند انساں عوام الناس کو دقیق و صقیل اصطلاحات سے مستفید کرنے پہ باعثِ تقلید ہیں۔

 

[عبدالقیوم چوہدری]

میری ریپو اتنی اچھی نہیں ہے

کسی ایجنسی سے ریٹنگ کروائی ہے ؟

 

[محمد عبدالرؤوف]

عالمِ الفاظ و ترکیباتِ مشکلاں و مشکل پسند انساں عوام الناس کو دقیق و صقیل اصطلاحات سے مستفید کرنے پہ باعثِ تقلید ہیں

خوب است، حضور کی سریع الفہم کلام سے ہم کم علم و کج فہم مستفیض و مستفیذ و مستفید ہوئے

 

[محمد عبدالرؤوف]

کیا یہ آئیڈیا بہتر ہوگا؟

میرا اس میں بالکل کوئی تجربہ نہیں ہے اس لیے میں تو کم از کم مشورہ دینے کا اہل نہیں ہوں

 

[عبدالقدیر 786]

میرا اس میں بالکل کوئی تجربہ نہیں ہے اس لیے میں تو کم از کم مشورہ دینے کا اہل نہیں ہوں

میں سمجھا کہ شاید آپ بھی پروگرامر ہیں

 

[محمد عبدالرؤوف]

میں سمجھا کہ شاید آپ بھی پروگرامر ہیں

نہیں بھائی

 

[عبدالقدیر 786]

آپ کے بھی دونوں چینلز سبسکرائب کر لیے ہیں ۔ کوکنگ چینل کی تراکیب کافی آسان ہیں ۔ جلد ہی ہولے بھوننے کی تیاری ہے ۔ گرافکس کا اس لیے کہ ہماری فیلڈ ہے ۔

یہ میرے گھر میں بنتے ہیں میری گھر والی نے بھی اپنے سُسرال میں آکر کھائے جب سے وہ بھی دیوانی ہوگئی ہیں ہولے کی۔
ہولے بنانے کی ترکیب سب سے پہلے ہم نے ہی ڈالی تھی یوٹیوب پر پھر تھوڑے عرصے بعد لوگوں نے بھی اِس کو مختلف طریقوں سے بنانا شروع کردیا ۔ بہت ہی مزے کے بنتے ہیں رات کہ وقت بیٹھ کر سب ایک ساتھ مل کر کھاتے ہیں بہت اچھا لگتا ہے۔

 

[محمد امین صدیق]

یہ خاکسار و احقر و ہیچمداں بھی آپ کے آبنائے علم و دانش و تفریح پر مہر تائید ثبت کر چکا ہے

مابدولت برادرم محمد عبدالرؤوف کا اس کرم فرمائی کے لیے تہہ دل سے شکریہ ادا کرتے ہیں ۔

 

[عبدالقدیر 786]

مابدولت برادرم محمد عبدالرؤوف کا اس کرم فرمائی کے لیے تہہ دل سے شکریہ ادا کرتے ہیں ۔

یہ عبدالروف صاحب کون سی زبان بول رہے ہیں سمجھ ہی نہیں آرہی

 

[محمد امین صدیق]

یہ عبدالروف صاحب کون سی زبان بول رہے ہیں سمجھ ہی نہیں آرہی

اس کو اردوئے دقیق کہتے ہیں ۔

 

[عبدالقدیر 786]

اس کو اردوئے دقیق کہتے ہیں ۔

اردومحفل پر جب روزانہ حاضری دے رہے ہیں
تو ایسی بہت سی باتیں پتا لگ رہی ہیں
جو کہ نئی اور منفرد ہیں

 

[وسیم]

خوب است، حضور کی سریع الفہم کلام سے ہم کم علم و کج فہم مستفیض و مستفیذ و مستفید ہوئے

حضور کی پیہم گل افشانیوں سے عاصیانِ اردو ویب کو ہویدا ہے کہ حضور کی بارگاہِ ضوفشاں میں بلاغت اور قادرالکلامی رفاقت نادیدہ میں باہم ایسے جکڑے ہیں جس کو قرطاس پہ سجائے بغیر علامتہ العصر، نمونہ اسلاف و قدماء شیخ اللفاظت کی طبعیت بیکل رہتی ہے۔

 

[وسیم]

مابدولت برادرم محمد عبدالرؤوف کا اس کرم فرمائی کے لیے تہہ دل سے شکریہ ادا کرتے ہیں ۔

مابدولت خالی شکریے پہ ٹرخا گئے۔ چینل سے کمیشن بھجوائیں عبدالرؤوف صاحب کو

 

[علی وقار]

دریں چہ شک کہ آمدِ مابدولت قبلہ امین صدیق کے طفیل یہ اردومحفل مرزا رجب بیگ سرور کے فسانہء عجائب کی مقفیٰ ومسجع عبارات سے گویا سج سنور گئی ہے اور لکھنوء کے کسی کوچہء رنگیں و حسین کا منظر پیش کر کے دل و نگاہ میں تلاطم بپا کرنے کے در پہ ہے۔

 

[محمد امین صدیق]

دریں چہ شک کہ آمدِ مابدولت قبلہ امین صدیق کے طفیل یہ اردومحفل مرزا رجب بیگ سرور کے فسانہء عجائب کی مقفیٰ ومسجع عبارات سے گویا سج سنور گئی ہے اور لکھنوء کے کسی کوچہء رنگیں و حسین کا منظر پیش کر کے دل و نگاہ میں تلاطم بپا کرنے کے در پہ ہے۔

ذرہ نوازی پر مابدولت برادرم وقار کا قلب صمیم کے عیاں ، نہاں و پنہاں خانوں سے شکریہ ادا کرتے ہیں ۔

 

[وسیم]

خاکسار کی "بھان متی کا کنبہ سیریز" کی تیسری قسط اردو ویب پہ چند لحظے پہلے شائع ہو چکی ہے۔
شکریہ